×

Para instalar Gaztenpresa en tu iPhone pulsa y luego Añadir a pantalla de inicio.

Navegación limitada - Sin conexión

Nola egin dezaket nire produktuaren edo zerbitzuaren aurrekontua? Zure lanaren prezioa kalkulatzeko jarraibideak

como-hacer-presupuesto
Share on facebook
Share on twitter
Share on linkedin
Share on whatsapp
Share on email

Zenbat kobratu behar dut nire lanagatik? Aurrekontu bat eskatzen badidate, nola egingo dut? Lanorduen kalkuluaren arabera edo burututako zerbitzuagatik? Nola jakin dezaket egin dudan aurrekontua garestia ala merkea den?

Norberaren kontura lan egiten baduzu, oso ohikoa izango da zure buruari galdera horiek eta antzekoak egitea aurrekontu bat eskatzen dizuten bakoitzean. Izan ere, zaila da jarduera profesional guztietarako balio duen erantzun bat ematea: adibidez, ez da gauza bera webguneak garatzea eta edukiak sortzea, eta diseinu grafikoan aritzen den pertsona batek ezin du argazkigintzan lan egiten duen baten aurrekontu bera eskaini. Sektore profesionalen artean dauden aldeak gorabehera, badira aurrekontu egokia eta bidezkoa egiten lagunduko dizuten jarraibideak; hau da, aurrekontua zure gaitasun eta ahalegin profesionaletara egokitu eta, gainera, zure bezero potentzialentzat egokia eta erakargarria izan dadin.

Ez garestia eta ez merkea

Kontuan izan aurrekontu merkeegia egiten baduzu kostuak ez estaltzeko arriskua izango duzula, edo, gutxienez, zure lanari irabazi argirik atera gabe indarrik gabe gera zaitezkeela. Eta, aitzitik, aurrekontu garestia egiten baduzu, bezero potentzial bat galtzeko arriskua izango duzu, eta, galduz gero, oso litekeena da inoiz ez berreskuratzea.

Gakoa da zenbateko egokia aurkitzea, oinarrizko lau alderdi hauek estaliko dituena, zure jarduera errentagarria izan dadin:

  • Lana bera egitea.
  • Zeregin hori egiteak dakartzan gastuak.
  • Autonomo edo ETE gisa zure jarduerak sortzen dituen kostuen zati bat.
  • Lortu nahi dituzun irabazien zati txiki bat.

Zer hartu behar duzu kontuan aurrekontu bat egiteko?

Zure lanaren prezioaren kalkulu egokia egiteko, formula erraz bat dago, funtsezko hiru urrats dituena. Hona hemen urratsok:

  1. Zehaztu zure diru-sarrera gordinen helburua.

Imajinatu, kalkuluak egin ondoren, zure helburua urtean 31.500 euro gordin lortzea dela.

  1. Kalkulatu gastu finkoak. Horien artean daude:
    • Telekomunikazio-gastuak: 50 €
    • Aholkularitza: 50 €
    • Autonomo-kuota. Gutxienekoa ordaintzen baduzu, 2021ean 286,15 eurokoa izango da hilero, maiatzaren 31ra arte. Ordutik aurrera, zenbateko hori eguneratu eta 289 eurokoa izango da.
    • Bulegoa. Telelana aukeratu baduzu, elektrizitate-gastuen zati bat hartu ahal izango duzu kontuan, hilean 15 euro inguru.

Guztira, 401,15 euro hilean; biribilduz gero, 4.812 euro urtean.

Hau da, gure urteko fakturazio-helburua 36.312 eurokoa da, edo hileko 3.301 eurokoa 11 hilean, oporretako hilabetea kontuan hartzeko.

  1. Zehaztu zure lanorduaren prezioa. Egunean benetako lan-denbora sei ordukoa bada batez beste, 120 orduko guztizko lana lortuko dugu hilean. Lanaldiaren gainerako denboran, zeregin osagarriak egingo ditugu. Orain, hileko fakturazioaren helburua (3.301 euro) benetako ordu-kopuruaz (120) zatitu behar dugu, besterik ez.

Beraz, lanorduaren prezioa 27,50 eurokoa da; jakina, BEZa sartu gabe.

Gehitu beharreko beste elementu batzuk

Itxurazko kalkulu erraz hori egiten amaitzeko, zenbait gogoeta hartu behar dira kontuan:

  • Lanerako kalkulatutako denbora. Aurrekontu itxia aurkezten baduzu, zenbat ordu beharko dituzun kalkulatu beharko duzu, eta, horretarako, esperientzia behar da. Kronometro bat erabiliz, erraz kalkula dezakezu benetan zenbat denbora behar duzun lan jakin bat egiteko; horri esker, tarifa-zerrenda bat egin ahal izango duzu. Kasu honetan, demagun 10 ordu direla.
  • Ezustekoetarako ehuneko bat, % 10 ingurukoa izan daitekeena; hau da, ordubete.
  • Bezero-kudeaketarako beste ehuneko bat, hori ere % 10ekoa; hots, beste ordu bat.

Guztira: 12 ordu x 27,50 €/h = 330 euro.

  • Gehitu nahi dugun irabazi-marjina % 10ekoa izango da. Beraz, gure enkarguaren guztizko aurrekontua hau izango da: 330 euro + % 10 (33 euroko irabazia) = 363 euro.

Eta, ahal bada, lehiakideen tarifak eta zure bezero potentzialen baliabideak ere hartu behar dituzu kontuan, zure prezio-tarteak zure balio-proposamen espezifikoa barne har dezan, baina, betiere, merkatua ordaintzeko prest dagoena albo batera utzi gabe.

Kalkulu horiek egindakoan, zure bezero potentzialengana jo, zure lanak ekarriko dizkien abantailak ulerrarazi eta aurrekontu pertsonalizatua egin beharko duzu, besterik ez.

Eta kontuan izan bisita egin ahal diguzula zure jarduera ekintzailea garatzean sortzen zaizkizun zalantzak argitzeko, bai negozio berri bat prestatzen ari bazara, bai martxan dagoena bultzatzeko laguntza behar baduzu. Zatoz nahi duzunean!

Post gehiago irakurri.

Maitza 17, 2022
Bazenekien Europar Batasuneko herrialdeek urtean 5.000 milioi tona hondakin baino gehiago sortzen dituztela, etxekoak kontuan hartuta? Eta bazenekien, Euskadin sortzen ditugun 5,5 tona hondakinetatik, % 80k eraikuntzan eta industrian dutela jatorria? Pentsatu duzu noizbait, 2050. urtean, munduko biztanleek gaur egun kontsumitzen ditugun baliabideak baino hiru aldiz baliabide gehiago beharko dituztela? Izugarrizko datuak dira, ezta? Baina,...
Maitza 17, 2022
Pandemiak goitik behera aldatu zituen pertsonen kontsumo-ohiturak eta ingurune digitalago batera egokitu behar izan zuten. Datuak lehendik ere pozgarriak ziren eta Interneteko erabiltzaile den Euskadiko biztanleriak hazten jarraitu zuen 2021. urtean, % 84,9raino. Gai horri buruz hitz egingo dugu gaur, Interneteko Mundu Egunean, Pello Múgicarekin eta SavileCode enpresaren talde guztiarekin. Gainera, lehen eskutik kontatuko digute nola...
Maitza 16, 2022
Irudi batek mila hitzek baino gehiago balio duela esan ohi da eta horixe erraztuko digu Canvak, hain zuzen ere: gure negoziorako eduki grafikoa modu sinple eta intuitiboan sortzea, diseinu-ezagutzarik zertan izan gabe. Izan ere, on-line erreminta honek plantillen eta baliabide grafikoen kopuru handia (irudiak, argazkiak, tipografiak, eta abar) jartzen du gure esku, haiekin gure negozioaren/markaren...
Maitza 9, 2022
Negozio bat martxan jartzen dugunean (edo jartzeko asmoa dugunean), pertsona ekintzaile batek egin beharreko lehenengo gauzetako bat besteei aurkeztea da: balizko bezeroei, banatzaileei, laguntza emango diguten toki-garapeneko erakundeei, eta baita gure jarduera abiarazteko kreditu bat ematen diguten finantza-erakundeei ere. Kasu guztietan ere, gure solaskideen arreta erakartzeko eta gure helburuak lortzeko posibilitate gehiago izango ditugu, gure...
Maitza 5, 2022
Gaztenpresaren Finantza-Osasuneko Asteazkenetako 2022 lehen zikloarekin hasi gara ekainaren 15era arte. Zer dira Finantza-Osasuneko Asteazkenak? FinBox aholkularitza ekonomiko eta finantzarioko enpresaren babesarekin sortutako web-mintegiak dira. Ordubeteko iraupena dute, eta enpresa baten osasuna zaintzeko ezinbestekoak diren finantza gaiak jorratzen dira. Web-mintegi guztietan FinBox-ek Gaztenpresarentzat esklusiboki diseinatutako tresna eta simulagailuak erabiliko dira. Gainera, saio bakoitza bukatutakoan, parte-hartzaile...
Apirila 28, 2022
EAEko gaixotasun profesionalei buruzko Osalanen urteko txostenak agente taldearen araberako maiztasunari buruzko azterketan erakusten duenez, 2020an jarrera eta mugimendu errepikakorrekin lotutako 1.705 kasu erregistratu ziren guztira, kasu guztien % 78. Testuinguru horretan, eta Laneko Segurtasun eta Osasunaren Mundu Egunaren harira, Jon Ibáñez Pérezekin hitz egingo dugu; fisioterapeuta eta ekintzailea da, Gaztenpresako sarearen barruan.   Hitz egizu...