FUNDAZIOA

90eko hamarkadaren hasieran, Nerbioiko ezkerraldeak garai konplikatua bizi zuen; hala, birmoldaketa industrialaren ondorioz, gazte-langabeziaren maila % 50etik gorakoa zen. Egoera tamalgarri horren aurrean, eskualde horretako LABORAL Kutxako sukurtsal batzuen zuzendariek erabaki zuten ezagutza eta baliabideak konpartitzea, eta baita aliantzak eta funtsak ere bilatzea, egoerari buelta emateko.

Pertsona talde horrek bultzatuta, Bultz-Lan Consultingaren laguntzarekin, 1994an Gaztenpresa sortu zen; hasierako une horretan, enpresa-ideien lehiaketa gisa eratu zen. Esperientzia oso positiboa izan zen eta, hala, hurrengo ureetan programa beste eskualde batzuetara ere hedatu zen, poliki-poliki. LABORAL Kutxaren bulego bat dagoen edozein tokitan proiektuei arreta ematera iritsiz.

Hala, une zail bati aurre egiteko ideia gisa hasi zena, barne-ekintzailetzako proiektua izanik, 2002ko irailaren 16an Gaztenpresa Fundazio bilakatu zen ofizialki.