×

Para instalar Gaztenpresa en tu iPhone pulsa y luego Añadir a pantalla de inicio.

Navegación limitada - Sin conexión

5 ebook marketinari eta salmentei buruz

Share on facebook
Share on twitter
Share on linkedin
Share on whatsapp
Share on email

1515 Oraingoan, doako 3 ebook eta ordaindutako beste 2 aurkezten dizkizugu. Horiei esker, zure salmentak hobetu eta online inguruneko marketin-estrategiak berritu ahal izango dituzu. Izan ere, Gaztenpresan adituak gara zure negozioa sortzeko fase guztietan laguntzen, zure enpresa finkatzen, merkatuarekin  dituzun harremanak hobetzen eta behar duzun guztia eskaintzen, zure ekintzaile-abentura errealitate iraunkorra eta emankorra izan dadin.

 

Edukia zeu zara

Badakizu zer den edukien marketina? Beharbada inoiz ez diozu izen hori jarri, baina egunero ikusten duzu telebistako edo Interneteko kanpainetan. Publizitatea aldatzen ari da, eta enpresek argi dute beren mezuetan urrunago heldu eta bezeroei kalitateko edukiak eskaini behar dietela, edo haiengana iritsiko diren historiak kontatu. Doako ebook hau Eva Sanagustín adituak koordinatzen du. Bertan, 12 adituren ekarpen baliotsuak aurkituko dituzu, hainbat diziplinatako edukiak erabiltzeko:  komunikazioa, bilatzaileen optimizazioa, ingurune sozialetako marketina, inbound marketina, brandinga…  Kontzeptu horiek guztiak erraz azalduta daude, eta sarritan ilun dauden ideiak argitu egiten ditu egileak.

 

2.0 Erakarpen Marketina

Marketinaren ohiko ereduak etorkizuneko bezeroak bilatzea zuen xede. Erakarpen-marketinak (edo inbound marketina), berriz, Google eta sare eta  ingurune sozialak erabiltzen ditu bezero potentzialak erakartzeko. Horretarako, marketin mota horrek hainbat tresna erabiltzen ditu. Horiek guztiak argi azalduta daude Oscar del Santo marketin-adituak idatzitako doako ebook honetan. Hari esker, inbound marketinaren lau faseak ezagutzen ditugu: sortzea, optimizatzea, sustatzea eta bihurtzea. Fase horietan guztietan, beharrezkoa da lehengo moduko iragarle edo saltzaile gisa jokatzeari utzi eta edukien sortzaile eta gizarteratzailea bihurtzea.

 

Blogen munstroa

Antonio Cambronero benetako beteranoa da blogen munduan. Dagoeneko 14 urteko esperientzia du Blogpocket izeneko blogarekin. Orain, liburu bat eskaintzen die doan bere harpidedunei. Liburu hori ezinbestekoa da zuretzat, baldin eta bloga erabili nahi baduzu zure zerbitzuak edo produktuak saltzeko edo ezagutarazteko estrategiaren osagai gisa. Egileak zure bloga astebetean optimizatzeko trikimailu eta tresnak azaltzen ditu argi eta zehatz, asteko egunen arabera banatutako ataletan, astelehenetik igandera.

 

#Socialholic

Fernando eta Juan Luis Polo anaiek hamar urtetik gorako esperientzia dute ingurune sozialetako marketinaren arloan. Liburu honetan aditzera ematen digute nolakoak izango diren harreman berriak enpresaren eta egungo bezeroaren artean (gizaki “supersoziala” era “hiperkonektatua”, haien hitzetan). Figura hori eta sare sozialen muina ulertzen baditugu soilik monetizatu ahal izango ditugu web 2.0ko ekintzak. Egileek argitara eman dituzte aldaketa digitalaren protagonisten benetako kasuak eta haiekin egindako dozenaka elkarrizketa, socialholic deritzona zer den eta zergatik eman behar diogun garrantzia azaltzeko.

 

Buyology: Erosteko zergatiaren egiak eta gezurrak

Neuromarketinari buruzko artikuluan azaldu genuenez, garrantzi handikoa da jakitea  zer pentsatzen duen pertsona batek erosterakoan. Liburu hau adituek gehien gomendatzen dutenetako bat da, Bertan jasotzen dira mundu zabaleko 2.000 boluntarioren jokabideari hiru urtez egindako ikerketaren emaitzak, alegia nola jokatzen zuten iragarkiak, logotipoak, markak eta produktuak erakusten zitzaizkienean. Egilea Martin Lindstrom da, marketinaren alorreko egile eta aditua. Time aldizkariaren arabera, munduko 100 pertsonarik eraginkorrenetako bat da. Zalantzarik gabe, datu horietako batzuek ideia berriak emango dizkizute zure salmenta-estrategian erabiltzeko.

 

Post gehiago irakurri.

Abendua 11, 2024
Berrikuntza eta desberdintzea funtsezko zutabeak dira enpresa-eremuan arrakasta izateko, batez ere ingurune globalizatu eta oso lehiakor batean. Enpresa gehienak Interneten daudenez eta teknologia tresna eta erakusleiho gisa erabiltzen dutenez, are garrantzitsuagoa da behar bezala erabiltzen jakitea. Gaur egun, berrikuntza eta desberdintzea funtsezkoak dira jasangarritasuna eta epe luzerako arrakasta bermatzeko. Arlo horietan inbertitzen duten enpresek, nabarmentzea...
Azaroa 11, 2024
Besteren konturako lanaren zurruntasunik ez dagoenez, autonomo gisa bizitza pertsonala eta lan-bizitza bateratzeko erraztasun gehiago dituzula eman dezake, baina itxurazko malgutasun horrek arazoak ere sor diezazkizuke bi alderdiak bereizteko orduan: lana eta atsedena; negozioa eta aisia. Halaber, zure produktibitateari ere eragin diezaioke. Horregatik, komeni da arau batzuk ezartzea zure energia mantendu ahal izateko. Zure nagusia...
Urria 9, 2024
Maite Ibañez de Maeztu Maikalaren buru izan da, Bilboko Deustu auzoan eta Alde Zaharrean erreferente izan den gozotegia.   GAZTENPRESA: Maikala 2015ean abiatu zen proiektua da, ezta?   MAITE IBAÑEZ DE MAEZTU: 2015ean sortu zen, lantegiaren zatia martxan jarri zenean, eta urtebete geroago arte ez zen jarduera abiarazi Plaza Berrian, lehenengo dendarekin. Leioan trebatzea erabaki...
Urria 3, 2024
Normalean “babestuta” terminoa ikusten dugu, bai ekitaldietan, bai edukietan, baina zer esan nahi du zehazki? Babesletza marketin-estrategia bat da, non enpresa batek (babesleak) finantzaketa ematen dion erakunde, ekitaldi, pertsona edo kausa bati (babestuak), elementu horri lotutako marka erakustearen truke. Hau da, bi aldeek etekinak lortzen dituzten merkataritza-harreman bat ezartzen da. Sinergiak sortzeko lankidetza. Teknika horrek...
Iraila 18, 2024
Hiru hankako mahaia. Baina ez edozein. Sendoa, gogorra. Une onak pasatzeko elkartzen zaren horietako bat. Hori Emakumeook dela esan liteke. Hiru emakume ekintzailek sortutako proiektua. Almudena, Bea eta Naiarak.   GAZTENPRESA: Nola ezagutu zenuten elkar eta nola sortu zen Emakumeook? EMAKUMEOOK: Emakumeook gaur hemen ez dagoen hirugarren pertsona batengatik sortu zen, Ambrosa. Hirurak pandemian geunden...
Iraila 3, 2024
Zure negozioak bultzada bat behar du? Azkenaldian zure enpresa gelditu egin dela iruditzen zaizu? Agian, zure estrategia komertziala edo negozio-plana berriz ebaluatzeko garaia da, mailaz igotzeko, zure markaren ikusgarritasuna indartzeko eta zure produktuaren edo zerbitzuaren salmentak handitzeko. Hona hemen zure enpresaren egoera hobetzeko hainbat aholku, bai enpresa berria izan bai denbora luzea finkatuta eman.  ...

2025-02-10 01:16:33