×

Para instalar Gaztenpresa en tu iPhone pulsa y luego Añadir a pantalla de inicio.

Navegación limitada - Sin conexión

Nire negozioaren kokapena ondo aukeratzeko aholkuak

Share on facebook
Share on twitter
Share on linkedin
Share on whatsapp
Share on email

Negozioa aurrera ateratzeko prest duzu dena: ideia, finantzaketa, langileak… Zerbait falta da, ordea: non kokatuko gara? Pentsa dezagun: errentagarria izango da saltxitxa-ogitartekoak saltzeko postua industria-nabe baten teilatuan ipintzea? Edota zapata-denda hondartza ondoan? Prestatu kalean gora eta behera ibiltzeko, higiezinen iragarkiak irakurtzen. Alabaina, ez zaitez tuntunean ibili. Aukeratu baino lehenago, elementu ugari hartu behar dituzu aintzat.

Esadazu zer saltzen duzun, eta non kokatu esango dizut

Sektore batzuetan, komenigarria da komunikazio-azpiegitura handien ondoan egotea, bidalketa bakoitzak zure onetik ateratzea nahi ez baduzu behintzat. Etxetresna elektriko handiak edo makineria pisutsua banatzen baduzu, salgaiak biltegiratzeko nabe handi bat beharko duzu, autobiderako, porturako eta trenbiderako sarbide zuzen eta bizkorrarekin. Alabaina, mikrotxipak fabrikatu eta Asiako hego-ekialdean saltzen badituzu, has zaitez hegazkinen zaratara ohitzen, zure etorkizuneko bulegoak aireportu baten ondoan egon beharko du eta. Mugitzen duzun salgai motak zehaztuko du hirigunean kokatzea komeni zaizun ala, guztiz bestela, zama-lanetarako eremu zabala eta autobide baterako sarbide zuzena behar dituzun. Eta azpiegitura bakarra izan beharrean, bi azpiegitura badituzu hurbil, askoz hobeto: horri esker B plana izango duzu, eta behar izanez gero, bidalketa bideak dibertsifikatzeko aukera ere bai.

Hurbil egon arren, zonalde bata eta bestea ez dira berdinak

Zer ingurutan komeni zaizu kokatzea? Hiriguneko oinezkoentzako kale batean, alokairua altuagoa izan arren, edota hiri aldirietan, aparkalekua erraz aurkitzeko eta ibilgailu-fluxu handia hartzeko aukerarekin? Zorrotz aztertu zure bezero potentzialen profila eta zure negozioaren eguneroko beharrak, askotan xehetasun horiek arrakasta izaten laguntzen baitute. Hirigunea garestiagoa da baina pertsonen fluxua erraztuko dizu; erdigunetik urrun bazaude, berriz (hala nola merkataritza-zentro batean), bezeroak konbentzitu beharko dituzu autoa hartu eta zure negozioraino joan daitezen. Hori lortzeko gai izango zara?

Hain garrantzitsua ote da hornitzaileen alboan lan egitea?

Aintzat hartu behar duzu zer punturaino den garrantzitsua zuretzat hornitzaileetatik hurbil lan egitea. Pentsatu zenbat aurrezten duzun eskaera bakoitzeko garraioan, eta horretarako bezeroak galdu behar ote dituzun. Imajinatu botilako ur mineralaren negozioa eratzen duzula… Iturburutik ahalik eta gertuen egotea da zentzuzkoena, ezta?

Lehiakideak hurbil izan behar dituzu?

Zorakeria begitantzen bazaizu ere, pentsatu zer diren zuretzat lehiakideak: ahalik eta urrunen eduki nahi dituzun etsaiak dira, ala zure jarduerari on egingo dioten aliatuak? Pentsatu sektore batzuek elkar elikatzen dutela eta aspaldi asmatu dela sinergiaren kontzeptua. Moda-saltokiz betetako kale komertzial batean irekitzen baduzu beste denda bat, errazagoa izango da bezeroak bertan sartzea, denda hori gainerako lehiakideetatik bakartuta balego baino. Eta alderantziz: elikagaien denda bat supermerkatu edo hipermerkatu baten ondoan irekitzen baduzu, hasi pentsatzen laster itxi beharko duzula.

Baduzu coworkinga egiteko interesik?

Inoiz entzungo zenuen coworking espazioei buruz hitz egiten: ekintzaileek eta star-upek geroz eta gehiagotan aukeratzen dituzte, espazio berean orotariko diziplina profesionalak biltzen direlako (normalean berrikuntzari lotutakoak izaten dira). Eskuarki, ekintzailetzaren aldeko apustua egin duten herri-erakundeek eta enpresek sustatutako eraikin adimendunetan egoten dira. Aukera interesgarri-interesgarria da, eta merkeena ere bai, gainera.

Bilatu espazio osasungarriak, egoera onean daudenak

Laneko segurtasuna funtsezkoa da. Horregatik, ziur egon behar duzu aukeratu duzun lokala egoera onean dagoela, jarduera-baimen guztiak dituela eta segurtasun-alorreko legeria betetzen duela. Ondo aztertu kontratuaren iraupena eta baldintzak: kuantifikatu lokala birgaitzeko lanen kostua, saiatu errentatzailearekin negoziatzen eta ziurtatu laster zure negozioak izango duen hazkundeari erantzuteko gai izango dela J.

Online denda eduki behar duzu?

Zure lan-alorrak eta produktuak ahalbidetzen badute, bai, zalantzarik gabe. Berdin dio saltegi fisikoa baduzu edo merkataritza-sektorera iritsi berria bazara: internetek erakusleiho birtual aparta eskaintzen dizu; milioika erosle potentzialengana iristeko gai da, eta oso diru gutxiren truke. Gaur egun badaude e-commerceko plataforma merkeak, erraz konfiguratzen direnak (Prestashop eta 1and1, besteak beste), baita zure stocka gestionatzeko era ugari ere: dropshippingetik hasi eta just-in-time gestioraino.

Orain ia prest duzu dena. Abian jartzea baino ez da falta. Gogoan izan Gaztenpresak mentoring eta aholkularitza zerbitzuak eskaintzen dizkizula zure jarduera hobetzen eta finkatzen laguntzeko. Ekiteko ordua da!

¿Quieres leer más artículos relacionados?

Junio 7, 2023
El último testimonio de Gaztenpresatik fue el de Laida San Sebastián que, tras casi 20 años como emprendedora en el ámbito social, ahora comparte sus conocimientos y experiencias con el alumnado de la Escuela Politécnica de la Universidad de Mondragón, donde es responsable de Emprendimiento Tecnológico. “Yo soy la inventora del ‘sí’ a todo”, confesó...
Mayo 31, 2023
Otra de las historias de emprendimiento que conocimos en Gaztenpresatik fue la de Andrea Fernández, una “argentina sin acento y trotamundos sin remedio”, cuya familia se vino a vivir a Bilbao hace ya más de 20 años, cuando ella tenía sólo doce años. Esta freelance todoterreno -es traductora, especialista en marketing digital, escritora y comunicadora-...
Mayo 23, 2023
Después de la mesa redonda, en Gaztenpresatik llegó el turno de escuchar las historias reales de personas emprendedoras que, en algún momento de su trayectoria, han acudido a Gaztenpresa en busca de nuestro asesoramiento. Así, conocimos a Elsa Pamparacuatro y Keko Salvador, dos artistas que se conocieron en la escuela circense de Iruña y que...
Mayo 17, 2023
Hace unos días presentamos nuestra Memoria 2022 en Donostia, que este año ha sido designada Capital de la Economía Social. Tras la rueda de la prensa, aprovechamos para celebrar Gaztenpresatik, un evento con el que hemos querido inspirar, motivar y apoyar a nuestra comunidad emprendedora. Este encuentro dio mucho de sí, así que hemos decidido...
Abril 28, 2023
Fieles a nuestro objetivo de mejorar la realidad social de nuestro entorno, en Gaztenpresa hemos contribuido a la puesta en marcha de 314 nuevos negocios en 2022, que han supuesto la generación de 637 puestos de trabajo. De esta forma, a lo largo de nuestros casi 30 años de historia, hemos colaborado en la creación...
Abril 17, 2023
La Inteligencia Artificial (IA) está en boca de todos y gran parte de su popularidad se debe a ChatGPT, la herramienta que OpenAI lanzó a finales del año pasado y que nos ha sorprendido a todas y todos por su eficacia y precisión a la hora de responder preguntas, mantener conversaciones y generar textos de...