×

Para instalar Gaztenpresa en tu iPhone pulsa y luego Añadir a pantalla de inicio.

Navegación limitada - Sin conexión

Frankiziak: ekintzailetzan abiatzeko aukera ona?

Share on facebook
Share on twitter
Share on linkedin
Share on whatsapp
Share on email

Nolabaiteko arrakasta-bermea duen negozioa abian jartzea. Horixe da enpresa-abenturari ekiteko prest dagoen ekintzaile guztien ametsa.

  • Zeure produktuak edo zerbitzuak merkatuan dagoeneko ibilbidea egina duela jakiteak lasaitasun handia dakar.

Amets hori badago, frankizien munduan.

  • Negozio-eredua dagoeneko probatuta dago: nolabaiteko errentagarritasun-bermea eskaintzen du, enpresa frankizia-emailearen marka-irudia, lana eta gizarte-aitorpena dituelako oinarri.

Formula horrek abantaila handia ematen dio ekintzaileari, baina enpresa frankizia-emaileak ezinbesteko baldintza batzuk betetzen baditu soilik.

Abenturari heldu aurretik, egon ziur halako negozio bat abian jartzeko behar den profila eta gaitasun ekonomikoa eta profesionala dituzula.

Gogoan izan frankizia batean, enpresak zehazten dizkizun jarraibideak errespetatu beharko dituzula kudeaketan, irudian, sustapenean eta abarrean. Hori etsigarria izan daiteke ekintzaile-sen menderakaitza dutenentzat.

Argi ibili frankizia berriekin

Burtsan erabiltzen den atsotitz batek hauxe dio: «azken ogerlekoa (edo euroa) beste batek irabaz dezala». Horrek esan nahi du batzuetan ez dela komeni muturreraino arriskatzea eta, oraindik irabazteko marjina dagoela pentsatu aurren, akaso erretiratzea komeni dela. Frankizien munduan hauxe esan liteke: «Lehen ogerlekoa beste batek irabaz dezala». Zure aurrezkiak hipotekatu eta buru-belarri negozio berri batean sartu aurretik, ziurta ezazu negozioak dagoeneko merkatuan ibilbidea egina duela.

  • Erreferentziarik eta egiaztatutako emaitzarik gabeko frankizia hartu behar ez den arriskua da, nahiz eta abantaila eta etekin potentzial itzelak eduki.
  • Ez zaitez fida: eskuratu frankizia-emaileari eta enpresari buruzko informazio guztia eta, ondoren, egiaztatu frankizia hori duten beste lagun batzuekin.

Egiaztatu marka-erregistroa eta enpresa

Marka komertzial bat ustiatzeko prest egongo zinateke, ziur egon gabe errentan emango dizuna jabea dela? Ez, zalantzarik gabe. Patenteen eta Marken Espainiako Bulegoan kontsultatzea komeni da, frankizia-emailea markaren jabea dela ziurtatzeko. Eta, horrekin batera, enpresa frankizia-emaileen erregistro publiko ofizialean inskribatuta dagoela ere egiazta dezakezu. Oso tramite errazak dira eta lasaitasun handia emango dizute.

Eskatu dokumentu guztiak

Onartzen dituzun betebeharren zerrenda osoa, zehatza eta zorrotza eduki behar duzu: zer enpresatara jo behar duzun, zer esklusibotasun dituzun… Besteak beste, frankiziaren ezaugarriei buruzko txosten osoa, irekita dauden establezimenduen kopurua, inbertsioaren baldintzak, zure betebehar eta eskubideak, eta enpresak nahitaez egin behar dituen marketin-kanpainak.

Aztertu kontratua

Ahalegin handia egin frankiziaren kontratua ondo aztertzeko: izan ere, agiri horren bidez jasoko duzu produktu edo zerbitzu jakin bat merkatu jakin batean merkaturatzeko eskubidea, kontraprestazio zuzena, zeharkakoa edo biak ematearen truke. Hau da, lotu egingo zaitu eta datozen urteetan izango dituzun betebeharrak zehaztuko ditu.

  • Kontratu horren bidez, marka bera, izena, errotulua, ikurra, logotipoa eta gainerako sinboloak erabiltzeko eskubidea lagatzen da, bai eta kontratuak indarrean dirauen bitartean eman behar dizuten laguntza komertzial edo teknikoa Harreman estua eta etengabea edukiko duzue, baina beti bi enpresa bereizi izango zarete, hala legez nola finantzari dagokionez.
  • Alderdi batzuk egiaztatu behar dituzu: frankizia-emaileari eman behar dizkiozun etekinen ehunekoa eta royaltiak; irekitako eta itxitako frankizien kopurua (oso garrantzitsua da itxiera-indizea % 3-4koa baino txikiagoa izatea); unitate bakoitzaren irabaziak eta salmentak, eta enpresaren balantzea. Datu horiek ulertzeko laguntza behar baduzu, eskatu zalantzarik gabe.

Ez zaitez fida frankizia idilikoez, eta ikertu Interneten

Beste atsotitz bat: «inork ez du eurorik ematen 50 zentimoan». Egia izateko onegia bada, normalean, gezurra izango da: adibidez, frankizia-emaile batek ere ez du bermatzen inbertsioa, eta ahaleginik egin gabe ez da irabazirik etortzen.

Norbaitek ikuspegi idilikoa irudikatzen badizu, galdetu zer «baina» dagoen, egon egingo baitira, eta asko, beste edozein enpresatan bezala. Eta, jakina, ikertu Interneten ea gauza arrarorik dagoen. Gaur egun, bilatzaileak iruzurrak antzemateko tresna ikaragarri onak dira.

  • Aski da «iruzurra» hitza eta frankiziaren izena elkarrekin idaztea, epaileen ebazpenik eta abokatuen foroetan egindako kontsultarik dagoen egiaztatzeko.
  • Baina ez erreparatu zorrotz-zorrotz kritika guztiei, negozio guztiek sortzen dituztelako kontrako iritziak, eta frankiziak ez dira salbuespena.

Ibilbide hori egin ondoren jakingo duzu aukeratu duzun frankizia ekintzailetzan abiatzeko aukera ona ote den. Frankiziei buruzko informazio gehiago behar baduzu, frankizien munduan sartzeko jakin behar duzun guztia irakur dezakezu, edo Gaztenpresarekin harremanetan jar zaitezke. Zure negozioa abian jartzeko behar duzun guztia kudeatzen lagunduko dizugu. Zain gaituzu!

Post gehiago irakurri.

Iraila 16, 2022
Ekintzailetzaren igerilekuan murgildu aurretik, urik badagoen egiaztatu beharra dago; gure kasuan, horrek esan nahi du arrisku-analisia gauzatzea eta negozio-plana egitea. Gogoan izan ezazu negozio-plana edo enpresa-plana oso tresna baliagarria dela eta laburbildu behar duela enpresa-proiektu berria nolakoa den eta jaso egin behar dituela negozio arrakastatsu bihurtuko duten helburuak, identitatea eta funtzionamendua. Gainera, une oro gidatuko...
Uztaila 29, 2022
HALO Donostia hiru erizain elkartzetik sortutako proiektua da; hirurek ekiteko gogoa zuten, eta bereziki, erizaintzako zein dermoestetikako sektoreko egungo eskaintzari buelta emateko asmoa. Kooperatiben hilabetean, Halo Donostia-tik eman digute haien historiaren eta lehen urratsen berri.   HALO Donostia “estetika aurreratuko tratamenduetan espezializatutako erizaintza-zentro” moduan definitzen da. Azalduko zenigukete zertan datzan, eta zein den zuen balio...
Uztaila 15, 2022
Modu juridiko askotan gauzatu daitekeen proiektu ekintzaile bat: autonomoa, sozietate mugatua, kooperatiba… Ingravity Dreams elkarrizketatuko dugu Kooperatiben Nazioarteko Eguna dela-eta, Gaztenpresaren eskutik bere enpresa-ibilbideari ekin zion abereen ongizatera zuzendutako zentroa, hain zuzen ere.   Zer da Ingravity Dreams eta nola sortu zen? Abereen ongizatea da Ingravity Dreams. Gure abereak fisikoki indarberritzeko teknika naturaletan espezializatutako lekua,...
Ekaina 27, 2022
Espiritu ekintzailea testuinguru eta sektore guztietan zabaltzen ari da, industrialean barne, baita gaur egungoa bezalako egoera berezietan ere. Enpresa Txiki eta Ertainaren eguna dela eta, elkarrizketa egin diogu IGASI Vacuum Solutionko lantaldeari. Proiektu ekintzailea da, eta laster urtebeteko ibilbidea beteko du enpresa gisa.   Nola sortu zen Igasi eta nola definituko zenukete zuen enpresa? Enpresa...
Ekaina 23, 2022
Gaztenpresan, krisiari aurre egiteko zailtasunak dituen enpresa-ehunera egokitzen jarraitu dugu. Hori dela medio, atzo Ibon Urgoiti, Gaztenpresako lehendakariak, 2021. Urteko Txostenaren aurkezpenean nabarmendu zuenez, Fundazioko taldeak bere proiektuekin jarraitzeko beharberritu diren pertsonak laguntzeko ahalegina kontuan hartzea ezinbestekoa da. Hala ere, egindako lan horri guztiari esker, 2021eko balantzeak esleitutako helburuak bete direla adierazten du. Beste behin...
Maitza 17, 2022
Bazenekien Europar Batasuneko herrialdeek urtean 5.000 milioi tona hondakin baino gehiago sortzen dituztela, etxekoak kontuan hartuta? Eta bazenekien, Euskadin sortzen ditugun 5,5 tona hondakinetatik, % 80k eraikuntzan eta industrian dutela jatorria? Pentsatu duzu noizbait, 2050. urtean, munduko biztanleek gaur egun kontsumitzen ditugun baliabideak baino hiru aldiz baliabide gehiago beharko dituztela? Izugarrizko datuak dira, ezta? Baina,...