y luego Añadir a pantalla de inicio.
Ekiteko asmoa duzu eta zure negozioa finkatu nahi duzun sektorearen eraldaketa digitalak kezkatzen zaitu? Tresna berritzaileen azken joerak interesatzen zaizkien horietakoa zara, lehiatzeko inoiz baino prestatuago egoteko? Gaztenpresan lagun diezazukegu.
Gure fundazioan badakigu zer nolako erronka den ekitea. Merkatua gero eta lehiakorragoa da. Horregatik, aditu onenak ditugu, negozio-ideia bat duzunetik ideia hori finkatzen duzunera arte emango dituzun urrats guztietan lagundu eta zure ondoan izango dituzunak. Esperientzia handia dugu: 22 urtetan, Euskadin eta Nafarroan 4.000 enpresa baino gehiago sortzen lagundu dugu. Ia 8.000 lanpostu sortu dituzte.
Gaztenpresan interes handiz jarraitzen ditugu ekintzailetzarekin lotutako gertaerak, eta ondoren horiei buruzko informazioa eskaintzen dizuegu blog honetan. Bilbon Impulsando Pymes 2017 topaketa egin zen martxoaren 8an; Euskadiko 200 enpresa txikik eta ertainek hartu zuen parte, eta nazio eta nazioarte mailako 11 korporazio handik. Interes handia piztu zuen ekimenak, eraldaketa digitalak enpresa txikiei dakarkien erronka aztertu baitzen.
Ekintzailetza Zentroa
Nora Sarasolak, Bilbao Ekintza udal-agentziako zuzendari nagusiak, enpresa txiki eta ertainei laguntzeko Ekintzailetza Zentroa sortuko zela iragarri zuen, Bizkaiko hiriburua talentua sortzen eta enpresak garatzen lagunduko duen “hiri erakargarria” izateko. Etorkizunerako “funtsezkoa” da enpresa txiki eta ertainen arrakasta, Euskadin enpresa txikiek sortzen baitute enplegu osoaren % 63, eta enpresa ertainek % 23, haren estimazioen arabera.
Enpresa txikiak kudeatzen dituzten pertsonek erronka ugari dute etorkizunean; izan ere, “gaur egun dauden enpresen % 40 baino gehiago asko eraldatuko dira datozen hamar urteetan; ehuneko hori bikoitza da enpresa txiki eta ertainen kasuan, askoz ahulagoak baitira disrupzio globalaren fenomenoaren aurrean”. Sarasolak azaldu zuenez, zentro hori bezalako ekimenekin, enpresa txiki eta ertainei ezagutza eta tresna berritzaileak emango zaizkie.
Impulsando Pymes 12 hiritan urte urtean zehar
Horrela, Bilbon hasi zuen bere ibilbidea Impulsando Pymes 2017 Mugimenduak; urte honetan zehar Estatu osoko 12 hiriburutan izango da, enpresa txiki eta ertainak modernizatzeko helburuz. Programaren barruan, 10 minutuko hitzaldiak egin zituzten enpresa munduko adituek. Parte-hartzaileen ondorioa hauxe izan zen: digitalizazioak aldatu egin ditu joko-arauak, negozio-ereduak eta kudeaketa-ereduak. Ekintzaileak inoiz baino behartuago daude berrasmatzera. Ez da inor salbatuko. Erronka izugarria izan arren, aukera, merkatu eta bezero berriak lortzeko aukerak ere irekiko dira.
“Aukera berri” horietakoren baten bila ari bazara eta gure laguntza behar baduzu, LABORAL Kutxaren zure bulegoaren bitartez zein gure webgunearen eta sare sozialen (Facebook, Twitter eta Linkedin) bitartez jar zaitezke gurekin harremanetan.
