×

Para instalar Gaztenpresa en tu iPhone pulsa y luego Añadir a pantalla de inicio.

Navegación limitada - Sin conexión

Offline eta online marketin-estrategiak, zure negozioaren salmentak handitzeko

Share on facebook
Share on twitter
Share on linkedin
Share on whatsapp
Share on email

Marketin-kontzeptuak definizio ugari ditu, sektoreko profesional bakoitzeko bana, ia-ia. Baina hiztegian begiratuz gero, honako definizio hau aurkituko dugu: “Merkatuaren azterketan oinarrituriko printzipio eta teknikak, merkaturatze-sistema egokiak ezartzea eta eskaria asetzea edo handitzea helburu dutenak”. Hau da, saltzeko teknikak dira. Hortik abiatuta milaka xehetasun gehi ditzakegu, baina, nolanahi ere, marketina eta salmentak kontzeptu banaezinak dira edozein negoziotan.

Iraultza digitalak, alabaina, tartetxo bat ireki du bi terminoen artean: gaur egun brandinga edo bezero-esperientzia (CX) helburu saihestezinak dira negozio guztietan. Are gehiago, kasu batzuetan kontzeptu horiek salmenta-helburuen gainetik kokatu dituzte, baina azken horiek negozio ororen aurreikuspenen artean daude oraindik ere.

Horregatik, garrantzitsua da zure negozioaren salmentak areagotzeko marketin-estrategiarik egokiena zehaztea. Izan ere, batzuetan horrela dirudien arren, guztia ez da marketin digitala: offline marketina baliabide indartsua da salmentak handitzeko, batez ere enpresa txiki eta ertainentzat eta autonomoentzat. Jarraian azalduko dizkizugu helburu hori lortzen lagunduko dizuten online eta offline tresnak.

Offline marketina

Aro digitalean bizi bagara ere, oraindik oso eraginkorrak diren offline marketin-teknika asko daude Ez al zara inoiz gelditu zure ibilgailuaren haizetakoan jarri duten panfletoa irakurtzen? Zuzeneko marketineko teknikarik oinarrizkoenetako bat da; zehazki bezero jakin batengana jotzea da estrategia, komunikabiderik edo publizitate-euskarri masiborik erabili gabe. Eta aproposa da negozio bat tokiko esparru mugatu batean ezagutzera emateko. Zuzeneko marketina dira, besteak beste, postontzietako banaketa eta lagin pertsonalizatuen bidalketa. Kasu horretan garrantzitsua da datu-base egokia izatea, eguneratutako informazioarekin, bezerogaiengana iristeko. Marketin zuzena da, halaber, telefono bidezko marketina, bai igorlea eta bai hartzailea. Telefono bidezko marketina igorle gisa egiteko, agenteek ondo prestatuta egon behar dute eta datu-base bikaina erabili, igorri nahi den mezua edo salmenta bezeroa gogaitu gabe helarazi edo burutu ahal izateko. Bigarren multzokoak dira, berriz, 900 telefono-zenbakiak, informazio-zerbitzuak edo bezeroei arreta eskaintzekoak.

Direktorio fisikoak ere zure negozioa ezagutzera emateko modu bat dira, erabiltzaileek behar bereziren bat dutenean jotzen baitute horietara. Baina oraindik ere sarri erabiltzen diren arren, ohitura hori galtzen ari da, jendeak gero eta gehiago jotzen baitu interneteko bilatzaileetara horrelako kontsultak egiteko. Marketineko baliabiderik eraginkorrenetakoen artean daude, halaber, irratietan eta telebistetan edo beste komunikabide batzuetan kontratatutako publizitate-tarteak eta formatu handiko publizitatea. Adibidez, kartelak, posterrak, roll-up direlakoak eta abar. Baliabide horiek erabiliz gure marka ia leku guztietan ikus dadila lortu nahi dugu. Eraginkorra izan dadin, formatu handiko publizitateak oso deigarria izan behar du ikusleentzat; bestela, ez da nabarmenduko eta ez du ezertarako balioko.

Marketin-teknika jakin batek sormena eta irudimena muturrera eramaten ditu, komunikabide handietatik at jardunez: gerrilla-marketina da. Estrategia horrek hiriko gune jakin batzuk aprobetxatzen ditu, zebra-bideak edo jarlekuak, adibidez, edo autobus publikoak, irudiekin jokatu eta publizitate-mezu harrigarri eta bikainak bidaltzeko. Baina enpresa handiek bakarrik izaten dute horrelako gune publikoak kontratatzeko ahalmena; hori da arazoa.

Ekintza horiek guztiak eraginkorrak dira berez, baina zalantzarik gabe, offline formatua eta digitala uztartzen dituena da marketin-estrategiarik onena. Batuketa horrek salmenta-emaitzak hobetzeko aukera emango dizu, baita xede duzun publikoaren artean are ezagunagoa izateko beta ere. Gogoratu jende askok, inpaktua offline jaso ondoren, internetera jotzen duela zerbitzu edo produktu bati buruzko informazio gehiagoren bila.

Online marketina

Eremu digitalak berezko izaera du, eta estrategia zehatzak beharko dituzu zure marka ezagutzera eman eta sustatzeko, eta, era berean, zure negoziorako bezero berriak erakartzeko. Ekintzaile zarenez, badira ekintza batzuk abian jarri behar dituzunak zure negozioa ikusgarriago egin eta salmentak areagotzeko.

Lehenengoa web-orri egokia edukitzea da. Saltzen lagunduko dizun erakusleihoa izango da. Web funtzional eta erakargarria sortzeko eman beharreko pausoak azaldu genizkizun lehenago ere, baina gogoratu bezeroari zure produktuari buruz eman nahi diozun funtsezko informazioa sartu behar duzula orrialdeko edukietan. Eta, gainera, bilatzaile nagusietan azaltzeko egoki optimizatuta egon behar duela.

Bilatzaileetan SEM publizitate-kanpaina ona ere egin beharko duzu: estrategia eraginkorra da eta epe luzera merke atera dakizuke. Gogoan izan egunero 3.500 milioi bilaketa inguru egiten direla bilatzailerik erabilienean. Bilatzaileetako marketinaren berezko osagarria sare sozialak dira. Zure negozioaren sukurtsala interneten etengabe zabalik izateaz gain, sareak bi norabideko nahitaezko komunikazio-kanala dira gaur egun. Eta, gainera, zure negozioa sustatu dezakezu sareetan publizitate-kanpaina errazak sortuta. Eta sare sozialez ari garela, kontuan izan behar duzu, halaber, influencer deiturikoen bidez ere indartu dezakezula zure marketin-estrategia.

Horrenbestez, gainbegiradatxo bat eman diegu online eta offline marketin-teknikei. Baina nola egingo dituzu salmentak? Denda fisikoa izango duzu edo online saltokia? Edo biak? Galdera horren erantzuna gero eta argiagoa da: aukera baduzu, denda fisikoa eta online salmenta-atari bat izatea da onena. Negozio tradizionaletan salmenta elektronikoak dituen abantailen berri eman genizun aurreko batean. Edonola ere, kontuan izan behar duzu mundu globalizatu honetan asko direla interneteko bozgorailuari esker urrats erraldoia eman duten denda txikiak. Zure e-commerce zerbitzua erraz optimizatuta eta zure zerbitzuari edo produktuari buruzkoak egoki itzulita, sarea iristen den leku guztietara hel zaitezke.

Eta jarraibide erraz hauez gain informazio gehigarri berezia behar baduzu marketin-kanpaina garatzeko edo zure negozioa indartzeko, behar duzun guztia Gaztenpresan eskaintzen dizugu. Prestakuntza-tailerrak antolatzen ditugu, eta mentoring-programak, profesionalik onenen laguntza jaso dezazun. Zure zain gaude.

Post gehiago irakurri.

Urria 3, 2023
Gizonentzako neurrirako joskintzako eta jantzigintzako marka da Jajoan, hainbat saltoki ditu estatu osoan, eta Bilbokoa dago haien artean. Noelia Fernándezek gidatzen du saltoki hau, eta gaur harekin hitz egingo dugu ekintzailetzari lotuta duen historia ezagutzeko. Nola hasi zen zure abentura ekintzailea? Jajoan markak zenbait urte zeramatzan jada Bilbon zeukan dendarekin eta dendako langileetako bat nintzen...
Iraila 26, 2023
2004an hasi zuen bere harremana Gaztenpresarekin Irene Rodríguez ekintzaileak, bere kontura delineatzaile gisa lan egiten hasteko pausoa eman zuenean. Baina harremana ez zen hor bukatu. 2016an, goi-kualifikazioko langile teknikoen outsourcinga bere jardueraren ardatz gisa hartzea erabaki zuen Iddtekek, bere zerbitzuak zabalduz, eta, berriro ere, Gaztenpresan oinarritu zen aldaketa horri aurre egiteko. Eta, orain, mentore gisa...
Iraila 14, 2023
Maiatzaren amaieran ireki zuten Bilbon House Of Movement Experience (HOME) zentroa, entrenamendu pertsonal eta mugimendu egokiturako gunea. Proiektu horren atzean, Laura Leandro eta Noel Herresánchez ditugu, eta euren esperientzia ekintzailea kontatuko digute elkarrizketa honetan. Entrenamendu-zentro horretara joaten diren guztientzat “etxe” bihurtzeko asmoz sortu duzue HOME. Zer du bereizgarri zuen proposamenak ariketa fisikoa egiteko beste aukerekin...
Iraila 4, 2023
Bi emakume gazte ekintzaile hauek urte batzuk zeramatzaten Concha Calle Decoración dendan lanean, Portugaleten (Bizkaia) erreferentziazkoa den interiorismoko negozioa. Orain, jabeek erretiroa hartu dute, eta proiektuaren buru jartzea erabaki dute Cristinak eta Edurnek. Elkarrizketa honetan kontatuko digute prozesu hori nolakoa izan den.   Zein unetan erabaki zenuten dekorazioko eta interiorismoko denda honen jarduerarekin jarraitzea? Edurne:...
Uztaila 7, 2023
Gaur Leire Uretarekin hitz egingo dugu, Nukka dendaren sortzailearekin. Emakume eta gizonentzako marka anitzeko moda-denda da Nukka, duela hiru urte irekia Amorebieta-Etxanon (Bizkaia). Bere apustua outfit erosoak egitea da, estilo handiko jantziekin eta osagarriekin, Leirek 20 urte baino gehiagoko eskarmentua baitu retail sektorean. Baina utz diezaiogun berari kontatzen. Zergatik erabaki zenuen zeure arropa-denda martxan jartzea?...
Ekaina 7, 2023
Laida San Sebastianena izan zen Gaztenpresatik ekimenean jasotako azken testigantza. Gizarte arloan ia 20 urtez ekintzaile izan ondoren, orain Mondragon Unibertsitateko Eskola Politeknikoko ikasleekin partekatzen ditu bere ezagutzak eta esperientziak, Ekintzailetza Teknologikoko arduraduna baita han. “Ni naiz guztiari ‘bai’ esatearen asmatzailea”, aitortu zuen Laidak keinu bat eginez Andrea Fernandezek egin zuen aurreko mintzaldiari. Hain zuzen...