×

Para instalar Gaztenpresa en tu iPhone pulsa y luego Añadir a pantalla de inicio.

Navegación limitada - Sin conexión

Gaztenpresa Youth Business Spain sarean

Share on facebook
Share on twitter
Share on linkedin
Share on whatsapp
Share on email

Gaztenpresa Youth Business Spain (YBS) sareko bazkide sortzailea da. Sareak irabazi-asmorik gabeko erakunde eta ekimen independenteak biltzen ditu, eta erreferentzia orokorra da gazteen autoenpleguan. Enpresa bat sortzen, finantzaketa lortzen eta negozio propioak sendotzen laguntzen du, enplegua sortzeko helburuarekin.
Youth Business Spain (YBS) Youth Business International sarean txertatuta dago. Sare horretako erakundeak berrogei herrialde baino gehiagotan zabalduta daude, eta gazteengan ekiteko grina sustatzea eta gazteei enpresak sortzeko laguntza-programa bat eskaintzea dute helburu.
18-35 urteko gaztea bazara, eta ekiteko ahalmena eta enpresa-ideia bat baduzu, baina negozio propioa sortzeko beharrezkoak diren baliabide eta zerbitzuak lortzeko aukerarik ez baduzu, horren onuradun izan zaitezke.
YBSk promozio-kanpainak, trebakuntza-zerbitzuak, finantzaketa lortzeko aukera, mentoring-programak eta ekintzaileen garapena eta negozio berrien sorkuntza eta sendotzea sustatzera zuzendutako beste jarduera batzuk ere egiten ditu.
YBS eragile anitzeko partenariotza baten bidez dago egituratuta. Partenariotza hori gazteen ekintzailetzan espezializatutako eta irabazi-asmorik gabeko erakunde pribatuen (Gaztenpresa tartean) sare batez, administrazio publiko eskudunez eta hainbat sektoretako konpainia pribatuez osatuta dago. Hainbat eragileren arteko lankidetzak eta egungo egitura eta zerbitzuetan oinarrituta eraikitzeko asmoak, nolanahi ere, eragin kolektiboa maximizatzea eta epe luzerako iraunkortasuna ziurtatzea dute helburu.

Ikuspegia

Gazteen ekintzailetza funtsezko faktorea da garapen ekonomiko iraunkorrean, eta negozio bat abian jarri nahi duten gazte guztiek aukera eta ahalmena dute horretarako.

Xedea

Gazte ekintzaileen kolektiboei beren negozio propioak sortu eta finkatzeko beharrezkoak diren laguntzak lortzeko aukera erraztea, eta gazte horiei enplegua sortzen, erkidegoak sortzen eta bizitzak eraldatzen laguntzea.

Metodologia
  • Trebakuntza: gazte ekintzaileei zuzendutako prestakuntza eta laguntza teknikoko programa bat da, eta autoenplegu-ibilbideak bideratzea eta enpresa-plana edo bideragarritasun-plan bat lantzen eta abian jartzeko beharrezkoak diren baliabideak lortzen laguntzea du helburu. Horretarako, gazte ekintzaileentzat lagungarria den online baliabideen plataforma bat dago.
  • Finantzaketa: enpresa bat sortzeko laguntza gisa, banku-finantzaketarik lortu ezin duten gazte ekintzaileei zuzendutako mikrokreditu-programa bat dago. Gazte ekintzaileentzako laguntza horiek 25.000 €-ra bitartekoak izan daitezke, eta ekintzailearen berme pertsonala baino ez da behar lortzeko.
  • Mentoringa: YBSk mentoring-programa egituratu bat eskaintzen du, gazteek enpresak sortzeko eta beren negozioak hazteko behar dituzten trebetasunak eta gaitasunak sustatu eta garatzeko. Programa hori boluntario gisa diharduten profesionalek ematen dute. Gazte ekintzaileei erabakiak hartzen laguntzea da aholkularien zeregina. Aholkulariak profesional adituak dira, eta enpresa-kudeaketari lotutako prestakuntza eta esperientzia, gazteekin tratatzeko trebetasunak eta enpresa-proiektu baten tutorizazioan doan inplikatzeko beharrezkoak diren borondatea eta denbora dituzte.

Post gehiago irakurri.

Abendua 11, 2024
Berrikuntza eta desberdintzea funtsezko zutabeak dira enpresa-eremuan arrakasta izateko, batez ere ingurune globalizatu eta oso lehiakor batean. Enpresa gehienak Interneten daudenez eta teknologia tresna eta erakusleiho gisa erabiltzen dutenez, are garrantzitsuagoa da behar bezala erabiltzen jakitea. Gaur egun, berrikuntza eta desberdintzea funtsezkoak dira jasangarritasuna eta epe luzerako arrakasta bermatzeko. Arlo horietan inbertitzen duten enpresek, nabarmentzea...
Azaroa 11, 2024
Besteren konturako lanaren zurruntasunik ez dagoenez, autonomo gisa bizitza pertsonala eta lan-bizitza bateratzeko erraztasun gehiago dituzula eman dezake, baina itxurazko malgutasun horrek arazoak ere sor diezazkizuke bi alderdiak bereizteko orduan: lana eta atsedena; negozioa eta aisia. Halaber, zure produktibitateari ere eragin diezaioke. Horregatik, komeni da arau batzuk ezartzea zure energia mantendu ahal izateko. Zure nagusia...
Urria 9, 2024
Maite Ibañez de Maeztu Maikalaren buru izan da, Bilboko Deustu auzoan eta Alde Zaharrean erreferente izan den gozotegia.   GAZTENPRESA: Maikala 2015ean abiatu zen proiektua da, ezta?   MAITE IBAÑEZ DE MAEZTU: 2015ean sortu zen, lantegiaren zatia martxan jarri zenean, eta urtebete geroago arte ez zen jarduera abiarazi Plaza Berrian, lehenengo dendarekin. Leioan trebatzea erabaki...
Urria 3, 2024
Normalean “babestuta” terminoa ikusten dugu, bai ekitaldietan, bai edukietan, baina zer esan nahi du zehazki? Babesletza marketin-estrategia bat da, non enpresa batek (babesleak) finantzaketa ematen dion erakunde, ekitaldi, pertsona edo kausa bati (babestuak), elementu horri lotutako marka erakustearen truke. Hau da, bi aldeek etekinak lortzen dituzten merkataritza-harreman bat ezartzen da. Sinergiak sortzeko lankidetza. Teknika horrek...
Iraila 18, 2024
Hiru hankako mahaia. Baina ez edozein. Sendoa, gogorra. Une onak pasatzeko elkartzen zaren horietako bat. Hori Emakumeook dela esan liteke. Hiru emakume ekintzailek sortutako proiektua. Almudena, Bea eta Naiarak.   GAZTENPRESA: Nola ezagutu zenuten elkar eta nola sortu zen Emakumeook? EMAKUMEOOK: Emakumeook gaur hemen ez dagoen hirugarren pertsona batengatik sortu zen, Ambrosa. Hirurak pandemian geunden...
Iraila 3, 2024
Zure negozioak bultzada bat behar du? Azkenaldian zure enpresa gelditu egin dela iruditzen zaizu? Agian, zure estrategia komertziala edo negozio-plana berriz ebaluatzeko garaia da, mailaz igotzeko, zure markaren ikusgarritasuna indartzeko eta zure produktuaren edo zerbitzuaren salmentak handitzeko. Hona hemen zure enpresaren egoera hobetzeko hainbat aholku, bai enpresa berria izan bai denbora luzea finkatuta eman.  ...

2025-02-10 01:29:26