×

Para instalar Gaztenpresa en tu iPhone pulsa y luego Añadir a pantalla de inicio.

Navegación limitada - Sin conexión

Merezi du kontsultoretza bat ETE-entzat?

Share on facebook
Share on twitter
Share on linkedin
Share on whatsapp
Share on email

Zalantza nagusietako bat zure negozioa martxan dagoenean sortzen da. Hobeto funtzionatuko ote du nire enpresak kontsultoretza baten aholkuarekin? Nik neure kabuz egiten badut baino emaitza hobeak lortuko ote ditut?  ETE batzuek laguntzarik gabe hazkunde ezin hobea lortzen badute ere, gehiago dira enpresa-gestioko profesionalen laguntzarekin arrakasta dutenak.

 

Lehenik eta behin, ulertu behar da kontsultoretza ez dela enpresa handientzat soilik. Horrelako enpresek baliabide gehiago badituzte ere,  ETE-ek ere etekina atera ahal diote kontsultoretza bati, eta handia gainera. Izan ere, ETE-ek ere erabaki estrategikoak hartu eta ekintza komertzialak gauzatu behar dituzte beren produktu edo zerbitzuak saltzeko; eta, jakina, beren etorkizunean eta hazkundean pentsatu behar dute.

 

Kontsultoretza batek hainbat alorretan lagundu ahal die autonomoei eta negozioei; adibidez, enpresaren finantzetan, gastuaren banakapenean edo izapide eta gestioetan. Ziur aski, Ogasunaren jakinarazpen bat jaso duzu noizbait eta ez duzu ulertu, edo tasen gaineko legerian izandako aldaketa baten berri izan duzu ez dakizu nola eragiten duen zure negozioan, edo dirulaguntzak eskuragarri izan dituzu baina dokumentazioa biltzeko lan eskerga egin behar zenuen.

 

Aholkularitza izatea lagungarri da horrelako kasuetan, baita  egunean egoteko aukera bat ere, legearen, kontabilitatearen eta zergen alorretako berritasunekin eta zure negozioaren sektoreko  gertaera garrantzitsuekin.  Horiek guztiak alderdi garrantzitsuak dira eta baliteke batzuetan zure eskuetatik ihes egitea edo zure egunerokoan nahikoa denbora eskaini ezin izatea. Gainera, kanpotik datorren norbaitek hobeto ikusiko du zerk ez duen funtzionatzen edo zer hobetu daitekeen enpresan; agian ageriko zerbait izan daiteke, eguneroko jardunak argi ikustea eragozten duena. Kontsultoretzak arazoak antzeman eta irtenbideak proposatuko ditu.

 

Etorkizuneko ikuspegia

 

Kontsultoretzak zure enpresaren lehiakortasuna hobetzen, salmentak handitzen eta  zalantzak argitzen lagunduko dizu. Gestio on batek emaitza hobeak dakartza eta hori ezinbestekoa da lana indartzeko.

 

Gaztenpresan laguntza emango dizugu zure negozioa sortzeko bide osoa amaitu arte; eta, negozioa finkatuta dagoenean, Laboral Kutxaren Consulting Pro zerbitzuak aholkularitza emango dizu eguneroko gestioan. Doako kontsultoretza-zerbitzua da, enpresa txiki eta ertainen gestioaren inguruko  zalantzak argitzeko eta informazio erabilgarria emateko.

 

Gogoan izan kontsultoretza bat kontratatzea ez dela gastua, inbertsioa baizik. ETEaren zereginak ez du irautea eta eguneroko lana aurrera ateratzea soilik izan behar; horrez gain, zer enpresa den eta etorkizunean zer izan nahi duen aztertu behar du.

 

Post gehiago irakurri.

Abendua 11, 2024
Berrikuntza eta desberdintzea funtsezko zutabeak dira enpresa-eremuan arrakasta izateko, batez ere ingurune globalizatu eta oso lehiakor batean. Enpresa gehienak Interneten daudenez eta teknologia tresna eta erakusleiho gisa erabiltzen dutenez, are garrantzitsuagoa da behar bezala erabiltzen jakitea. Gaur egun, berrikuntza eta desberdintzea funtsezkoak dira jasangarritasuna eta epe luzerako arrakasta bermatzeko. Arlo horietan inbertitzen duten enpresek, nabarmentzea...
Azaroa 11, 2024
Besteren konturako lanaren zurruntasunik ez dagoenez, autonomo gisa bizitza pertsonala eta lan-bizitza bateratzeko erraztasun gehiago dituzula eman dezake, baina itxurazko malgutasun horrek arazoak ere sor diezazkizuke bi alderdiak bereizteko orduan: lana eta atsedena; negozioa eta aisia. Halaber, zure produktibitateari ere eragin diezaioke. Horregatik, komeni da arau batzuk ezartzea zure energia mantendu ahal izateko. Zure nagusia...
Urria 9, 2024
Maite Ibañez de Maeztu Maikalaren buru izan da, Bilboko Deustu auzoan eta Alde Zaharrean erreferente izan den gozotegia.   GAZTENPRESA: Maikala 2015ean abiatu zen proiektua da, ezta?   MAITE IBAÑEZ DE MAEZTU: 2015ean sortu zen, lantegiaren zatia martxan jarri zenean, eta urtebete geroago arte ez zen jarduera abiarazi Plaza Berrian, lehenengo dendarekin. Leioan trebatzea erabaki...
Urria 3, 2024
Normalean “babestuta” terminoa ikusten dugu, bai ekitaldietan, bai edukietan, baina zer esan nahi du zehazki? Babesletza marketin-estrategia bat da, non enpresa batek (babesleak) finantzaketa ematen dion erakunde, ekitaldi, pertsona edo kausa bati (babestuak), elementu horri lotutako marka erakustearen truke. Hau da, bi aldeek etekinak lortzen dituzten merkataritza-harreman bat ezartzen da. Sinergiak sortzeko lankidetza. Teknika horrek...
Iraila 18, 2024
Hiru hankako mahaia. Baina ez edozein. Sendoa, gogorra. Une onak pasatzeko elkartzen zaren horietako bat. Hori Emakumeook dela esan liteke. Hiru emakume ekintzailek sortutako proiektua. Almudena, Bea eta Naiarak.   GAZTENPRESA: Nola ezagutu zenuten elkar eta nola sortu zen Emakumeook? EMAKUMEOOK: Emakumeook gaur hemen ez dagoen hirugarren pertsona batengatik sortu zen, Ambrosa. Hirurak pandemian geunden...
Iraila 3, 2024
Zure negozioak bultzada bat behar du? Azkenaldian zure enpresa gelditu egin dela iruditzen zaizu? Agian, zure estrategia komertziala edo negozio-plana berriz ebaluatzeko garaia da, mailaz igotzeko, zure markaren ikusgarritasuna indartzeko eta zure produktuaren edo zerbitzuaren salmentak handitzeko. Hona hemen zure enpresaren egoera hobetzeko hainbat aholku, bai enpresa berria izan bai denbora luzea finkatuta eman.  ...

2025-02-10 01:22:48