y luego Añadir a pantalla de inicio.
Gaur Joanes Roso, Tazebaez kooperatibako CEO eta presidentearekin hitz egin dugu. Kooperatiba horrek 15 urte baino gehiago daramatza negozio eta proiektu jasangarriak bultzatzen, pertsonak prozesuaren erdigunean kokatuz beti. Jakin nahi duzu nola egiten duten eta zerk motibatzen duen enpresa honetako taldea? Aholku bat: entzun gure podcastaren atal hau, eta baita hurrengoa ere, elkarrizketa hain interesgarria izan denez, bi zatitan banatu behar izan baitugu.
Jarrera ekintzailea
“Play”-ri ematen badiozu, konturatuko zara Joanes Roso, Ana Aguirre bezala, zeinarekin gure podcastean hitz egin berri dugun eta Tazebaezen bazkide sortzaileetako bat ere baden, bizitzarekiko jarrera ekintzailea duten pertsonak direla, 2009an Mondragon Unibertsitateko LEINN Lidergo Ekintzailea eta Berrikuntza Graduko lehen promozioan matrikulatu izanak erakusten duen bezala. Joanes eta Ana prestakuntza horretan murgildu ziren, benetan zer espero ez zekitela, baina zerbait ezberdin, zirraragarri eta desafiatzailearen promesak erakarrita.
Kooperatiba hau martxan jarri zuten pertsonen izaera ekintzailearen beste froga bat bere izena da: ‘”Tazebaez”, hau da, “Ta ze ba ez?” galdera. Asmoen adierazpen oso bat da, LEINNeko ikasle talde honek partekatzen zuen erronka berriekiko pentsamolde irekia islatzen duena, eta kooperatiba honen bilakaeran etengabea izan dena.
Baina izenaz haratago, Joanesentzat, Tazebaez jarduera ekonomikotik haratago doan ikasketa eta garapen pertsonalerako gunea izan da, eta da oraindik ere. Izan ere, kooperatiba honetan badakite egiten dugun guztiak gizartean, ekonomian eta ingurumenean eragina duela, eta, gure ohitura eta erabaki guztietan % 100ean koherenteak izatea ezinezkoa bada ere, kooperatiba bateko kide izatea eta bertan lan egitea, norberaren ekintzen eraginarekin gusturago sentitzea ahalbidetzen du.
Erantzunkidetasuna eta parte-hartze demokratikoa
Hala ere, eta nola ez, kooperatiba-bidea ez dago zailtasunetatik libre. Gure elkarrizketan, Joanesek adierazi du zein konplexua den erantzunkidetasunean eta parte-hartze demokratikoan oinarritutako antolaketa kudeatzea. Hala ere, azpimarratu du elementu horiek direla pertsonak negozioaren balioekin inplikatuago eta lerrokatuago sentiarazten dituztenak..
Joanesekin izandako solasaldiaren lehen zati honek kooperatibismoari, hezkuntzari eta inpaktu sozialari buruzko hausnarketa sakonez betetako atala osatu du. Eta hau prekuela besterik ez da! Jarri entzungailuak eta entzun atal osoa eta, gustatu bazaizu, harpidetu zaitez gure podcastera elkarrizketa honen bigarren atala ez galtzeko, Tazebaezen egungo jardueran eta haren nazioarteko hedapenean sakonduko baitugu. Ez galdu, askoz gehiago dago eta!
