Zergatik komeni da WhatsApp erabiltzea bezeroak artatzeko eta haiekin komunikatzeko?

Batez ere WhatsApp denok daukagun zerbait delako. Bueno, agian ez denok, baina bai gehienok. Mundu osoko bederatzigarren postuan dago Espainia WhatsApp aplikazioaren erabilerari dagokionez: 30,5 milioi erabiltzaile, «Informe ditrendia: Mobile en España en el Mundo 2020» txostenaren arabera (Ditrendia txostena: mugikorren erabilera Espainian eta munduan 2020an).

Bestalde, bezeroekin zuzeneko harremana izateko aukera eskaintzen duen doako tresna da, algoritmo baten gorabeheren mende egon gabe, beste sare sozial batzuek ez bezala. Izan ere, WhatsApp xede komertzialerako erabiltzeko, lau baldintza hauek bakarrik bete behar dira:

Telefono-zenbaki bat izatea.
WhatsApp aplikazioa instalatuta edukitzea smartphonean.
Bezeroen berariazko baimena izatea baliabide horren bitartez haiekin harremanetan jartzeko, Datu Pertsonalak Babesteko eta Eskubide Digitalak Bermatzeko Lege Organikoari (DPBLODBLO) eta Informazioaren Gizarteko Zerbitzuen Legeari (IGZL) jarraikiz.
Bezeroei jakinaraztea agendan gorde behar dutela gure telefono-zenbakia, gure mezuak jasotzeko. Ez badute gordetzen, ezingo dituzte gure jakinarazpenak irakurri.

WhatsApp Messenger vs. WhatsApp Business

Ba al zenekien WhatsAppen bi aplikazio daudela? Bata WhatsApp Messenger da, hots, gehienok erabiltzen dugun bat-bateko mezularitza-aplikazioa; bestea, berriz, WhatsApp Business da, hau da, enpresentzat eta pertsona ekintzaileentzat berariaz prestatutako bertsioa. Beraz, ETE bat edo profesional autonomo bat baldin bazara, WhatsApp Business erabil dezakezu bezeroekin harremanetan jartzeko, baina ez nahitaez.

Nolanahi ere, elkarren antzekoak dira bi aplikazio horien interfazea eta sistema eragilea, eta biek eskaintzen dituzte negozioetarako funtzionalitate baliagarriak; esate baterako, hedapen-zerrendak, aukera ematen digutenak gure bezeroen pribatutasuna zaintzeko eta, aldi berean, jende askori mezu bera bidaltzeko, baina bezero horiek elkar ikusi gabe.

Halaber, Messenger bertsioak zein Business bertsioak aukera ematen dute WhatsApp Web tresnaren bidez ordenagailutik mezuak kudeatzeko, mezu garrantzitsuak gorde eta geroago begiratzeko, eta, elkarrizketak gordetze aldera, txatak esportatzeko.

«Nola erabili WhatsApp Business zure negozioan» web-mintegia

Bi aplikazioen funtzionaltasun komun horiez gain, WhatsApp Businessen prestazio espezifikoek honetarako aukera ematen dute:

WhatsApp Messengerren bidez baino zehatzago aurkezteko gure negozioa: deskribapen xeheagoa, ordutegiak, helbideak…
Gure produktuak eta zerbitzuak erakusteko.
Erantzuteko mezuak automatizatzeko, geuk idatzi ezin ditugunerako.
Erantzun bizkorrak sortzeko (ohiko galderei erantzuteko, esker-mezuak idazteko eta abarretarako da bereziki baliagarria funtzionaltasun hori).
Gure kontaktuak sailkatzeko (bezeroak, hornitzaileak, banatzaileak, erosle berriak, VIP bezeroak eta abar). eta, hartara, mezu pertsonalizatuak bidaltzeko.

Funtzionaltasun horiek guztiak erabiltzen ikasi nahi baduzu, zatoz WhatsApp Businessi buruz egingo dugun web-mintegira, «Gaztenpresaren astelehen digitalak» zikloaren barruan. WhatsApp Businessek negozioetarako dituen funtzionaltasun espezifiko guztiak azalduko ditu saio horretan No te pierdas en las redes marketin digitaleko agentziak.

Bezeroen baimena lortzeko ditugun aukerak ere jorratuko dira. Izan ere, baimen hori gabe ezin gara bezeroekin harremanetan jarri aplikazio horren bidez. Azkenik, zenbait gomendio eta aholku emango dira aplikazio horrekin bidal daitezkeen mezuez eta bidalketaren maiztasunaz, bezeroek spamtzat har ez gaitzaten.

Zatoz saiora!

Post gehiago irakurri.

Sheila Rubia, Iruñeako Pollos Asados La Abuela: “Zure ilusiotik bizi ahal izatea eta, gainera, enplegua sortzea oso pozgarria da”

Azaroa 10, 2023

Sheila Rubiarekin hitz egin dugu gaur. Emakume ekintzaile honek, Emilio Cabrera bikotekidearekin batera, etxeko sukaldaritzako negozio bat jarri du abian Iruñean, eramateko janariarekin. Bere establezimenduak “Pollos Asados La Abuela” du izena eta, elkarrizketa honetan, proiektu honen jatorria eta Gaztenpresak errealitate bihurtzen nola lagundu dion azalduko digu. Nola sortu zen zuen negozioa abian jartzeko ideia?...

Félix Pikatza, Kalaka Jokuak enpresakoa (Laudio, Araba): “Gaztenpresak gogoeta egiten eta nire ideiei errentagarritasuna ateratzen lagundu dit”

Urria 23, 2023

Eskolan txalupa bat egiten ari zela konturatu zen arabar hau bere bizitza betiere zurarekin lotuta egongo zela. Eta horrela izan da, baina ez beti modu berean. Elkarrizketa honetan, merkatuko premiak aldatzen ziren neurrian bere artisau-jarduera ere nola aldatu den kontatutako digu Félix Pikatzak. Baita berrasmatze-prozesu horretan Gaztenpresak nola lagundu dion ere. Oso txikitatik argi izan...

Noelia Fernández, Bilboko Jajoan jostundegikoa: “banekien ondo zebilen marka bat zela eta negozioaren buruan jartzea erabaki nuen”

Urria 3, 2023

Gizonentzako neurrirako joskintzako eta jantzigintzako marka da Jajoan, hainbat saltoki ditu estatu osoan, eta Bilbokoa dago haien artean. Noelia Fernándezek gidatzen du saltoki hau, eta gaur harekin hitz egingo dugu ekintzailetzari lotuta duen historia ezagutzeko. Nola hasi zen zure abentura ekintzailea? Jajoan markak zenbait urte zeramatzan jada Bilbon zeukan dendarekin eta dendako langileetako bat nintzen...

Irene Rodríguez, Iddtek enpresaren sortzailea: “Mentorea naiz Gaztenpresan gaur egun ekintzailetzan sartzen diren pertsonekin nire ibilbide profesionalean ikasi dudana partekatzeko”.

Iraila 26, 2023

2004an hasi zuen bere harremana Gaztenpresarekin Irene Rodríguez ekintzaileak, bere kontura delineatzaile gisa lan egiten hasteko pausoa eman zuenean. Baina harremana ez zen hor bukatu. 2016an, goi-kualifikazioko langile teknikoen outsourcinga bere jardueraren ardatz gisa hartzea erabaki zuen Iddtekek, bere zerbitzuak zabalduz, eta, berriro ere, Gaztenpresan oinarritu zen aldaketa horri aurre egiteko. Eta, orain, mentore gisa...

Laura Leandro eta Noel Herresánchez, HOME zentrokoak: “Taldean egindako ariketa egokituak bizi-kalitatea hobetzen du eta pertsona kalteberen bakardadea arintzen du”

Iraila 14, 2023

Maiatzaren amaieran ireki zuten Bilbon House Of Movement Experience (HOME) zentroa, entrenamendu pertsonal eta mugimendu egokiturako gunea. Proiektu horren atzean, Laura Leandro eta Noel Herresánchez ditugu, eta euren esperientzia ekintzailea kontatuko digute elkarrizketa honetan. Entrenamendu-zentro horretara joaten diren guztientzat “etxe” bihurtzeko asmoz sortu duzue HOME. Zer du bereizgarri zuen proposamenak ariketa fisikoa egiteko beste aukerekin...

Cristina Aral eta Edurne Domínguez, Concha Calle Decoración dendakoak: “Portugaleten tradizio handiko negozio honekin jarraitzeko aukera izan genuen eta aprobetxatu egin genuen”

Iraila 4, 2023

Bi emakume gazte ekintzaile hauek urte batzuk zeramatzaten Concha Calle Decoración dendan lanean, Portugaleten (Bizkaia) erreferentziazkoa den interiorismoko negozioa. Orain, jabeek erretiroa hartu dute, eta proiektuaren buru jartzea erabaki dute Cristinak eta Edurnek. Elkarrizketa honetan kontatuko digute prozesu hori nolakoa izan den. Zein unetan erabaki zenuten dekorazioko eta interiorismoko denda honen jarduerarekin jarraitzea? Edurne:...

Navegación limitada - Sin conexión