y luego Añadir a pantalla de inicio.
Youth Business Spain-ek 5.000 enpresa eta 10.000 enplegu sortuko ditu datozen bost urteetan
Youth Business Spain erakundeak –Gaztenpresa erakunde horretako kide da– gazte ekintzaileentzako mentoring-programa aurkeztu zuen joan zen asteazkenean. Programa hori JP Morganekin lankidetzan landu du eta beren negozioa abian jarri duten gazteei zuzenduta dago. Lagundu eta beren esperientzia partekatu nahi duten jarduneko enpresariek laguntza pertsonalizatua ematen diete programan parte hartzen dutenei.
Aliantza hori New Skills at Work ekimenaren barruan kokaturik dago. JP Morganek, hain zuzen, 250 milioi dolar inbertituko ditu langabeziari aurre egiteko ekimen horretan. Enpresariek boluntario gisa hartuko dute parte mentoring-programan, enpresaren bizitzako lehenengo urtean gutxienez.
Youth Business Spain (YBS) erakundeko zuzendari Guillem Arísek azpimarratu du “enpresen, erakundeen, erakunde publikoen eta herritar boluntarioen arteko lankidetzatik sortu dela ekimena, negozio ideia bat duten gazte guztiei martxan jartzen laguntzeko”.
Gaztenpresan, hasieratik ulertu genuen hori dela bidea, eta horregatik YBSko kide gara.
Trebetasunak hobetuz langabeziari aurre egitea
Bestalde, Hang Ho-k, Europarako, Ekialde Ertainerako eta Afrikarako JP Morgan Chase Fundazioaren zuzendariak, azaldu du erakundeak programa horretan parte hartzen duela “gazteei babesa emateko eta beren negozioak garatzeko trebetasunak hobetzen laguntzeko”.
Diego Hidalgok, Youth Businees Spain erakundeko urteko enbaxadoreak azpimarratu du “mundua behetik gora aldatu daitekeela”, enpresa-panoramari mentoring-programak egiten dion ekarpenari erreferentzia eginez.
Programak 5.000 enpresa eta 10.000 lanpostu sortzea aurreikusten du datozen bost urteetan, “hori guztia YBSren 200 enpresari boluntariok osaturiko sareari esker. Gaur arte, 350 gazte ekintzaile baino gehiagok hartu dute parte mentoring-programan”, zehaztu du Guillem Arísek.
