×

Para instalar Gaztenpresa en tu iPhone pulsa y luego Añadir a pantalla de inicio.

Navegación limitada - Sin conexión

2018an ere aurrera jarraitzen du ekintzailetzak: 415 enpresa berri eta 812 lanpostu

Share on facebook
Share on twitter
Share on linkedin
Share on whatsapp
Share on email

Gaztenpresak 2018an garatutako jardueren laburpena aurkeztu du, eta urtearen itxiera arrakastatsua izan dela esan dezakegu!

Fundazioaren jarduerak pertsona ekintzaileei laguntzea du helburu, ekintzailetzaren etapa guztiak gaindi ditzaten.

Horrenbestez, aholkularitza pertsonalizatua ematen zaie lau etapatan bereizita, zenbait programaren bitartez: sorrera, finantzaketa, finkapena eta Mentoring programa.

Sorrera

Gaztenpresaren laguntzarekin eta ahaleginarekin abian jarri diren 415 enpresa berriei esker, aurten 812 lanpostu sortu dira.

2018ra arte, Gaztenpresak 5.300 enpresari baino gehiagori lagundu die LABORAL Kutxaren enplegurako Fundazio gisa eta, horiei esker, 9.500 enplegu sortu dira guztira.

Finantzaketa

Pertsona ekintzaileei plan bat egiten laguntzen die Gaztenpresak, beren premiak baloratu eta proiektuari gehien komeni zaizkien finantzaketa-iturriak zehaztu ahal izateko.

2018an, 70.452 €-ko batez besteko inbertsioa egin zen enpresa berriak sortzeko.

Zenbateko horren erdia ekintzaileek betetzen dute beren baliabideekin, eta gainerakoa banku-finantzaketa bidez. Oro har, 2018an emandako maileguen zenbatekoa 13,5 milioi eurokoa izan da.

Negozioa sendotzea

Beren jarduera abiarazi berri duten enpresek finkatzeko beharra izaten dute. 2018an 432 kontsultari erantzun zaie Consulting Pro bidez, egunero sortzen diren negozioaren kudeaketari buruzko zalantzak argitzeko.

Era berean, 75 tailer eta mintegi egin dira, eta 850 pertsonak baino gehiagok hartu dute parte horietan.

Mentoring programa

Gaztenpresak plan pertsonalizatu bat eskaintzen du pertsona ekintzaileentzat, eta horiek ekintzailetzan eta enpresa-kudeaketan esperientzia duten adituen laguntza jasotzen dute.

Fundazioarekin lan egiten duten mentoreek erabakiak hartzeko laguntza eskaintzen dute, ekintzaileek beren kudeaketa-gaitasunak hobetu ahal izan ditzaten. 2018an zehar, laguntza emateko edo mentoring-eko 27 harreman formal finkatu ziren.

Ekintzailetza sustatzea

Espiritu ekintzailea sustatzeko, Gaztenpresak zenbait sari babestu eta hainbat ekitalditan parte hartu du, bere lana ekintzaileei ezagutarazteko.

2018an zehar, Gaztenpresak honako ekitaldi hauetan parte hartu du:

-WATS «Balioak eta Kirola»: Indarkeria kirolaren esparrutik desagerraraztea du helburu, hezkuntzaren bitartez eta gaitasunak eta balioak ikasteko ingurune berritzaileak sortuz.

-BVENTURE: Ekintzailetzaren inguruko urteko elkargune garrantzitsuenetako bat da startup enpresentzat eta softwareko, marketin digitaleko, crowfunding-eko eta proiektuak azkartzeko enpresentzat.

-Global Social Economy Forum (GSEF2018): Gaztenpresak bere proiektua aurkeztu ahal izan zuen gobernuen, erakundeen eta ekonomia sozialarekin lotutako nazioarteko hainbat agenteren aurrean, urrian, Bilbon elkartu zirenean.

-Kirolaren alorreko XIV. Asmamen eta Diseinu Lehiaketa: TECNUM – Nafarroako Unibertsitatearen eskutik, ikastetxeetara eta unibertsitateetara eraman nahi da berrikuntza, kirol-arloan proiektu berritzaile bat sarituz.

«EKITEN – MU» XI. ekintzailetza-programa: 2018an 3 enpresa-ideia berri saritu dira aurkeztutako 21 proiektuen artean.

Espiritu ekintzailea duzu? Zuk ere bat egin dezakezu Gaztenpresako pertsona ekintzaileen komunitatearekin. Zure proiektua errealitate egiteko lehen pausua emateko, konta iezaguzu zure ideia.

Post gehiago irakurri.

Iraila 16, 2022
Ekintzailetzaren igerilekuan murgildu aurretik, urik badagoen egiaztatu beharra dago; gure kasuan, horrek esan nahi du arrisku-analisia gauzatzea eta negozio-plana egitea. Gogoan izan ezazu negozio-plana edo enpresa-plana oso tresna baliagarria dela eta laburbildu behar duela enpresa-proiektu berria nolakoa den eta jaso egin behar dituela negozio arrakastatsu bihurtuko duten helburuak, identitatea eta funtzionamendua. Gainera, une oro gidatuko...
Uztaila 29, 2022
HALO Donostia hiru erizain elkartzetik sortutako proiektua da; hirurek ekiteko gogoa zuten, eta bereziki, erizaintzako zein dermoestetikako sektoreko egungo eskaintzari buelta emateko asmoa. Kooperatiben hilabetean, Halo Donostia-tik eman digute haien historiaren eta lehen urratsen berri.   HALO Donostia “estetika aurreratuko tratamenduetan espezializatutako erizaintza-zentro” moduan definitzen da. Azalduko zenigukete zertan datzan, eta zein den zuen balio...
Uztaila 15, 2022
Modu juridiko askotan gauzatu daitekeen proiektu ekintzaile bat: autonomoa, sozietate mugatua, kooperatiba… Ingravity Dreams elkarrizketatuko dugu Kooperatiben Nazioarteko Eguna dela-eta, Gaztenpresaren eskutik bere enpresa-ibilbideari ekin zion abereen ongizatera zuzendutako zentroa, hain zuzen ere.   Zer da Ingravity Dreams eta nola sortu zen? Abereen ongizatea da Ingravity Dreams. Gure abereak fisikoki indarberritzeko teknika naturaletan espezializatutako lekua,...
Ekaina 27, 2022
Espiritu ekintzailea testuinguru eta sektore guztietan zabaltzen ari da, industrialean barne, baita gaur egungoa bezalako egoera berezietan ere. Enpresa Txiki eta Ertainaren eguna dela eta, elkarrizketa egin diogu IGASI Vacuum Solutionko lantaldeari. Proiektu ekintzailea da, eta laster urtebeteko ibilbidea beteko du enpresa gisa.   Nola sortu zen Igasi eta nola definituko zenukete zuen enpresa? Enpresa...
Ekaina 23, 2022
Gaztenpresan, krisiari aurre egiteko zailtasunak dituen enpresa-ehunera egokitzen jarraitu dugu. Hori dela medio, atzo Ibon Urgoiti, Gaztenpresako lehendakariak, 2021. Urteko Txostenaren aurkezpenean nabarmendu zuenez, Fundazioko taldeak bere proiektuekin jarraitzeko beharberritu diren pertsonak laguntzeko ahalegina kontuan hartzea ezinbestekoa da. Hala ere, egindako lan horri guztiari esker, 2021eko balantzeak esleitutako helburuak bete direla adierazten du. Beste behin...
Maitza 17, 2022
Bazenekien Europar Batasuneko herrialdeek urtean 5.000 milioi tona hondakin baino gehiago sortzen dituztela, etxekoak kontuan hartuta? Eta bazenekien, Euskadin sortzen ditugun 5,5 tona hondakinetatik, % 80k eraikuntzan eta industrian dutela jatorria? Pentsatu duzu noizbait, 2050. urtean, munduko biztanleek gaur egun kontsumitzen ditugun baliabideak baino hiru aldiz baliabide gehiago beharko dituztela? Izugarrizko datuak dira, ezta? Baina,...