×

Para instalar Gaztenpresa en tu iPhone pulsa y luego Añadir a pantalla de inicio.

Navegación limitada - Sin conexión

Nola ekin modaren munduan jasangarritasunaren bidez

gzt-art-moda-sostenible
Share on facebook
Share on twitter
Share on linkedin
Share on whatsapp
Share on email

Kotoia; artile eta liho organikoak; material birziklatuak; landare-larrua; laranja-, banbu- eta anana-zuntzak… Jasangarritasunaren eta ingurumenaren aldeko gizarte-joera asko bereganatu ditu modaren munduak azken urteotan, eta lanean jardun du gure ingurunea hobeto errespetatzen duten materialak sortzeko. Aldi berean, beste joera bat etorri da, jantziak birziklatzearen, berraprobetxatzearen eta berrerabiltzearen aldekoa, ekonomia zirkularraren kontzeptuari jarraituz. Horretan, hain zuzen, funtsezko eginkizuna bete du ekintzailetzak. Apustu horren ondorioz, gero eta ezagunagoak dira fashion sharing, slow fashion eta upcycling kontzeptuak. Eta ekintzailetzan gaur egun erabiltzen diren tresnetako bat dira, moda jasangarriaren merkatuan sartzeko. Ba al dakizu zer diren?

Kontzeptu berriak

  • Fashion sharing. Negozio-linea horretan, jantziak aldi baterako alokatzen dira harpidetza-sistema baten bidez, baliabide naturalak hobeto aprobetxatzeko, jantzien bizi-zikloa luzatzeko eta askotariko sektore sozioekonomikoek marka guztiak eskura izatea errazteko. Hau da modalitate horren helburua: jantziari ahalik eta erabilerarik handiena ematen lagunduko duen «armairu zirkularra» lortzea. Ildo horretan doa gure lehen #BerrituErronka irabazi duen ideia. Hain zuzen, honako hau proposatzen du tokiko modarekin lotutako negozio bat berritzeko: kontsumitzaileek hileko kuota bat ordaintzea, hainbat jantzi etxera eraman eta nahi dutenean itzuli ahal izateko.
  • Slow fashion. Tokiko enpresa txikiak izaten dira joera horren protagonistak. Askotan birziklatutako edo bigarren eskuko jantziekin egiten dute lan, eta negozio-eredu bat sustatzen dute, jantzigintzako multinazional handiek garatzen dutenari guztiz kontrajarria. Helburu hauek dituzte: arropa gutxiago produzitzea, seriean fabrikatutako arropak ez duen balio bereizgarria ematea jantzi bakoitzari, eta ahalik eta gehien luzatzea jantzi horien balio-bizitza, baliabide naturalen kontsumoa murrizteko.
  • Upcycling. Teknika horrek material baztertuak eta oihal zaharrak erabiltzen diru jantzi berriak egiteko. Joera horrekin bat egin dute dagoeneko punta-puntako markek, hala nola Marine Serrek. Upcycling teknikaren bidez orotariko objektuak aprobetxatzen dira balio handiagoko produktuak egiteko. Horretarako erabilitako sortze-prozesuak jantziaren balio bizitza luzatzen du, gainera. Azpimarratzekoa da ildo horretan zihoazela #Berritu Erronka-rako jasotako beste ideia batzuk.

Kontuan hartu beharreko alderdiak

Baina, zer lor dezake ekintzaile batek mundu horretan sartzen denean? Hona hemen ekintzailetza-ekosistemaren ezaugarri batzuk: izaera berritzailea, ikuspegia eta eraldatzeko gaitasuna. Funtsezko gaitasunak dira modaren munduan proiektu jasangarri bati ekiteko. Eta hori lortzeko aholku hauek hartu behar dituzu kontuan:

  1. Ingurumenarekiko errespetuak eta produkzio-sistema jasangarriek izan behar dute zure nortasunaren eta marka-irudiaren oinarri finkoak. Publikoak zure markaren ezaugarri guztiak ikusi behar ditu zure produktuetan: material organikoen erabilera, produkzio jasangarria edo birziklatutako materialen erabilera.
  2. Jasangarritasuna ez dagokio soilik ingurumenari. Gogoan izan gizartearen eta ekonomiaren arloak ere hartzen dituela barne jasangarritasun kontzeptuak. Zure negozioak gizarte-kohesioa bultzatu eta aberastasuna sortu behar du dagoen esparru geografikoetan.
  3. Hurbiltasuna ere jasangarritasuna da. Tokiko hornitzaileak aukeratzea lagungarria da garraioak eragindako isurtzeak murrizteko eta bizi zaren edo lan egiten duzun eremu geografikoan baliabideen berrinbertsioa bermatzeko.
  4. Zabaldu zure enpresa-kultura enpresan lan egiten duten pertsona guztien artean. Zure negozioak nekez transmitituko ditu balio jakin batzuk edo diseinatuko ditu produktu jasangarriak, baldin eta zurekin lan egiten duten pertsonek ez badute behar besteko espezializaziorik eta enpresa-kulturarik.
  5. Erabili prezio-politika egokia. Lehiakorra izateko prezioak jaistea; horra ekintzaile batek bere negozioa abian jartzean izaten dituen tentazioetako bat. Batzuetan, hainbeste murrizten dira marjinak non negozioa ekonomikoki bideraezina baita. Egia da negozio berri batek prezioak doitu behar dituela lehiakorragoa izateko, baina muga batzuekin: slow produktuak askoz garestiagoak dira fast produktuak baino, eta jasangarritasunak kostu bat du; bada, zure bezeroek onartu egin beharko dute kostu hori, kalitateko produktu bat eskuratu nahi badute (baldin eta bezero egokiei eskaintzen badiezu produktua, jakina).

Aholku hauek gure ekintzaile-sareko kide askori lagundu diete egungo krisia gainditzen eta #JarraitzekoBerritzen, moda jasangarriaren munduan proposamen berritzaileak eginez. Sektore horrekin edo beste batekin lotutako negozio-ideia bat baduzu, Gaztenpresan lagundu ahal dizugu asmo horri behar duen bultzada ematen. Zatoz gurekin!

Post gehiago irakurri.

Otsaila 23, 2023
Iazko abenduaren 23an argitaratu zen BOEn enpresa emergenteen ekosistema sustatzeari buruzko legea, startupei buruzko lege bezala ezagunagoa dena. Estatua pertsona ekintzaileentzat eta horrelako negozioetan interesa duten inbertitzaileentzat helmuga erakargarri bihurtu dadila lortzea da arau berri honen helburua, hau da, enpresa berritzaile sortu berrietan, oinarri teknologikoa dutenetan, hazkunde bizkorrekoak direnetan eta negozio-eredu eskalagarri bat dutenetan interesatuta...
Otsaila 17, 2023
Aurten ere, Gaztenpresaren Astelehen Digitalak itzuliko dira, marketin digitaleko “No te pierdas en las redes” agentziak online ematen dituen prestakuntza-saioak. Saio hauetan, zure negozioaren eremu digitalarekin lotutako gaiak eguneratu ahal izango dituzu. Ordu edo ordu eta erdi inguruko iraupena duten tailer horietan, zure negozioan erantsi ditzakezun baliabide digitalen ikuspegi orokorra lortuko duzu. Izan ere, kontua...
Azaroa 30, 2022
Estatuko enpresen erdia baino gehiagok azken urtean zibereraso bat jasan dutela onartzen dute. Ezagutzen zenuen datu hau? Ezagutzen dituzu Phising, Vishing edo Smishing kontzeptuak? Artikulu honetan, Lautik IT Solutions hori eta askoz gehiago kontatu digu. Konponbide teknologikoetara eta eraldaketa digitalera bideratutako enpresa honek iaz Gaztenpresaren mentoretza-programan parte hartu zuen. Zibersegurtasunaren Eguna dela eta, negozio bat...
Iraila 16, 2022
Ekintzailetzaren igerilekuan murgildu aurretik, urik badagoen egiaztatu beharra dago; gure kasuan, horrek esan nahi du arrisku-analisia gauzatzea eta negozio-plana egitea. Gogoan izan ezazu negozio-plana edo enpresa-plana oso tresna baliagarria dela eta laburbildu behar duela enpresa-proiektu berria nolakoa den eta jaso egin behar dituela negozio arrakastatsu bihurtuko duten helburuak, identitatea eta funtzionamendua. Gainera, une oro gidatuko...
Uztaila 29, 2022
HALO Donostia hiru erizain elkartzetik sortutako proiektua da; hirurek ekiteko gogoa zuten, eta bereziki, erizaintzako zein dermoestetikako sektoreko egungo eskaintzari buelta emateko asmoa. Kooperatiben hilabetean, Halo Donostia-tik eman digute haien historiaren eta lehen urratsen berri.   HALO Donostia “estetika aurreratuko tratamenduetan espezializatutako erizaintza-zentro” moduan definitzen da. Azalduko zenigukete zertan datzan, eta zein den zuen balio...
Uztaila 15, 2022
Modu juridiko askotan gauzatu daitekeen proiektu ekintzaile bat: autonomoa, sozietate mugatua, kooperatiba… Ingravity Dreams elkarrizketatuko dugu Kooperatiben Nazioarteko Eguna dela-eta, Gaztenpresaren eskutik bere enpresa-ibilbideari ekin zion abereen ongizatera zuzendutako zentroa, hain zuzen ere.   Zer da Ingravity Dreams eta nola sortu zen? Abereen ongizatea da Ingravity Dreams. Gure abereak fisikoki indarberritzeko teknika naturaletan espezializatutako lekua,...