×

Para instalar Gaztenpresa en tu iPhone pulsa y luego Añadir a pantalla de inicio.

Navegación limitada - Sin conexión

Hasi ekiten: Nola sortu pertsona bakarreko sozietate mugatu bat?

Share on facebook
Share on twitter
Share on linkedin
Share on whatsapp
Share on email

Autonomoa edo pertsona bakarreko sozietate mugatua? Gaztenpresan gehien komeni zaizun aukera azalduko dizugu

Norbere konturako jarduera profesional bat abiarazten dugunean banakako enpresari gisa (autonomo) alta hartzea da ohikoena, beharreko izapideak oso azkar egiten baitira: aurretiko kapital soziala bakarrik eskatzen da eta online ere egin daiteke, fisikoki inora joan beharrik izan gabe. Dena den, kasu batzuetan komenigarriagoa izan daiteke pertsona bakarreko sozietate mugatu bat sortzea. Zer da hori? Zer abantaila ditu? Zer izapide egin behar dira? Jarraian azalduko dizugu.

 

Pertsona bakarreko sozietate mugatu bat sortzeak dituen onura juridiko nagusiak…

 

  1. Erantzukizuna kapital sozialera mugatzen da: norberaren ondarea eta enpresaren ondarea bereizten dira. Banakako enpresariaren irudia aukeratuz gero (langile autonomoa), gure erantzukizuna mugagabea da eta, beharbada, gure gaur egungo nahiz etorkizuneko ondasun guztiekin egin beharko diogu aurre.
  2. Izaera fiskalekoak: sozietateak sozietateen gaineko zerga ordaindu behar du. Fakturazio jakin batetik aurrera, zerga-ordainketa handiagoa izan daiteke, autonomoak PFEZ ordaindu behar baitu eta, beraz, zenbat eta onura gehiago, orduan eta handiagoa izango da ordaindu beharreko zergaren ehunekoa. Sozietate mugatuek sozietateen gaineko zerga ordaindu behar dute; zerga finko hori % 24koa da merkataritza-sozietate txikien kasuan.
  3. Sozietate anonimoak baino araubide juridiko malguagoa dute.

 

… eta kontuan izan beharreko zenbait alderdi

Sozietate mugatu guztiekin gertatzen den moduan, pertsona bakarreko sozietate bat sortzeko ere kapital soziala aurkeztu behar da (3.000 euro gutxienez) eta jarraian azalduko ditugun izapideak eta betebeharrak egin behar dira, zertxobait konplexuagoak.

 

 Sozietatea sortzeko izapideak, banan-banan

 

1.- Lehenik eta behin, izen juridikoa eskatu. Izen sozialik gabe ezin izango dugu enpresarik sortu eta, horretarako, “izen sozialaren eskaera negatiboa” aurkeztu behar dugu Merkataritza Erregistro Nagusian. Bertan, aukeratu dugun izen legala beste enpresaren baten izenarekin bat ez datorrela egiaztatuko dute. Dokumentu hori Merkataritza Erregistroan eskatu behar da eta, horretarako, negoziorako bost izen jasoko dituen proposamen bat aurkeztu behar dugu. Nola jakin izen horiek aurretiaz existitzen ez direla? Hutsik egiten ez duen metodoa ez izan arren, online enpresen gidak begiratzea komeni da izena libre dagoen edo ez egiaztatzeko; era berean, Interneteko bilatzaile batean bilaketa egin eta hiru proposamen original aurkeztu daitezke. Eskaera egin ostean, ziurtagiriak sei hilabeteko balioa izango du.

2.- Dokumentua eskuratu ostean, banku-kontu bat ireki ahal izango dugu enpresaren izenean, baina hura oraindik sortu ez denez, banku-kontuan “eratze bidean” adieraziko da; bertan, hasieran beharrezkoa den gutxieneko kapitala txertatuko dugu, hau da, 3.000 euro. Bankuak kapitalaren ekarpen ekonomikoa frogatzen duen banku-ziurtagiri bat emango digu, eta hura notariotzan aurkeztu beharko dugu.

3.- Hirugarren urratsa. Enpresa sortzeko estatutuak eta eskritura publikoa aukeratu dugun notariotzak prestatuko ditu. Estatutuak pertsona bakarreko sozietatea arautuko duten arauak dira. Ideia orokor bat izateko, online hainbat eredu deskarga daitezke.  Mota honetako enpresak sortzeko orduan eskritura publikoak sortuko dizkigu, seguruenik, gastu gehien, baina hura nahitaezkoa da enpresa Merkataritza Erregistroan erregistratu ahal izateko. Notarioari honako dokumentu hauek aurkeztu beharko dizkiogu: estatutu sozialak, merkataritza-erregistroaren ziurtagiri negatiboa, kapital sozialaren ekarpenari dagokion banku-ziurtagiria eta NAN.

4.- Hurrengo urratsa: Ogasunera joatea, bertan hainbat izapide egin beharko baitugu. IFK lortu eta Balio Erantsiaren gaineko Zergan alta eman behar dugu (zentsu-aitorpena). Autonomo gisa alta hartzeko ere egin behar da izapide hori, 036 ereduaren bitartez. Horri enpresaren eskritura publikoaren kopia gehitu behar zaio. Horrela, behin-behineko IFK emango digute.

5.- Behin betikoa lortzeko, Merkataritza Erregistrora joan eta gure enpresa erregistratu behar dugu. Horretarako, aurreko urratsetan lortutako agiri guztiak aurkeztu behar dira: eratze-eskrituraren kopia, izen sozialaren ziurtagiri negatiboa eta behin-behineko IFK. Merkataritza Erregistroan erregistratu ostean, Ogasunera itzuli eta bertan behin betiko IFK emango digute. Gure sozietatea sortuta egongo da dagoeneko.

Arestian genion moduan, aukera hau langile autonomo bihurtzea baino zertxobait neketsuagoa izan daiteke, baina hainbat onura fiskal lor ditzakegu eta gure erantzukizun pertsonala mugatzen du.

Autonomoa izatea edo sozietate bat sortzea nahi duzun argi ez baduzu, Gaztenpresan laguntza eskain diezazukegu. Deitu doako 900 101 143 telefono-zenbakira edo idatz iezaguzu info@gaztenpresa.org helbide elektronikora.

Post gehiago irakurri.

Abendua 11, 2024
Berrikuntza eta desberdintzea funtsezko zutabeak dira enpresa-eremuan arrakasta izateko, batez ere ingurune globalizatu eta oso lehiakor batean. Enpresa gehienak Interneten daudenez eta teknologia tresna eta erakusleiho gisa erabiltzen dutenez, are garrantzitsuagoa da behar bezala erabiltzen jakitea. Gaur egun, berrikuntza eta desberdintzea funtsezkoak dira jasangarritasuna eta epe luzerako arrakasta bermatzeko. Arlo horietan inbertitzen duten enpresek, nabarmentzea...
Azaroa 11, 2024
Besteren konturako lanaren zurruntasunik ez dagoenez, autonomo gisa bizitza pertsonala eta lan-bizitza bateratzeko erraztasun gehiago dituzula eman dezake, baina itxurazko malgutasun horrek arazoak ere sor diezazkizuke bi alderdiak bereizteko orduan: lana eta atsedena; negozioa eta aisia. Halaber, zure produktibitateari ere eragin diezaioke. Horregatik, komeni da arau batzuk ezartzea zure energia mantendu ahal izateko. Zure nagusia...
Urria 9, 2024
Maite Ibañez de Maeztu Maikalaren buru izan da, Bilboko Deustu auzoan eta Alde Zaharrean erreferente izan den gozotegia.   GAZTENPRESA: Maikala 2015ean abiatu zen proiektua da, ezta?   MAITE IBAÑEZ DE MAEZTU: 2015ean sortu zen, lantegiaren zatia martxan jarri zenean, eta urtebete geroago arte ez zen jarduera abiarazi Plaza Berrian, lehenengo dendarekin. Leioan trebatzea erabaki...
Urria 3, 2024
Normalean “babestuta” terminoa ikusten dugu, bai ekitaldietan, bai edukietan, baina zer esan nahi du zehazki? Babesletza marketin-estrategia bat da, non enpresa batek (babesleak) finantzaketa ematen dion erakunde, ekitaldi, pertsona edo kausa bati (babestuak), elementu horri lotutako marka erakustearen truke. Hau da, bi aldeek etekinak lortzen dituzten merkataritza-harreman bat ezartzen da. Sinergiak sortzeko lankidetza. Teknika horrek...
Iraila 18, 2024
Hiru hankako mahaia. Baina ez edozein. Sendoa, gogorra. Une onak pasatzeko elkartzen zaren horietako bat. Hori Emakumeook dela esan liteke. Hiru emakume ekintzailek sortutako proiektua. Almudena, Bea eta Naiarak.   GAZTENPRESA: Nola ezagutu zenuten elkar eta nola sortu zen Emakumeook? EMAKUMEOOK: Emakumeook gaur hemen ez dagoen hirugarren pertsona batengatik sortu zen, Ambrosa. Hirurak pandemian geunden...
Iraila 3, 2024
Zure negozioak bultzada bat behar du? Azkenaldian zure enpresa gelditu egin dela iruditzen zaizu? Agian, zure estrategia komertziala edo negozio-plana berriz ebaluatzeko garaia da, mailaz igotzeko, zure markaren ikusgarritasuna indartzeko eta zure produktuaren edo zerbitzuaren salmentak handitzeko. Hona hemen zure enpresaren egoera hobetzeko hainbat aholku, bai enpresa berria izan bai denbora luzea finkatuta eman.  ...

2025-02-10 00:40:13