×

Para instalar Gaztenpresa en tu iPhone pulsa y luego Añadir a pantalla de inicio.

Navegación limitada - Sin conexión

Buzzko: irudirik onena Interneten

Share on facebook
Share on twitter
Share on linkedin
Share on whatsapp
Share on email

Bi ekintzailek beren indarrak batu, arriskatu, eta lan, izapide eta bilera asko egin ostean, web-diseinurako eta online komunikaziorako agentzia bat sortu zuten. Horixe da Buzzko enpresaren historia, baina, batez ere, hura sortu duten Irati González (Donostia, 1985) eta Maialen Fernández (Donostia, 1985) fundatzaileen historia. Bi ekintzaile horiek tandem ezin hobea osatzen dute, eta, bost urtez buru-belarri lan egin ostean, guztiz finkatutako proiektu bat dute esku artean. Gaur, nola lortu duten kontatuko digute, baita Gaztenpresa beren erronkan zein garrantzitsua izan zen ere.

GAZTENPRESA BLOGA: 2011n, krisialdi betean, Buzzko jaio zen. Zuen blogean, hura sortzeko prozesuaz hitz egiten duzue, baita horretarako izapide, bilera, plangintza eta, batez ere, ahalegin guztiaz ere. Zein izan ziren oztopo nagusiak enpresa sortzeko orduan? 

MAIALEN FERNÁNDEZ. Txipa aldatzea, dagoeneko ez baitzara besteen konturako langilea, enpresa baten arduraduna baizik. Bat-batean, aurrekontuak nola prestatu jakin behar izan genuen, bezeroekin bildu, soldatak eta izapideak egin, bezero berriak bilatu… Ez zen prozesu erraza izan.

GZT. Eta zenbateko arriskua hartu zenuten ekitea erabaki zenutenean? Zer utzi zenuten atzean?

M.F. Nik lanpostu finko bat utzi nuen diseinu grafikoko enpresa batean, nire hipoteka sinatu eta bi hilabetera. Erokeria bat. 

IRATI GONZÁLEZ. Nik autonomo gisa lan egiten nuen dagoeneko, online marketineko enpresa batentzat. Beraz, aldaketa ez zen horren bortitza izan.
GZT. Irati komunikabide tradizionalen mundutik zetorren, eta Amaia, berriz, grafiko-, web- eta publizitate-diseinuaren mundutik. Hau da, bata kazetaria zen, eta bestea, berriz, diseinatzailea. Oso profil desberdinak. Zergatik erabaki zenuten indarrak batzea? Gomendatuko al zeniekete beste ekintzaile batzuei bat egin eta elkarrekin enpresa bat sortzea?

I.G. Duela urte askotatik ezagutzen dugu elkar, institutuan eta lan-udaleku batzuetan elkarrekin egoteaz gain, lagun batzuk partekatzen baititugu. Online marketinarekin lotutako alderdi guztietan, diseinuari, web-garapenari eta abarrei buruzko ezagutzak eta komunikaziora eta marketinera bideratutako profila behar direla ikusi genuen, eta tandem egokia egin genezakeela pentsatu genuen. Adibidez: enpresa batek web-orri bat behar badu, Maialen diseinuaz eta sorkuntza teknikoaz arduratzen da, eta ni, berriz, testuez, blogeko komunikazio-estrategiaz, informazioa antolatzeaz… Elkarrekin, erabateko zerbitzua eskaini nahi diogu bezeroari, hasiera-hasieratik amaierara, lan-prozesua bizkortzeko, denbora-tarteak murrizteko, talde barneko koordinazioa eta komunikazioa hobetzeko eta abarretarako; eta hori oso gogoko dute bezeroek: Interneten irudi bat izaten lagunduko dion lantalde osoa ezagutzea, alegia.

M.F. Gure kasuan, guztiz gomendatzen dugu pertsona ekintzaileen arteko batasuna, enpresa gisa nahiz unean uneko lankidetzetarako, oso positiboa baita proiektuei elkarrekin aurre egin ahal izatea. Izugarri ikasten da gainera, gauzak ondo edo gaizki atera.

 

Negozioa finkatzea

GZT. Bost urte igaro dira dagoeneko, eta, gaur egun, behar bezala finkatutako enpresa bat da Buzzko. Asko hitz egiten da enpresa bat sortzeko orduan izaten diren zailtasunen inguruan, baina ez horrenbeste gero datorrenaz. Finkatzea al da zailena?

M.F. Nahiz eta orain gauzak ondo joan eta hasieran baino lasaiago egon, guztiz inoiz ez zarela finkatzen sentitzen dugu.

I.G. Ez gara guztiz lasaitu: beti gaude erne, ikasten, hobetzen eta bezero berriak bilatzen jarraitzeko prest. Gure ustez, enpresak horrexegatik jarraitzen du hobera egiten eta garatzen.

GZT. Nola lagundu dizue Gaztenpresak? Zein izan da erronkarik handiena?

M/I. Guretzat, Gaztenpresa oso baliagarria izan zen enpresa abian jartzeko orduan. Gidaritza, laguntza eta aholkua eskaintzen dizkizuten aholkulari profesionalen laguntza asko eskertzen da, jardueraren lehen urteetan batez ere. Aurreko galderari dagokionez, aholkularitza eta gidaritza ezinbestekoak dira enpresa finkatzeko prozesu osoan zehar.
GZT. Zaila al da gomendatzen uztea?

M/I. Buzzkoren kasuan ez, argi eta garbi baikenekien proiektuaren zein alderdi kontrolatzen genituen eta zein ez. Guk kontuen inguruko laguntza behar genuen, baita “saltzaile-txipa” aktibatzea ere, langile izatetik enpresari izatera igaro baikinen. Hori horrela, gure proiektua saltzen ikasi behar izan genuen. Zentzu horretan, beti eskertu izan dugu jasotako laguntza.
GZT. Oso aktibo mantentzen zarete sare sozialetan eta zuen webgunean. Izaera teknikoagoa duen informazio erabilgarria gaineratzen duen blog batez gain, ostiralero musika gomendatzen duzue Twitterren, bideo barregarriak igotzen dituzue Youtubera eta Facebookera, beste orri batzuetako irakurgai espezializatuak partekatzen dituzue… Komunitatea sortzeak bezeroak irabaztea esan nahi du?

M/I.  Guztiz. Gure ikastaroetara joaten diren edo aurrekontuak eskatzen dizkiguten pertsona askok Interneten guri buruz ikusitakoa gogoko dutelako jotzen dute guregana. Pixkanaka, dakizuna erakusten duzu, enpresa gisa duzun nortasuna, zure lehentasunak… Beti saiatu gara Internet jendearengana hurbiltzeko erreminta gisa erabiltzen, baita gauzak eta lan egiteko gure modua erakusteko ere.

 

Internet, munduko erakusleihoa

GZT. Zer esango zeniekete mota horretako sareko ekintzekin bezeroak ez direla berehala lortzen eta, beraz, ezertarako balio ez dutela pentsatzen duten enpresariei? 

M/I. Bizi garen mundu honetan, ia pertsona guztiek Internet erabiltzen dute informazioa, iritziak, produktuak, enpresak, zerbitzuak… bilatzeko. Eguneko 24 orduetan gaude konektatuta. Horrenbestez, hor egotea da onena, jendeari entzuteko, kritika positiboak nahiz negatiboak jasotzeko, horietatik ikasteko eta horiei erantzun ahal izateko, betiere enpresaren ikuspegia helaraziz. Gainera, Internet eguneko 24 orduetan dago zabalik, urteko egun guztietan eta mundu osoan. Zergatik ez duzu nahiko zure enpresa munduko erakusleiho horretan egotea?

GZT. Prestakuntza-ikastaroak ere eskaintzen dituzue. Ez al duzue uste zuen lehia gisa jardun dezaketen etorkizuneko profesionalak prestatzen ari zaretela? Zergatik egiten duzue hori? Nola aberasten zaituzte?

M.F. Posible da, baina ez zaigu axola. Prestakuntzaren kasuan, jendeak online marketinaren oinarriak, erremintak eta abar uler ditzala da gure helburua, baita horiek gure egunerokotasunean (gure seme-alabekin, adibidez) edo lan- eta enpresa-esparruan duten garrantzia ere. Jendeak horiek eskain diezazkieketen onurak uler ditzala nahi dugu. Gure ikastaroetara etortzen diren pertsona gehienek asko ikasten dute; baina, horrez gain, sare sozialek, blogek, posizionamenduak, mailingek eta abarrek hasiera batean uste zutena baino askoz denbora eta lan gehiago ematen dutela konturatzen dira.

I.G. Seguruenik ez dira adituak izango ikastaroa amaitzean, baina ingurune digitala ezagutzeko oinarrizko alderdi teknikoak ezagutuko dituzte. Horrela, beren enpresek zer behar dituzten erabaki ahal izango dute, eta, esaterako, aurrekontu bat eskatzen duzunean edo online marketineko eskaintza bat egiten dizutenean zer eskaintzen ari zaizkizun baloratu ahal izango dute.


GZT. Zer esango zeniokete
ekitea pentsatzen ari den norbaiti?

M/I. Ekitea oso bide gogorra da, hasieratik amaierara. Etxera eramaten dituzu kezkak, ez dago ordutegirik, jakin beharko zenituela pentsatuko ez zenukeen gauza askoren inguruan prestatu behar duzu, gauza guztiei egin behar diezu aurre, zuk zeuk hartu behar dituzu erabakiak… Zure proiektuaren aldeko apustua egiten duzunean, porrot egiteko beldurra dela medio, erantzukizun handia hartzen duzu. Halere, ekintzaile gisa izan dugun esperientzia aztertuz gero, alderdi positiboak negatiboak baino gehiago izan direla esan genezake; eta, topikoa badirudi ere, egunez egun planteatutako zailtasun, erronka eta helburu guztiek indartsuago eta profesionalago egiten gaituzte. Azpimarratzeko da gogor lan egiten duzunean gauzak ondo doazela ikusteak sentiarazten dizun poztasuna eta harrotasuna. Hortaz… beste bost urteren bila goaz, gutxienez!

¿Quieres leer más artículos relacionados?

enero 13, 2021
Una persona emprendedora es un auténtico valor en sí misma: aporta visión de negocio, iniciativa, creatividad y liderazgo; es innovadora, resolutiva, sabe sobreponerse a los obstáculos y es capaz de reinventarse para mantener su negocio. Pero cuando una persona emprendedora forma parte de otra empresa se convierte en una auténtica joya a la que hay...
enero 4, 2021
Una de las lecciones que nos ha dejado el viejo 2020 es que el emprendimiento implica colaborar, adaptarse y, sobre todo, innovar. Por eso en Gaztenpresa hemos aprovechado la llegada del nuevo año 2021 para poner en marcha nuestra web renovada, una herramienta innovadora diseñada para adaptarse a todos los escenarios del emprendimiento con el...
diciembre 30, 2020
El genial Albert Einstein dijo una vez: “Es en épocas de crisis cuando nace la inventiva, los descubrimientos y las grandes estrategias”. Y aunque 2020 ha sido un año especialmente duro para mucha gente, también nos ha permitido descubrir el talento, la capacidad de superación y el espíritu emprendedor de muchísimas otras personas que, como...
diciembre 7, 2020
El modelo Canvas es uno de los métodos más efectivos que existen para describir una idea de negocio de una manera sencilla, visual y comprensible. Se basa en el libro The Business Model Canvas, escrito por Alexander Osterwalder. Este método parte de la premisa de que cualquier empresa debe asentarse sobre cuatro pilares: los clientes,...
diciembre 1, 2020
Aunque la hostelería es uno de los sectores más castigados por la pandemia, cada día encontramos ejemplos de personas emprendedoras que no se resignan y que intentar combatir esta difícil situación con creatividad y buen ánimo. Juan Carlos Caro y Borja García Argüelles son dos de esas personas que han decidido dar un paso adelante...
noviembre 6, 2020
Como parte del Programa de Consolidación de Gatenpresa, hemos diseñado una serie de webinars que tienen como objetivo ayudarte en la digitalización de tu negocio y la gestión de la tesorería de tu negocio. Son cinco webinars de una 1 hora de duración y temática complementaria, que se pueden realizar individualmente o en su totalidad....

Esta web utiliza cookies para que tengas la mejor experiencia. Si continúas navegando estás dando su consentimiento para la aceptación de las mencionadas cookies y de sus políticas.