×

Para instalar Gaztenpresa en tu iPhone pulsa y luego Añadir a pantalla de inicio.

Navegación limitada - Sin conexión

Ikasi ekitean egiten ditugun 4 hutsegiterik ohikoenekin

Share on facebook
Share on twitter
Share on linkedin
Share on whatsapp
Share on email

«Esperientzia gure hutsegiteei ematen diegun izena da». Oscar Wilderen esaldi horrek inork aitortu nahi ez duen baina historiako pentsalari handi guztiek (Konfuziorekin hasi eta Einsteinekin amaitzeraino) bere egin duten egia bat adierazten du:

  • Hutsegiteak gure bizitzaren parte dira, eta gure arrakasta haiekin ikasteko dugun gaitasunaren araberakoa da.

Gogoeta hori esparru pertsonalean ez ezik, lanbide-esparruan ere aplika daiteke, ekintzailetza-proiektu bat egiteko erronkaren aurrean gaudenean bereziki. Oscar Wildek iradoki bezala, lehenago edo beranduago hutsegiteak egingo ditugula jakin behar dugu, eta prest egon behar dugu hutsegite horiek gainditzeko. Eta hutsegiteak gainditzeko, ezinbestekoa da:

  • “Hutsegiteekin ikasten dela” konturatzea.
  • Plangintza on bat izatea, hau da, arriskuen azterketan kontingentzia-planak txertatzea.
  • Aholkularitza egokia izatea (Gaztenpresaren mentoring-tailerren bidez, esate baterako).

Negozio bat abian jartzear dagoen pertsona orok ekintzailetzaren esparruan oso ohikoak diren hutsegiteak egiteko arriskua du. Garrantzitsuena dena ongi planifikatuta edukitzea eta sorpresa horiek ahal den heinean ustekabean ez harrapatzea da. Hona hemen ekitean egiten diren hutsegiterik ohikoenetako batzuk:

Negozio-plan on bat eduki gabe hastea

Negozio-plan osatu bat lantzea oinarrizkoa da enpresa berriak arrakasta eduki ahal izateko. Dokumentu horrek enpresa berriaren funtzionamendu-gida izan behar du, eta proiektuaren elementurik garrantzitsuenak jaso behar ditu. Negozio-plan zuhur batek etorkizunean aurre egin beharreko arazoetako asko hartuko ditu kontuan, eta horrek arazo horiek bizkorrago eta prestasun handiagoarekin konpontzen lagunduko dizu. Dokumentu horrek behar bezala argudiatu eta zehaztutako honako zazpi alderdi hauek jaso beharko ditu:

  • Produktuaren edo zerbitzuaren definizioa
  • Lan-taldea
  • Merkatu-azterketa
  • Negozio-eredua
  • Finantza-plana
  • Arriskuen azterketa
  • Inplementazio-plana

Ekintzailetza-proiektuak plangintzarik ez badu, baliteke halabeharrez ixtera edota, are okerrago, luzaroan oztopo izango diren zorrak sortzera bideratuta egotea.

Pertsona desegokiak aukeratzea

Edozein ekintzailek izan dezakeen arazorik ohikoenetako bat ekintzailetza-proiektuan lagunduko dioten pertsonak aukeratzea da: bazkideak, enpresako CEOa (hau da, behar izanez gero enpresa zuzenduko duen pertsona) eta abar. Zure taldeak funtzionatzea nahi baduzu, honelakoak izan beharko dute:

  • Elkarren osagarriak. Bakoitzak bere lanbide-trebetasun eta trebetasun pertsonal desberdinen ekarpena egin behar du.
  • Fidagarriak. Ezer gutxirako balio du bazkide bat izateak harengan konfiantzarik ez badugu.
  • Begirunetsuak. Lan-harreman bat zapuztu egin daiteke errespeturik ezagatik edo esku-sartzeengatik.
  • Diziplinatuak. Proiektu batek arrakasta izateko, beharrezkoa da kudeatzaileek arazo bati eraginkortasunez aurre egiteko gaitasuna izatea.

Zure negozioaren balioa behar den neurrian ez azpimarratzea

Ekiteko erabakia hartzen dugunean, alde batera utzi behar ditugu gure beldurrak eta ziurgabetasunak, eta enpresaburu gisa pentsatzen hasi behar dugu. Askotan, aurrera egiteko eta finkatzeko dugun kezkak atzera eginarazten digu erabaki mingarriak hartzeko edota gurea dena eskatzeko garaian. Gure enpresaren interesak babestu behar ditugu, hau da, gure ospea bera zaindu behar dugu. Eta, horretarako, beharrezkoa da:

  • Gure negozioa erabil ditzakegun tresnekin eta foro egokietan bultzatzea.
  • Beldurra eta konplexuak alde batera uztea fakturak eskatzeko edo prezioak finkatzeko garaian.
  • Gure ospea defendatzeko beharrezkoak diren neurriak hartzea.

Alderdi pertsonala ez zaintzea

Abentura bati ekitea gauza handia eta atsegingarria da. Funtzionatzen duen negozio propio bat sortu dugula egiaztatzeak ez du preziorik, baina jakin beharra dago gure jarduera berriak besteren konturako lan batek baino askoz gehiago eskatuko digula. Hori dela eta, kontuan hartu behar dituzu honako alderdi hauek:

  • Ez utzi zure aurreko lana behar baino lehen.
  • Zure negozioak bateragarria izan behar du zure bizitza pertsonalarekin, ez alderantziz.
  • Utzi enplegatu gisa pentsatzeari eta pentsatu buruzagi gisa. Esparru berri horretan, beste zirkunstantzia batzuetan inoiz hartuko ez zenituzkeen baina ezinbestekoak diren erabakiak hartu beharko dituzu.
  • Saiatu ordutegi bat ezartzen. Enpresaburu gisa izango duzun erantzukizuna oso handia izango da, baina gogoan izan bizitzeko lan egiten duzula; osterantzean, lan egiteko biziko zara azkenean.

Zure bidea egiten hasi aurretik arazo horiez jabetzen bazara, askoz aukera gehiago izango dituzu zure ekintzailetza-abenturak arrakasta izateko. Eta gogoan izan Gaztenpresara jo dezakezula aholkularitza jasotzeko. Bertan, profesional kualifikatuen talde batek berme guztiekin ekiteko beharrezkoak diren gaitasunak eskuratzen lagunduko dizu. Zain izango gaituzu.

Post gehiago irakurri.

Abendua 11, 2024
Berrikuntza eta desberdintzea funtsezko zutabeak dira enpresa-eremuan arrakasta izateko, batez ere ingurune globalizatu eta oso lehiakor batean. Enpresa gehienak Interneten daudenez eta teknologia tresna eta erakusleiho gisa erabiltzen dutenez, are garrantzitsuagoa da behar bezala erabiltzen jakitea. Gaur egun, berrikuntza eta desberdintzea funtsezkoak dira jasangarritasuna eta epe luzerako arrakasta bermatzeko. Arlo horietan inbertitzen duten enpresek, nabarmentzea...
Azaroa 11, 2024
Besteren konturako lanaren zurruntasunik ez dagoenez, autonomo gisa bizitza pertsonala eta lan-bizitza bateratzeko erraztasun gehiago dituzula eman dezake, baina itxurazko malgutasun horrek arazoak ere sor diezazkizuke bi alderdiak bereizteko orduan: lana eta atsedena; negozioa eta aisia. Halaber, zure produktibitateari ere eragin diezaioke. Horregatik, komeni da arau batzuk ezartzea zure energia mantendu ahal izateko. Zure nagusia...
Urria 9, 2024
Maite Ibañez de Maeztu Maikalaren buru izan da, Bilboko Deustu auzoan eta Alde Zaharrean erreferente izan den gozotegia.   GAZTENPRESA: Maikala 2015ean abiatu zen proiektua da, ezta?   MAITE IBAÑEZ DE MAEZTU: 2015ean sortu zen, lantegiaren zatia martxan jarri zenean, eta urtebete geroago arte ez zen jarduera abiarazi Plaza Berrian, lehenengo dendarekin. Leioan trebatzea erabaki...
Urria 3, 2024
Normalean “babestuta” terminoa ikusten dugu, bai ekitaldietan, bai edukietan, baina zer esan nahi du zehazki? Babesletza marketin-estrategia bat da, non enpresa batek (babesleak) finantzaketa ematen dion erakunde, ekitaldi, pertsona edo kausa bati (babestuak), elementu horri lotutako marka erakustearen truke. Hau da, bi aldeek etekinak lortzen dituzten merkataritza-harreman bat ezartzen da. Sinergiak sortzeko lankidetza. Teknika horrek...
Iraila 18, 2024
Hiru hankako mahaia. Baina ez edozein. Sendoa, gogorra. Une onak pasatzeko elkartzen zaren horietako bat. Hori Emakumeook dela esan liteke. Hiru emakume ekintzailek sortutako proiektua. Almudena, Bea eta Naiarak.   GAZTENPRESA: Nola ezagutu zenuten elkar eta nola sortu zen Emakumeook? EMAKUMEOOK: Emakumeook gaur hemen ez dagoen hirugarren pertsona batengatik sortu zen, Ambrosa. Hirurak pandemian geunden...
Iraila 3, 2024
Zure negozioak bultzada bat behar du? Azkenaldian zure enpresa gelditu egin dela iruditzen zaizu? Agian, zure estrategia komertziala edo negozio-plana berriz ebaluatzeko garaia da, mailaz igotzeko, zure markaren ikusgarritasuna indartzeko eta zure produktuaren edo zerbitzuaren salmentak handitzeko. Hona hemen zure enpresaren egoera hobetzeko hainbat aholku, bai enpresa berria izan bai denbora luzea finkatuta eman.  ...

2025-02-10 00:30:39