×

Para instalar Gaztenpresa en tu iPhone pulsa y luego Añadir a pantalla de inicio.

Navegación limitada - Sin conexión

Bezeroak zure markaren enbaxadore izan daitezen

Share on facebook
Share on twitter
Share on linkedin
Share on whatsapp
Share on email

Salmenta-arduradunek ondo dakite ahoz ahokoa dela salmenta-metodorik eraginkorrenetako bat, batez ere komunikazio hori gizarte- edo familia-eremu bereko pertsonen artekoa bada. Ez gara ari influencer-marketinari buruz, ezta gizartean nolabaiteko ospea duten pertsonak gure produktuak gomenda ditzaten kontratatzeko aukerari buruz ere. Lan hori gure bezeroek egiteari buruz ari gara, bezero horiek ezagunen eta hurbilekoen artean gure markaren enbaxadore bilakatzeaz.

Produktu edo zerbitzu batekin esperientzia positiboa izan duten lagunen gomendioei inoren esanei baino arreta handiagoa eskaintzen die jendeak. Gainera, kontsumitzaileen % 80ri ez zaio gaizki iruditzen produktu bat gomendatzea, eta % 25 benetan prest dago hori egiteko. Hortaz, galdera bakarra egin behar diogu geure buruari: nola lor dezakegu?

Bezeroak zure sare komertzialeko kide egiteko baldintza bat baino gehiago bete behar duzu.

  • Ezagutu zure buyer edo pertsona saltzailea eta erantzun haren beharrei. Gauza jakina dirudi, baina zure bezeroengana jo baino lehen ezagutu egin behar dituzu: zer duten gustuko, zein behar eta lehentasun dituzten… Horrela, produktu edo zerbitzua haien arabera zehaztu ahal izango duzu. Eta ba al dakizu zer egiten duen pertsona batek aspaldian produktu baten bila ibili ondoren hura aurkitzen duenean? Aurkikuntzaren berri ematen die ingurukoei eta, gustuko badu, gomendatu egiten du. Beraz, hori da eman beharreko lehenengo pausoa bezeroak zure markaren enbaxadore bilaka daitezen.
  • Finkatu zure bezeroekiko lotura. Badakizu, gaur egun ez da nahikoa produktu edo zerbitzu bat edukitzea eta saltzea, beste aldagai batzuk ere badaude, hala nola Bezero-esperientzia, saldu osteko zerbitzua, erabiltzaileekiko elkarrekintza… Laburbilduz: bezeroak tartean sartu behar dituzu zure markaren partaide senti daitezen. Eta nola lortzen da hori? Egun, zure bezeroen feedbacka jasotzeko tresna piloa duzu eskura, baina, funtsean, lotura sakona finkatzen saiatu behar duzu, ulertuak direla senti dezaten. Hortik aurrera, helburu hori lortzen lagunduko dizuten mekanismo mordoa eskaintzen ditu marketinak. Edukien ingurukoarekin informazio baliotsua eta erabilgarria eskaini ahal izango diezu; sustapenak sortu beharko dituzu; horiek martxan jarri dituzula aprobetxatuz, aipa itzazu zure argitalpenetan… Egizu beharrezkoa den guztia pertsona zure markaren partaide senti dadin, eta ez kontsumitzaile huts.
  • Harritu ezazu. Ezustekoaren faktorea salmenten aldekoa izaten da, betiere ezustekoak onak badira, noski. Edonork eskertzen du espero duena baino gehiago jasotzea, baina horrelako ezusteek aldez aurreko estimulu baten ondorio izan behar dute. Alferrik arituko zara jarrera pasiboa duten bezeroak sistematikoki zirikatzen. Pertsonak gure markarekin inplika daitezen nahi dugu, enbaxadore izan daitezen. Beraz, interesa azaltzen duten horiek behar ditugu.
  • Eskaini arreta bereizia eta pertsonalizatua. Zure bezeroekin dituzun komunikazioak, zenbat eta pertsonalagoak izan, orduan eta bereziago sentituko dira. Sare sozialetan jarritako mezuei edo egindako iruzkinei berehala erantzutea oso garrantzitsua da engagement delakoa lortzeko. Horrez gain, sustapen pertsonalizatuak edo berariazko produktu-jakinarazpenak sortzen badituzu, zure bezeroek bereziak direla sentituko dute. Horrek ez du esan nahi pertsona bakoitzari zuk zeuk idatzitako mezu bat bidali behar diozunik. Automatizazioa erabil dezakezu, betiere kontuan hartuta segmentazioa balio handiko tresna dela eta ahalik eta gehien aprobetxatu behar duzula.
  • Bultzatu bezeroekiko elkarreragina. Urrezko araua duzu hau: ez duzu lortuko pertsona bat zure markaren enbaxadore izatea ez baduzu bere iritzia entzuten. Hau da, arretaz irakurri behar dituzu bere erreklamazioak; hartu kontuan bere iradokizunak; erantzun egin dizkizun galdera zehatzei; jaso produktuari buruzko feedbacka… Elkarrekintza horiek guztiak garrantzitsuak dira zure bezeroek bereziak direla senti dezaten, kontuan hartzen dituzula; partaide sentituko dira, eta sentimendu horrek balio izugarria du.

Gomendio horiei jaramon eginda, aukera askoz gehiago izango dituzu zure bezeroak fidelizatzeko, zure markaren enbaxadore bihurtzeraino. Gogoratu, gainera, online eta offline marketin-estrategiak erabiltzea lagungarri izan daitekeela, eta, informazio gehiago nahi baduzu, Gaztenpresan behar duzun guztia eskaintzen dizugula. Prestakuntza-tailerrak antolatzen ditugu, eta mentoring-programak, profesionalik onenen laguntza jaso dezazun. Zure zain gaude.

Post gehiago irakurri.

Otsaila 23, 2023
Iazko abenduaren 23an argitaratu zen BOEn enpresa emergenteen ekosistema sustatzeari buruzko legea, startupei buruzko lege bezala ezagunagoa dena. Estatua pertsona ekintzaileentzat eta horrelako negozioetan interesa duten inbertitzaileentzat helmuga erakargarri bihurtu dadila lortzea da arau berri honen helburua, hau da, enpresa berritzaile sortu berrietan, oinarri teknologikoa dutenetan, hazkunde bizkorrekoak direnetan eta negozio-eredu eskalagarri bat dutenetan interesatuta...
Otsaila 17, 2023
Aurten ere, Gaztenpresaren Astelehen Digitalak itzuliko dira, marketin digitaleko “No te pierdas en las redes” agentziak online ematen dituen prestakuntza-saioak. Saio hauetan, zure negozioaren eremu digitalarekin lotutako gaiak eguneratu ahal izango dituzu. Ordu edo ordu eta erdi inguruko iraupena duten tailer horietan, zure negozioan erantsi ditzakezun baliabide digitalen ikuspegi orokorra lortuko duzu. Izan ere, kontua...
Azaroa 30, 2022
Estatuko enpresen erdia baino gehiagok azken urtean zibereraso bat jasan dutela onartzen dute. Ezagutzen zenuen datu hau? Ezagutzen dituzu Phising, Vishing edo Smishing kontzeptuak? Artikulu honetan, Lautik IT Solutions hori eta askoz gehiago kontatu digu. Konponbide teknologikoetara eta eraldaketa digitalera bideratutako enpresa honek iaz Gaztenpresaren mentoretza-programan parte hartu zuen. Zibersegurtasunaren Eguna dela eta, negozio bat...
Iraila 16, 2022
Ekintzailetzaren igerilekuan murgildu aurretik, urik badagoen egiaztatu beharra dago; gure kasuan, horrek esan nahi du arrisku-analisia gauzatzea eta negozio-plana egitea. Gogoan izan ezazu negozio-plana edo enpresa-plana oso tresna baliagarria dela eta laburbildu behar duela enpresa-proiektu berria nolakoa den eta jaso egin behar dituela negozio arrakastatsu bihurtuko duten helburuak, identitatea eta funtzionamendua. Gainera, une oro gidatuko...
Uztaila 29, 2022
HALO Donostia hiru erizain elkartzetik sortutako proiektua da; hirurek ekiteko gogoa zuten, eta bereziki, erizaintzako zein dermoestetikako sektoreko egungo eskaintzari buelta emateko asmoa. Kooperatiben hilabetean, Halo Donostia-tik eman digute haien historiaren eta lehen urratsen berri.   HALO Donostia “estetika aurreratuko tratamenduetan espezializatutako erizaintza-zentro” moduan definitzen da. Azalduko zenigukete zertan datzan, eta zein den zuen balio...
Uztaila 15, 2022
Modu juridiko askotan gauzatu daitekeen proiektu ekintzaile bat: autonomoa, sozietate mugatua, kooperatiba… Ingravity Dreams elkarrizketatuko dugu Kooperatiben Nazioarteko Eguna dela-eta, Gaztenpresaren eskutik bere enpresa-ibilbideari ekin zion abereen ongizatera zuzendutako zentroa, hain zuzen ere.   Zer da Ingravity Dreams eta nola sortu zen? Abereen ongizatea da Ingravity Dreams. Gure abereak fisikoki indarberritzeko teknika naturaletan espezializatutako lekua,...