×

Para instalar Gaztenpresa en tu iPhone pulsa y luego Añadir a pantalla de inicio.

Navegación limitada - Sin conexión

Negozio bat sortzeko funtsezko urratsak

Share on facebook
Share on twitter
Share on linkedin
Share on whatsapp
Share on email

Zure enpresa irekitzea, zerbait zerotik sortzea, horrenbeste buelta eman dizkiozun proiektu hori aurrera ateratzea. Badakizu zure helburua hori dela, eta aurrera eramatea erabaki duzu, baina ibilbideko faseak pilatzen ari zaizkizu buruan. Nondik hasi?

 

Zorionez, leku aproposean zaude. Gaztenpresan bi hamarkada baino gehiago daramatzagu zu bezalako pertsonei orientabideak ematen, hau da, orain zu zauden egoera horretan egon diren pertsonei orientabideak ematen. Horrenbestez, badakigu zertxobait horren inguruan. Esperientziak ekintzailetzaren bidea egoki interpretatzen eta baloratzen irakatsi digu, ibilbide bat den aldetik. Horregatik, GPS bat izatea da hura atalka gainditzeko modurik onena. Honako hauek dira ibilbide horretan gainditu beharreko faseak:

 

  1. Ideia

 

Lehenengo fase hau gaindituta duzula pentsatuko duzu beharbada, baina zure ideia negozio-aukera bat al da benetan? Bere garaian, negozio-ideiak identifikatzeko gakoen inguruan hitz egin genizun. Gogoratu, besteak beste, zure enpresa berriak arazo bati irtenbidea bilatzen saiatu behar duela eta merkatuko momentura egokitu behar duela.

 

Gainera, haren bideragarritasun ekonomikoa eta teknologikoa ebaluatu beharko duzu hala badagokio, baita lehiakideengandik bereizten den eta, hala bada, zertan bereizten den ere. Hori guztia ebaluatu ostean, negozio-planaren prestaketara igaro zaitezke.

 

  1. Negozio-plana

 

Getxoko auto-zinemako gure ekintzaileek honako hau esan ziguten ekitea pentsatzen ari den norbaiti zer esango lioketen galdetu genienean: “Ezinbestekoa da negozio-plan on bat izatea”.

 

Negozio-planari esker garbi ikusiko dituzu zure aukerak eta, gainera, zure ahultasunak eta indarguneak ezagutu eta negozio-aukerak hauteman ahal izango dituzu. Azken finean, ezinbesteko erreminta bat da enpresaren etorkizuna simulatzeko eta erabaki zuzenak hartzeko. Negozio-plan bat nola egituratu hobeto jakin nahi baduzu, irakurri hau.

 

  1. Izapideak

 

Beharbada hau izango da etortzen diren pertsona asko gehien beldurtzen dituen urratsa. Egia esan ez da horrenbesterako, baina esperientziaren arabera, badakigu ekitea erabakitzen duten autonomo askorentzat neketsuak izaten direla. Horregatik, zubi gisa jarduten dugu Euskadiko eta Nafarroako erakundeen artean, pertsona ekintzaileei bidea errazten laguntzeko.

 

Enpresa bat sortzeko orduan honako hauek dira egin beharreko izapide nagusiak:

  1. Zerga Administrazioan alta hartzea; erroldako alta (036 edo 037 eredua) deitzen zaio.
  2. Gizarte Segurantzan izena ematea, non lan-istripuaren edo gaixotasunaren ondoriozko kontingentziei erantzungo dien erakundea izendatuko duten.
  3. Langileak Gizarte Segurantzan afiliatzea eta alta ematea (TA-1 eta TA-2/5 ereduak).
  4. Laneko Ikuskatzailetzako funtzionarioentzat eskuragarri egongo den bisita-liburua legeztatzea; elektronikoa izan daiteke.
  5. Alta ekonomia-jardueren gaineko zergan.
  6. Profesionalak Langile Autonomoen Erregimen Berezian (LAEB) alta hartzea.
  7. Dagokion sailburuordetzari lantokiaren hasiera jakinaraztea (kontratupeko pertsonak badituzu bakarrik).
  8. Lan-kontratuak Lanbideren bulegoetan formalizatzea.

 

  1. Finantziazioa

 

Tira, dirudienez egin duzu gogorrena. Baina orain, proiektua aurrera ateratzeko dirua lortzea falta zaizu. Beharbada hori izango da garrantzitsuena termino praktikoetan. Blog honetan azaldu dizkizugu aukera batzuk: http://www.gaztenpresa.org/es/blog/financiacion-emprender-al-dia/.  Baina badira aukera gehiago ere: banku-finantziazioa, arrisku-kapitala, laguntzak, diru-laguntzak… Egunean egotea da kontua, non bilatu eta zer ate jo jakitea, alegia. Horretan ere lagundu ahal dizugu! J

 

  1. Negozioa sendotzea

 

Zailena mantentzea dela esaten dute, eta ez iristea. Egindako lan handiaren fruitua finkatzeko garaia da. Orain, enpresa berria merkatuan sendotu behar da.  Hemen, prestakuntzaren, aholkularitza espezializatuaren, networking delakoaren, presentzia digitalaren, eta enpresen sorkuntzan eta kudeaketan hainbat urtetako esperientzia duten mentoreek eskainitako aholkuen garrantzia sartzen da jokoan. Konturatuko zinen bezala, urrats horrek ere ez digu ihes egin.

 

Orain hobeto ezagutzen dituzu zure enpresaren arrakasta lortzeko bidean aurkituko dituzun faseak eta, gainera, bidea ondo ezagutzen duen esperientzia handiko laguntzaile bat izango duzu zure esanetara. Ekiteko prest?

Post gehiago irakurri.

Abendua 11, 2024
Berrikuntza eta desberdintzea funtsezko zutabeak dira enpresa-eremuan arrakasta izateko, batez ere ingurune globalizatu eta oso lehiakor batean. Enpresa gehienak Interneten daudenez eta teknologia tresna eta erakusleiho gisa erabiltzen dutenez, are garrantzitsuagoa da behar bezala erabiltzen jakitea. Gaur egun, berrikuntza eta desberdintzea funtsezkoak dira jasangarritasuna eta epe luzerako arrakasta bermatzeko. Arlo horietan inbertitzen duten enpresek, nabarmentzea...
Azaroa 11, 2024
Besteren konturako lanaren zurruntasunik ez dagoenez, autonomo gisa bizitza pertsonala eta lan-bizitza bateratzeko erraztasun gehiago dituzula eman dezake, baina itxurazko malgutasun horrek arazoak ere sor diezazkizuke bi alderdiak bereizteko orduan: lana eta atsedena; negozioa eta aisia. Halaber, zure produktibitateari ere eragin diezaioke. Horregatik, komeni da arau batzuk ezartzea zure energia mantendu ahal izateko. Zure nagusia...
Urria 9, 2024
Maite Ibañez de Maeztu Maikalaren buru izan da, Bilboko Deustu auzoan eta Alde Zaharrean erreferente izan den gozotegia.   GAZTENPRESA: Maikala 2015ean abiatu zen proiektua da, ezta?   MAITE IBAÑEZ DE MAEZTU: 2015ean sortu zen, lantegiaren zatia martxan jarri zenean, eta urtebete geroago arte ez zen jarduera abiarazi Plaza Berrian, lehenengo dendarekin. Leioan trebatzea erabaki...
Urria 3, 2024
Normalean “babestuta” terminoa ikusten dugu, bai ekitaldietan, bai edukietan, baina zer esan nahi du zehazki? Babesletza marketin-estrategia bat da, non enpresa batek (babesleak) finantzaketa ematen dion erakunde, ekitaldi, pertsona edo kausa bati (babestuak), elementu horri lotutako marka erakustearen truke. Hau da, bi aldeek etekinak lortzen dituzten merkataritza-harreman bat ezartzen da. Sinergiak sortzeko lankidetza. Teknika horrek...
Iraila 18, 2024
Hiru hankako mahaia. Baina ez edozein. Sendoa, gogorra. Une onak pasatzeko elkartzen zaren horietako bat. Hori Emakumeook dela esan liteke. Hiru emakume ekintzailek sortutako proiektua. Almudena, Bea eta Naiarak.   GAZTENPRESA: Nola ezagutu zenuten elkar eta nola sortu zen Emakumeook? EMAKUMEOOK: Emakumeook gaur hemen ez dagoen hirugarren pertsona batengatik sortu zen, Ambrosa. Hirurak pandemian geunden...
Iraila 3, 2024
Zure negozioak bultzada bat behar du? Azkenaldian zure enpresa gelditu egin dela iruditzen zaizu? Agian, zure estrategia komertziala edo negozio-plana berriz ebaluatzeko garaia da, mailaz igotzeko, zure markaren ikusgarritasuna indartzeko eta zure produktuaren edo zerbitzuaren salmentak handitzeko. Hona hemen zure enpresaren egoera hobetzeko hainbat aholku, bai enpresa berria izan bai denbora luzea finkatuta eman.  ...

2025-02-10 02:00:41