×

Para instalar Gaztenpresa en tu iPhone pulsa y luego Añadir a pantalla de inicio.

Navegación limitada - Sin conexión

AMPEAk Inma Ramosi eman dio aurten 2015eko Emakume Zuzendari onenaren saria

Share on facebook
Share on twitter
Share on linkedin
Share on whatsapp
Share on email

Joan den astean, AMPEAk Arabako emakume enpresari, zuzendari eta profesionalei urtero ematen dizkien sarien XV. edizioa ospatu zuen Europa Biltzar Jauregian.

Inma Ramosek, Gaztenpresa Fundazioko zuzendariak (Laboral Kutxaren gizarte-ekintza), Emakume Zuzendariaren kategorian jaso du saria. Emakume Enpresariaren kategorian Ríos Modako Hermitas Rozado izan da garaile, eta gazte enpresarien kategorian, berriz, Zuriñe San Román.

2015eko emakume profesionalaren saria EHUko Mª del Puy Portillo ikertzailearentzat izan da. Harekin batera, honako bi hauek izendatu zituzten sari horretarako: Esential fisioterapia-zentroko fundatzaile Beatriz Ruesga eta medikuntza estetikoan espezialista eta akupuntura-zentro baten jabe den Icíar Allende.

Emakumea eta Ekonomia Soziala kategorian, La Jabonería de la Almendra kosmetika naturaleko kooperatibak jaso du saria, eta, ibilbide profesionalari dagokion kategorian, Tania Calvok, txirrindulari profesional gisa izan dituen lorpenengatik.

Hemendik, eskerrak eman nahi dizkiogu aitorpen horrengatik, eta, bide batez, gainerako sarituak eta finalistak zoriondu nahi ditugu, lan-merkatuari egin dioten lanbide-ekarpenagatik.

Post gehiago irakurri.

Ekaina 18, 2024
Gaur Joanes Roso, Tazebaez kooperatibako CEO eta presidentearekin hitz egin dugu. Kooperatiba horrek 15 urte baino gehiago daramatza negozio eta proiektu jasangarriak bultzatzen, pertsonak prozesuaren erdigunean kokatuz beti. Jakin nahi duzu nola egiten duten eta zerk motibatzen duen enpresa honetako taldea? Aholku bat: entzun gure podcastaren atal hau, eta baita hurrengoa ere, elkarrizketa hain interesgarria...
Ekaina 12, 2024
Imajina dezakezunez, Eko-Ekintzailetzak goraka doazen bi joera biltzen ditu: ekologia eta ekintzailetza. Ekintzailetza berdea edo ingurumenekoa da, proiektu profesional bat sortzean jasangarritasunari ere garrantzia eman behar diozulako. Gaur egun, klima aldaketarekin kezkatuta dagoen jende gehiengoarekin eta 2030 agenda ezartzearekin, ez da nahikoa ekonomikoki funtzionatuko duen negozio bat sortzea, ekologikoki ere funtzionatu behar baitu. Jasangarritasunaren eta...
Ekaina 11, 2024
Ana Aguirre zerbaiten munduko presidentea den pertsona-kopuru txiki horretakoa da, berari txantxetan aritzea gustatzen zaion bezalakoa. Bere kasuan, “zerbait hori” Nazioarteko Kooperatiba Aliantzaren Gazteria Batzordeko Presidentetza da, eta kargu horretarako hautatu zuten botoen % 86rekin. Eta nola iritsi da haraino transatlantiko bateko kapitain izan nahi zuen emakume bat (izan ere, Nautika Eskolan izena eman zuen)?...
Ekaina 4, 2024
Ba al zenekien Euskadiko enpresen % 2k ekonomia sozialaren barruan garatzen duela bere jarduera? Ehuneko txiki hori, ordea, Euskadiko ordaindutako enpleguaren % 10 da. Gure inguruan pisu handia duen arren, askotan ez dakigu enpresa-eredu hori behar bezala definitzen. Horregatik, gure podcastaren hirugarren denboraldia ekonomiari eta inpaktu sozialari eskaintzea erabaki dugu, haren balioak, erronkak eta aukerak...
Maitza 15, 2024
GAZTENPRESA: Nerea Forondarekin abiatuko dugu gaur, Bilbon bere ekintzailetzaren sustraiak jartzea erabaki duen ibiltariarekin. Nerea, ingeniaritza ikasi zenuen, baina orain brandingean aritzen zara, ezta? NEREA FORONDA: Hori da. Ingeniari batentzat hau magia da, ezta? Gehiago ulertzen hasi nintzen erakunde baten helburua, pertsonek zergatik kontsumitzen duten kontsumitzen dutena, zer behar duten, produktuak nola konpontzen dituen gauzak....
Maitza 6, 2024
Lehia handiko garai hauetan, bai kalean bertan, bai online eremuan, bezeroak erakartzea eta fidelizatzea da gure negozioaren etorkizunerako gako nagusietako bat. Pandemiak ecommerce delakoa bizkortu zuen, eta, beraz, orain geure burua bereizi behar dugu gure publikoarengana iristeko, kalitatezko produktu edo zerbitzu baten bidez, baina originala eta ezagutzeko modukoa ere izan dadin. Inork ez zuen esan...