y luego Añadir a pantalla de inicio.
“Ekintzailetzaren abentura” plazaratzeko asmoa duen saio berria emango du EITBk udazkenean, Euskal Telebistak berak, K2000k, Eusko Jaurlaritzak eta Laboral Kutxak Gaztenpresa Fundazioaren bidez bultzatuta.
10 astean zehar, Euskadiko ekintzaile talde baten bizipenak erakutsiko dira saioan.
“Doku-reality lehiaketa” formatuan, historia pertsonalen bidez erakutsiko da ideiak ogibidea eskuratzeko proiektu bihur daitezkeela. Funtsean, lanpostua sortu nahi duten ekintzaile horien esperientziak ezagutaraztea da asmoa.
Kapituluz kapitulu, hautatutako ekintzaileen historiak xehakatuko dira: zer enpresa-proiektu duten, zer gizarte-ingurunetan egin nahi duten txokoa…
Aldi berean, programako aditu talde baten laguntza jasoko dute bederatzi astetan zehar proiektuak hobetzen joateko eta epaimahaia konbentzitzeko. Izan ere, programaren amaieran, epaimahaiak ekintzaileetako bat aukeratu eta proiektua burutzen lagunduko dion saria aitortuko dio.
Saioak emititu ahala, ekintzaileen enpresa-bilakaera ikusi, bakoitzaren izaera ekintzailea ezagutu eta ingurunearekin duten harremanaren berri jasoko dugu.
Irailean, ekintzaileak aukeratzeko castinga egingo da, eta azken saria jasotzea merezi dutela frogatu beharko dute bertan.
