×

Para instalar Gaztenpresa en tu iPhone pulsa y luego Añadir a pantalla de inicio.

Navegación limitada - Sin conexión

Instagram bidez zure publizitate-inbertsioaren itzulkina handitzeko 3 modu

Share on facebook
Share on twitter
Share on linkedin
Share on whatsapp
Share on email

Inork ez du zalantzarik: Instagram “ustekabeko” sare soziala bihurtu da azken urteetan, erabiltzaile-kopuruaren igoera sinestezinagatik eta hark eskaintzen dituen aukerengatik. Horregatik, marka nagusiek denbora dezente daramate beren inbertsio globalaren zati handi bat sare horretara bideratzen, Social Media Marketing (SMM) bidez.

Storiesdirelakoen publizitate-potentzialtasunak erakartzen bazaitu, hau da, sare hori beren produktuak eta esperientziak saltzeko erabiltzen duten albiste-atalaren eta influencerren publizitate-potentzialtasunak, izan gogoan hiru estrategia hauek, zure publizitate-inbertsioaren itzulkina handitzen lagunduko baitizute.

  • Egin remarketinga eta bihurtu bezeroak jarraitzaile.Gogoratzen duzu iragarki batean klik egin duzunean edo produktu bat erosi duzunean zenbatetan bihurtu zaren markaren jarraitzaile? Gutxitan, ezta? Bada, bitxikeria hutsa dirudien hori uste duzuna baino gehiagotan gertatzen da: jendeak iragarkiekin eta argitalpenekin elkar eragiten du eta, batzuetan, produktua ere erosten du, baina oso gutxitan bihurtzen da markaren jarraitzaile. Enpresari gisa, saltzea da zure helburua, bai, baina engagementa sortzea eta zure bezeroak follower bihurtzea ere interesatzen zaizu, baita horiek zure berritasunen berri izan dezatela eta lehenbailehen berriz eros dezatela ere. Hori lortzeko, bihurtu jarraitzaile zure kontaktuak eta bezeroak, hau da, egin remarketinga. Retargeting ere deitzen zaio teknika horri, eta aurrez zure webgunea edo beste eduki batzuk bisitatu dituzten erabiltzaileentzako iragarki-kanpaina pertsonalizatuak (oro har, display motakoak) sortzea du helburu. Google Ads da remarketinga egiteko erremintarik ezagunena, eta prozesua hiru urrats sinpletan oinarritzen da:

– Erabiltzaileak gure webgunea bisitatu edo gure markako eduki bat kontsumitzen du.

– Erabiltzaile hori cookie batekin markatu eta aurrez zehaztutako parametroak dituen remarketing-zerrendabatetara gehitzen da.

Iragarki-kanpaina pertsonalizatu bat prestatzen da zerrenda horretan dauden erabiltzaileentzat.

Estrategia horrekin, zure publizitate-inbertsioaren itzulkina hazten hasi dela konturatuko zara.

  • Arakatu influencerren marketin-argitalpen guztiak.

Influencerrak oso marketin-erreminta garrantzitsua bihurtu dira, baina, horien etekinak ezagutzeko, jarraitzaileen jarraipen pertsonalizatua egin behar duzu. Influencer bakoitzak bere esteka izan behar du, horiekin lan egitean lortzen den publizitate-inbertsioaren itzulkina behar bezala arakatzeko. Esteka esklusiboek zehatz-mehatz erakutsiko dizute zenbat trafiko sortu duten, zure webgunean zenbat denbora egon diren, nola jokatu duten eta bihurketak lortu dituzten. Datu horiek guztiek zure negoziorako izan duen benetako etekina ikusten lagunduko dizute. Informazio hori azkar eta erraz lortzeko modu bat da edozein estekaren amaieran honako komando hau gehitzea: “/src =“. “=” zeinuaren ondoren, kasuan kasuko Instagram-erabiltzailearen edo beste edozein identifikadoreren izena gehitu behar duzu, “=@gaztenpresaadibidez. Hori egitean, zurekin lan egiten duten influencerren trafikoak zein kalitate duen ikusi ahal izango duzu.

  • Optimizatu zure iragarkiak audientzia pertsonalizatuekin.

Audientzia pertsonalizatuekjende-talde zehatzak aurkitzeko aukera eskaintzen dute, Facebookeneta Instagramen. Zure webgunea dagoeneko bisitatu duten pertsonak dira. Dagoeneko eskura dituzun datuak ─zure influencerren esteka pertsonalizatuak, helbide elektronikoak, telefono-zenbakiak, datu-artxiboak eta abar─erabiliz sor ditzakezu audientzia pertsonalizatuak. Horretarako, audientzia bat sortu behar duzu Facebooken iragarki-administratzailean; Instagramerako ere balioko dizu. Zenbat eta optimizatuagoak egon zure iragarkiak, orduan eta onura gehiago lortuko dituzu zure publizitate-inbertsiotik.

Hiru gomendio horiek Instagramek eskaintzen dituen aukera guztien ohartxo bat baino ez dira. SMM ez da doako laginak eta deskontu-kodeak oparitzea edo lehiaketak egitea bakarrik: erabilgarri dauden marketin-aukera guztiak esploratzea eta gure kanpainak pertsonalizatzeaeta horien jarraipena egitea esan nahi du, gure inbertsioari ahalik eta etekinik handiena ateratzeko.

Eta zure marketinari buruzko ezagutzak handitu eta zure negozioa sustatu nahi baduzu, Gaztenpresanprestakuntza-tailerrak eta -ikastaroakdiseinatu ditugu hori lortzeko behar dituzun gaitasunak zuregana ditzazun. Zure zain gaude.

Post gehiago irakurri.

Uztaila 18, 2024
20 urteko ekintzailetza-abenturak askorako ematen du. Eta, bestela, esan diezaiotela gure gonbidatuari, Irene Rodríguezi. 20 urte hauetan bi familia osatu ditu. Etxekoa, bere senarrarekin eta bi alabekin. Eta, bestalde, Iddtek, gaur egun ia 100 langile dituen enpresa bat.   GAZTENPRESA: Nola hasi zen ekintzailetza-bide hori?   IRENE RODRÍGUEZ: Sektore honetako enpresa batean inoiz lan egin...
Uztaila 16, 2024
Ba al zenekien Kooperaren jarduerak arropei bigarren bizitza emateaz gain, batez ere, gehien behar dutenei bigarren aukera bat emango diela? Izan ere, ekonomia zirkularra eta ingurumenarekiko praktika jasangarriak sustatzeaz gain, gizarte-entitateen sare horren benetako helburua bazterkeria-egoeran edo -arriskuan dauden pertsonentzako lan-aukerak sortzea da. Eta, lan handi horri buruz hitz egiteko, gure podcastera gonbidatu dugu Enrique...
Uztaila 9, 2024
Gaztenpresaren podcastean, kubaldun honekin (jaiotzez kubatarra eta bihotzez euskalduna) hitz egin dugu. Ekintzaile peto-petoa da, eta ez da konformatu bere proiektuak abiaraztearekin, baizik eta, gainera, ekintzailetzarako grina partekatzen du Euskadira migratutako emakumeekin, kolektibo horrek negozio bat abian jartzeko orduan dituen oztopo gehigarrien jakitun.   Laguntza eta ulermenerako gune bat Lan hori egiteko, Maylin Vergarak Emakume...
Uztaila 8, 2024
Ekin eta zure enpresa sortu aurretik, zure negozio-eredua landu behar duzu. Erakunde batek balioa nola sortzen, entregatzen eta bereganatzen duen deskribatzen duen eskema bat da. Bestela esanda, enpresa batek nola funtzionatzen duen eta irabaziak sortzen dituen definitzen duen plana da. Enpresa-tresna hau oso erabilgarria da, batez ere zure ibilbide berriaren hasieran, gida eta orientazio gisa...
Uztaila 2, 2024
Gaztenpresaren jarduera jarraitu ohi duzuen pertsonei ziur Elsa Pamparacuatro eta Keko Salvador izenak ezagunak egiten zaizkizuela. Ekintzaile bikote hau Gernikako Txitatoki zirku eskolaren sustatzailea da, iaz Donostian antolatu genuen Gaztenpresatik topaketan esan ziguten bezala. Han jakin genuen zentro honek, landa-eremuan zirkuko arteen praktika hurbiltzea eta sustatzea ez ezik, pertsonen garapen pertsonalerako eta gizarteratzeko tresna gisa...
Ekaina 25, 2024
Prest dago Joanes Roso, Tazebaezeko CEOarekin izan dugun solasaldiaren azken zatia!! Lehenengo zatian proiektuaren hasierei buruz hitz egin genuen, eta zergatik egituratzen den kooperatiba gisa. Bigarren atal honetan, talde kooperatibo honen jardueran sakondu dugu. Lau negozio-unitate biltzen ditu, independenteak, baina elkarren artean lotuta daudenak eta erantzunkideak direnak: Bira: aholkularitza-zerbitzuak Tazebaezen jarduera nagusia aholkularitza eta aholkularitza...