×

Para instalar Gaztenpresa en tu iPhone pulsa y luego Añadir a pantalla de inicio.

Navegación limitada - Sin conexión

Nola dago zure negozio-ideia?

gzt-testa-tu-idea
Share on facebook
Share on twitter
Share on linkedin
Share on whatsapp
Share on email

Zure negozioa prest dago. Ideia garatuta dago, lehenengo merkatu-testa egin duzu eta bezero potentzialak aztertu dituzu. Oraingoz dena ongi doa:

  • Aurreikuspenak betetzen ari dira.
  • Zure negozio-ideia, ona izateaz gain, errentagarria dela dirudi.

Baina ez zaitez fidatu: asko inbertitu duzu, eta berriro aztertu behar duzu merezi ote duen zure denbora, ahalegina, lana eta dirua enpresa berrira bideratzen jarraitzea. Orain da hori egiteko unea. Aurrera jarraitu baino lehen, zein agertokitan zauden jakin behar duzu, zure ideia zein egoeratan dagoen, zehatz-mehatz:

Zalantzak airean

Jarraitu aurretik, egiazta ezazu zure negozioan eragina izango duten aldagai guztiak konpondu dituzula, ez dagoela ezer lotu gabe eta ez dagoela zalantzarik airean. Baina ideiak agortzen ari bazaizkizu eta zorte onaren zain bazaude, gelditu egin behar duzu, apala izan eta egoera onartu:

  • Zorte ona ez da horrelakoetan azaltzen, eta egin dezakezun okerrik handiena da % 100 konbentzitzen ez zaituen produktuarekin aurrera egitea.

Zure negozio-ideiak arrakasta izateko oinarriak baditu, baina litekeena da orain ez izatea unerik aproposena, edo ekarpen bikainen bat behar izatea aurrera egiteko.

  • Nolanahi ere, ez jarraitu aurrera egindako akatsekin, proiektua gelditzeko ordua da, bilatu kanpoko laguntza eta birpentsatu ongi egitasmoa, aurrera egin baino lehen.

Proiektua aurrera doa eta aurreikuspenak betetzen ari dira

Horixe da agertoki ideala, denbora asko daramazu lanean horretarako. Baina dena ez dago eginda: merkatura jauzi egin baino lehen komenigarria da azkenaurreko egiaztapenak egitea eta bide onetik zoazela ziurtatzea:

  • Egin ezazu simulatutako salmenta-proba bat. Saia zaitez jakiten zure produktuak aukerarik bat ote duen merkatuan; oraindik fisikoki ekoiztu gabe badago ere ahalegindu zaitez modu birtualean saltzen. Jendea produktua erosteko prest badago, ez izan zalantzarik.
  • Merkaturatu zure produktua kontrolatutako ingurunean. Jo ezazu saltoki gutxi batzuetara eta proposa iezaiezu salmenta-proba egitea abantaila batzuen truke. Horrela jakingo duzu zure produktuak zer nolako aukerak dituen.
  • Egiaztatu hobekuntzak nabariak direla. Galdetu zure publiko potentzialari produktuari edo zerbitzuari egin dizkiozun hobekuntzak gustuko ote dituen, lehiakideen produktuarekin edo zerbitzuarekin alderatuta. Eta bezero horien erantzuna epela bada, galdetu zer gehitu beharko litzaiokeen erosteko erabakia har dezaten.
  • Kontuan hartu bezeroak azken diseinua egiteko orduan. Gutxieneko Produktu Bideragarri bat baduzu, egiozu bezero-testa hobetzeko eta azken emaitza zehazteko. Erabiltzaileek atsegin dute produktu baten diseinuan parte hartzea.
  • Berritu ezazu etengabe. Zure produktuaren behin betiko diseinua zehaztuta baduzu ere, zure lana ez da amaitu: gaur egun, merkatu globalizatuan eta lehia izugarria den honetan, komenigarria da produktuari A/B testa egitea sistematikoki, denbora gutxian zaharkituta edo lehiakideek gaindituta gera ez dadin. Berrikuntza funtsezkoa da enpresan, ez utzi inoiz alde batera.

Eta oraindik ere laguntza behar baduzu zure negozioaren bilakaeraren inguruko zalantzaren bat argitzeko, jar zaitez harremanetan Gaztenpresarekin. Joan den urtean 415 enpresa berriren sorreran hartu genuen parte, eta negozio ugari sendotzen lagundu genuen gure ikastaroen, mintegien eta Mentoring-programen bidez. Zain gaituzu.

Post gehiago irakurri.

Ekaina 7, 2023
Laida San Sebastianena izan zen Gaztenpresatik ekimenean jasotako azken testigantza. Gizarte arloan ia 20 urtez ekintzaile izan ondoren, orain Mondragon Unibertsitateko Eskola Politeknikoko ikasleekin partekatzen ditu bere ezagutzak eta esperientziak, Ekintzailetza Teknologikoko arduraduna baita han. “Ni naiz guztiari ‘bai’ esatearen asmatzailea”, aitortu zuen Laidak keinu bat eginez Andrea Fernandezek egin zuen aurreko mintzaldiari. Hain zuzen...
Maitza 31, 2023
Andrea Fernández-ena izan zen Gaztenpresatik ekimenean ezagutu genuen beste ekintzailetza-istorioetako bat. “Argentinar doinurik ez duen ekintzaile argentinarra eta erremediorik gabeko ibiltaria” da. Orain dela 20 urte baino gehiago etorri zen Andrearen familia Bilbora, hark hamabi urte baino ez zituenean. Bizitza pertsonalaren eta profesionalaren arteko orekari eusteak duen garrantziaz hitz egin zigun arlo anitz jorratzen dituen...
Maitza 23, 2023
Mahai-inguruaren ondoren, beren ibilbideko uneren batean Gaztenpresara gure aholkularitzaren bila etorri diren ekintzaileen benetako historiak entzuteko txanda iritsi zen Gaztenpresatik blogean. Hala, Elsa Pamparacuatro eta Keko Salvador ezagutu genituen, Iruñeko zirku-eskolan elkar ezagutu zuten bi artista. Amets bat zuten: Urdaibain zirku-eskola sortzea. Lehenengo aukera izan zen Gautegiz-Arteagan bizi ziren baserriko ukuilua egokitzea. “Han hasi ginen...
Maitza 17, 2023
Duela egun gutxi batzuk gure 2022ko Memoria aurkeztu genuen Donostian. Izan ere, aurten Donostia Gizarte Ekonomiaren Hiriburu izendatu dute. Prentsaurrekoaren ondoren, Gaztenpresatik ekitaldia egiteko aprobetxatu genuen, hain zuzen ere, gure erkidego ekintzailea inspiratu, motibatu eta babesteko ekitaldia. Topaketa hau oso mamitsua izan zenez, eta ezer ez ahazteko, bertan gertatu zen guztia kontatzea erabaki dugu. Has...
Apirila 28, 2023
Gure inguruko errealitate soziala hobetzeko helburuari jarraikiz, Gaztenpresan 314 negozio berri abiarazten lagundu dugu 2022an, eta horiei esker 637 lanpostu sortu dira. Hori horrela izanik, ia 30 urteko ibilbide honetan, 6.578 enpresa eta 12.041 enplegu sortzen lagunduko dugu, eta LABORAL Kutxaren bitartez 192 milioi euro lortzeko aukera eman dugu, mailegutan. Datu horiek guztiak gure 2022ko...
Apirila 17, 2023
Guztion ahotan dago Adimen Artifiziala (AA), eta ChatGPT tresnari zor zaio bere ospearen zati handi bat. Tresna hori OpenAI enpresak merkaturatu zuen joan den urtearen amaieran, eta guztiok harrituta utzi gaitu galderei erantzuteko, elkarrizketak izateko eta testuak modu natural eta koherentean sortzeko duen eraginkortasunagatik eta zehaztasunagatik. Tresna horrek zer egin dezakeen ikus dezazuen, pentsatu dugu...