y luego Añadir a pantalla de inicio.
Enpresa sortu nahi izatea bezain garrantzitsua da hori nola egin jakitea. Gaztenpresan 20 urte baino gehiago daramatzagu ekintzaileei aholku ematen eta lagundu nahi zaitugu. Gaurkoan enpresa-estatutuak hartuko ditugu hizpide. Ba al dakizu zer diren? Enpresa bat sortzeko asmoa al duzu? Notarioaren aurrean aurkeztu behar al dituzu? Horrela bada, garrantzi handia dutela izan behar duzu kontuan.
Normalean, guk ikusi dugunez, ekintzaileek Interneten bilatu eta estatutuen eredu estandarra deskargatzen dute. Orri horietan euren datuak jarri eta notarioaren aurrean aurkezten dituzte. Gaztenpresan uste dugu hori ez dela modurik egokiena izapidea burutzeko. Agian denbora aurreztuko duzu, baina segurtasunaren kalterako izango da, zalantzarik gabe.
Laboral Kutxako zure bulegora joatea gomendatzen dizugu, edo gure aholkulariren batekin harremanetan jartzea, zure negozioa sortzeko funtsezko urratsa baita. Gure profesionalen taldeak ehunka enpresa-proiektu gainbegiratzen ditu urtero, eta zure beharren araberako dokumentua egiten lagunduko dizu.
Izapide hutsa irudi lezake, baina oso garrantzitsua da. Estatutua sozietatea eratzeko fasean aurkeztu behar da, eta idatziz jasoko ditu zure enpresaren arau orokorrak. Bazkideek onartu dituztenez, artikuluak lotesleak eta nahitaez bete beharrekoak dira.
Negozioa sortzeko funtsezko urratsa
Estatutuek gutxieneko edukia izaten dute, sozietate motaren araberakoa. Nolanahi ere, enpresaren oinarriak jasotzen dituzte, hala nola, izena, sozietatearen helburua, helbidea, kapital soziala, partaidetzen edo akzioen erregimena eta organoak. Azken finean, estatutuetan zehaztuko duzu zure enpresaren izaera eta erabakiak hartzeko modua. Gutxieneko eduki hori zabal daiteke, eta egoki idatziz gero, zure proiektuak oinarri sendoak izango ditu.
Zergatik? Enpresaren barne-erregimenaz gain, estatutuetan alderdi oso garrantzitsuak finkatuko dituzulako, adibidez, administratzailea bakarra izango den ala ez, edo arduradun hori barrukoa ala kanpokoa izango den. Halaber, erabakiak hartzeko modua finka dezakezu, eta funtsezko gai batzuk bozkatzeko aukera ere.
Gaztenpresaren esperientzia zure esku
Estatutuak egoki idaztea lagungarri izango zaizu gatazkak saihesteko. Izan ere, hainbat egoeratan egin beharrekoa finka dezakezu, esaterako, bazkideetako batek sozietatea uzten badu edo zoritxarrez hitzen bada zer gertatuko den. Funtsezko dokumentu horren garrantzia haratago doa. Partaidetzen edo akzioen salmenta-kasuetarako jarduera-ildoak ere jaso ditzakezu bertan. Era berean, sozietatea likidatzeko modua ere zehaztu dezakezu, badaezpada.
Gaztenpresan milaka ekintzaileri eman diegu aholku, hala ildo horretan nola enpresa sortzeko eman beharreko gainerako pausoen inguruan. Gure laguntza nahi baduzu edo estatutuen inguruan zalantza gehiago badituzu, jar zaitez gurekin harremanetan. Telefonoz egin dezakezu (900 101 143) edota posta elektroniko bidez (info@gaztenpresa.org). Sare sozialetan ere bagaude –Facebook, Twitter eta Linkedin–. Zain gaituzu!
