×

Para instalar Gaztenpresa en tu iPhone pulsa y luego Añadir a pantalla de inicio.

Navegación limitada - Sin conexión

Nola finantzatu negozio bat arriskurik txikienarekin

Share on facebook
Share on twitter
Share on linkedin
Share on whatsapp
Share on email

Finantzaketa. Beldurra eragin dezakeen hitza. Autonomoa edo enpresari txikia bazara batez ere. Proiektu ekintzaile baten hasieran ez dugu finantza-alorreko betebeharrekin kargatu nahi izaten, baina likidezia behar izaten dugu aldi berean. Zer egin dezakezu? Mikro-kredituak interesgarriak irudituko zaizkizu. Zergatik azalduko dizugu.
 
Izenak berak dioen moduan, mikro dira, horien zenbatekoa dela eta. Dena den, gutxiago gehiago izaten da askotan. Bost, hamar edo hamabost mila euro oso erabilgarriak izan daitezke, jakina, ekintzailetza-prozesu baten hasierako faseetan. Batzuetan behar izaten dugun hasierako bultzada hori izan daiteke.
 
Gaztenpresa Fundazioan badakigu hori, eta horregatik, 25.000 eurorainoko mikro-kredituak eskaintzen ditugu negozioak sortzen eta finkatzen laguntzeko. Autonomoa bazara, enpresa txiki eta ertain bat baduzu, edo ekintzailetza-proiektu batean pentsatzen ari bazara, mota horretako finantziazioa oso lagungarria izan dakizuke. Dagoeneko aurrerapauso hori eman duten profesional arrakastatsuen talde handi batean sartuko zara. Izan ere, Gaztenpresak 2015ean emandako kreditu guztien % 65 mota horretako finantzaketara bideratuta egon da.
 
Kantitate baxukoak direnez, mikro-kredituak oso erabilgarriak izaten dira, baina badute beste abantaila bat: ez dute hipoteka-bermerik edo abal-emaile gehigarririk behar. Horrenbestez, ez duzu etxea edo zure gurasoen ekonomia arriskuan jarriko. Baimendutako berme bakarra mailegatzaileena da.

 

Esperientziaren abala

Seguruenik ez duzu diru-maileguak eskatzeko ohiturarik izango, eta arreta handiz ibiliko zara. Normala da. Hala, dirua mailegatzen duena ezinbesteko alderdia bihurtzen da. Horregatik, Gaztenpresan eskaintzen ditugun mikro-kredituek ibilbide sendoa dutela jakin behar duzu, eta hala bermatzen dute sektoreko erreferentziazko erakunde europarrekin egindako lankidetzek.
 

Horren adibide dugu, esate baterako, Europako Inbertsio Funtsak (EIF) eta Laboral Kutxak 2015eko urrian Bruselan sinatu zuten hitzarmena. Haren bitartez, mikro-kredituen Europako berme-lerrorik handiena sortu zen. Sinadura horri esker 75 milioi euro gaitu ziren 5.000 ekintzaile eta mikroenpresa baino gehiago finantzatzen laguntzeko.
 

Mikro-kredituak ezin hobeak dira ekintzaile, profesional autonomo eta enpresari txikientzat. Ez du itxura txarra, baina erabakia hartzen duzunean bizkortasuna nahi izatea gerta liteke. Badakigu. Horregatik, gure mikro-kredituen gestioak ahalik eta gehien murrizten du beharrezkoa ez den burokrazia guztia. Gerturatu gurekin hitz egitera eta zuk zeuk egiaztatuko duzu.

 

Enpresa eta ekintzaileentzako beste finantziazio-mota batzuk

Dena den, mikro-kreditua ez da ekintzaile, autonomo eta enpresa txikiak finantzatzeko modu bakarra. Badira zure negozioa finantzatzeko beste modu batzuk ere, leasing eta renting deiturikoak adibidez, eta horiek ere interesgarriak irudituko zaizkizu beharbada. Informa zaitez eta erabaki zure ezaugarrietara gehien egokitzen dena.
 
Baliteke mailegurik nahi ez izatea, eta diru-laguntzen eta bestelako laguntzen alde egitea. Kasu horretan, orientazio espezializatua beharko duzu, ekosistema instituzionala korapilatsua izan baitaiteke batzuetan. Zentzu horretan ere lagunduko dizugu Gaztenpresan. Ezagutu nahi gaituzu?

Post gehiago irakurri.

Abendua 11, 2024
Berrikuntza eta desberdintzea funtsezko zutabeak dira enpresa-eremuan arrakasta izateko, batez ere ingurune globalizatu eta oso lehiakor batean. Enpresa gehienak Interneten daudenez eta teknologia tresna eta erakusleiho gisa erabiltzen dutenez, are garrantzitsuagoa da behar bezala erabiltzen jakitea. Gaur egun, berrikuntza eta desberdintzea funtsezkoak dira jasangarritasuna eta epe luzerako arrakasta bermatzeko. Arlo horietan inbertitzen duten enpresek, nabarmentzea...
Azaroa 11, 2024
Besteren konturako lanaren zurruntasunik ez dagoenez, autonomo gisa bizitza pertsonala eta lan-bizitza bateratzeko erraztasun gehiago dituzula eman dezake, baina itxurazko malgutasun horrek arazoak ere sor diezazkizuke bi alderdiak bereizteko orduan: lana eta atsedena; negozioa eta aisia. Halaber, zure produktibitateari ere eragin diezaioke. Horregatik, komeni da arau batzuk ezartzea zure energia mantendu ahal izateko. Zure nagusia...
Urria 9, 2024
Maite Ibañez de Maeztu Maikalaren buru izan da, Bilboko Deustu auzoan eta Alde Zaharrean erreferente izan den gozotegia.   GAZTENPRESA: Maikala 2015ean abiatu zen proiektua da, ezta?   MAITE IBAÑEZ DE MAEZTU: 2015ean sortu zen, lantegiaren zatia martxan jarri zenean, eta urtebete geroago arte ez zen jarduera abiarazi Plaza Berrian, lehenengo dendarekin. Leioan trebatzea erabaki...
Urria 3, 2024
Normalean “babestuta” terminoa ikusten dugu, bai ekitaldietan, bai edukietan, baina zer esan nahi du zehazki? Babesletza marketin-estrategia bat da, non enpresa batek (babesleak) finantzaketa ematen dion erakunde, ekitaldi, pertsona edo kausa bati (babestuak), elementu horri lotutako marka erakustearen truke. Hau da, bi aldeek etekinak lortzen dituzten merkataritza-harreman bat ezartzen da. Sinergiak sortzeko lankidetza. Teknika horrek...
Iraila 18, 2024
Hiru hankako mahaia. Baina ez edozein. Sendoa, gogorra. Une onak pasatzeko elkartzen zaren horietako bat. Hori Emakumeook dela esan liteke. Hiru emakume ekintzailek sortutako proiektua. Almudena, Bea eta Naiarak.   GAZTENPRESA: Nola ezagutu zenuten elkar eta nola sortu zen Emakumeook? EMAKUMEOOK: Emakumeook gaur hemen ez dagoen hirugarren pertsona batengatik sortu zen, Ambrosa. Hirurak pandemian geunden...
Iraila 3, 2024
Zure negozioak bultzada bat behar du? Azkenaldian zure enpresa gelditu egin dela iruditzen zaizu? Agian, zure estrategia komertziala edo negozio-plana berriz ebaluatzeko garaia da, mailaz igotzeko, zure markaren ikusgarritasuna indartzeko eta zure produktuaren edo zerbitzuaren salmentak handitzeko. Hona hemen zure enpresaren egoera hobetzeko hainbat aholku, bai enpresa berria izan bai denbora luzea finkatuta eman.  ...

2025-02-10 02:16:57