×

Para instalar Gaztenpresa en tu iPhone pulsa y luego Añadir a pantalla de inicio.

Navegación limitada - Sin conexión

Zergatik eskaini beharko zenioke arreta handiagoa zure negozioaren Google My Business fitxari?

gzt-google-my-business
Share on facebook
Share on twitter
Share on linkedin
Share on whatsapp
Share on email

Bazenekien, Google My Business fitxari esker, zure enpresa Googlen emaitzen lehen orrian ager daitekeela, web-orririk ez baduzu ere? Eta, gainera, leku garrantzitsua eta nabarmena izango duzu bilatzailean.

Jakina, hori ez da gertatuko edozein bilaketa motatan. Erabiltzaileak zuzenean zure negozioaren izen zehatza bilatzailean jartzen duenean baizik, edo pertsona batek zuk eskaintzen duzun zerbitzu, produktu edo marka bat bilatzen duenean zuk eskaintzen duzun lekuan. Azken kasu horri tokiko SEO deitzen zaio eta, zalantzarik gabe, Google My Business fitxa da tokiko SEOrako tresnarik onena.

Zergatik? Lehenik eta behin, SEO kontzeptuak “posizionamendua bilatzaileetan” esan nahi duelako eta, Espainian, bilatzaileei dagokienez, oraindik ere Google da erregea. Zentzu horretan, Google markako tresnak beste edozeinenak baino hobeak dira, haren algoritmo ospetsuari esker. Tokiko posizionamenduari dagokionez, Google My Businessek Google Maps barne hartzen du, eta, beraz, kokapen geografikoekin lotutako bilaketa orok negozio-fitxa horiek erakutsiko ditu.

Googlek doan eskaintzen du aukera hori? Bai, guztiz doan, orain arte behintzat. Besterik gabe, Gmail kontu bat eduki eta zure negozioaren fitxa sortu behar duzu Google My Businessen, edo hura erreklamatu, Googlek dagoeneko zuretzako bat sortu badu.

Era berean, denda bat eskualdatuta hartzea eta Google My Business fitxa saltokiaren aurreko jabearena izatea gerta liteke. Hala bada, pertsona horri eskatu beharko diozu, negozioa eskualdatu dizun modu berean, fitxaren jabetza “eskualda” diezazula.

Web-mintegia: “Aprobetxatu Google My Business zure negozioa bilatzaileetan ager dadin”

Hori izango da, hain zuzen ere, Nola atera probetxurik handiena Google My Businessen fitxari web-mintegian jorratuko dugun gaietako bat. Web-mintegia maiatzaren 9an izango da, 15:30etik 16:30etara, “Gaztenpresako astelehen digitalak” zikloaren baitan, eta No te pierdas en las redes marketin digitaleko agentziak eskainiko du.

Online tailer horretan, Googlek edozein ekintzaileren eskura jartzen duen tresna honi etekinik handiena nola atera ikusiko dugu; eta, gainera, oso erraza da kudeatzeko. Horrela, honako alderdi hauetan jarriko dugu fokua:

  • Nola mantendu eguneratuta Google My Business fitxako informazio komertziala.
  • Nola egin argitalpenak eta igo argazkiak plataforman, zure inguruan zure produktuen eta/edo zerbitzuen antzekoak bilatzen dituzten pertsonei zu aurkitzen laguntzeko.
  • Nola kudeatu tresna honen bidez jaso ditzakezun erreseina positiboak zein negatiboak. Izan ere, Google My Business fitxak jasotzen dituen gomendio sozialak dira erabiltzaileek gehien kontsultatzen eta baloratzen dituzten baliabideetako bat. Horregatik, zure negozioaren balorazio positiboen kopurua handitzeko gomendioren bat ere emango dizugu web-mintegian.
  • Nola sortu minutu gutxi batzuetan zure enpresarentzako oinarrizko webgune funtzional bat, tresna hau erabiliz.

Baina, benetan funtzionatzen al du Google My Businessek?

Oraindik ez bazaude ziur doako baliabide honen onurez, datu batzuk emango dizkizugu, tresna hau beste begi batzuekin ikusten laguntzeko:

  • Pandemian zehar, negozioek beren Google My Business fitxaren bidez jasotako deien bolumena % 61 hazi da mundu osoan, CallRail softwarearen garatzaileak egindako txosten baten arabera, 100 milioi deiren analisian oinarrituz. Horrela, plataforma horrek tokiko merkataritza txikiaren eta bezeroen arteko harremana erraztuko luke kasu askotan.
  • Metricool-ek emandako datuen arabera, munduko bilaketa guztien % 46 tokiko bilaketekin lotuta dago eta, hasieran esan dugun moduan, Google My Business da tokiko SEOrako tresna, baliabide edo plataformarik onena.

Edonola ere, otsailaren 28ko web-mintegian zure zain izango gara, tresna horren funtzionalitateak arretaz jorratzeko eta haren erabilerari buruz izan dezakezun edozein zalantza argitzeko.

Post gehiago irakurri.

Iraila 16, 2022
Ekintzailetzaren igerilekuan murgildu aurretik, urik badagoen egiaztatu beharra dago; gure kasuan, horrek esan nahi du arrisku-analisia gauzatzea eta negozio-plana egitea. Gogoan izan ezazu negozio-plana edo enpresa-plana oso tresna baliagarria dela eta laburbildu behar duela enpresa-proiektu berria nolakoa den eta jaso egin behar dituela negozio arrakastatsu bihurtuko duten helburuak, identitatea eta funtzionamendua. Gainera, une oro gidatuko...
Uztaila 29, 2022
HALO Donostia hiru erizain elkartzetik sortutako proiektua da; hirurek ekiteko gogoa zuten, eta bereziki, erizaintzako zein dermoestetikako sektoreko egungo eskaintzari buelta emateko asmoa. Kooperatiben hilabetean, Halo Donostia-tik eman digute haien historiaren eta lehen urratsen berri.   HALO Donostia “estetika aurreratuko tratamenduetan espezializatutako erizaintza-zentro” moduan definitzen da. Azalduko zenigukete zertan datzan, eta zein den zuen balio...
Uztaila 15, 2022
Modu juridiko askotan gauzatu daitekeen proiektu ekintzaile bat: autonomoa, sozietate mugatua, kooperatiba… Ingravity Dreams elkarrizketatuko dugu Kooperatiben Nazioarteko Eguna dela-eta, Gaztenpresaren eskutik bere enpresa-ibilbideari ekin zion abereen ongizatera zuzendutako zentroa, hain zuzen ere.   Zer da Ingravity Dreams eta nola sortu zen? Abereen ongizatea da Ingravity Dreams. Gure abereak fisikoki indarberritzeko teknika naturaletan espezializatutako lekua,...
Ekaina 27, 2022
Espiritu ekintzailea testuinguru eta sektore guztietan zabaltzen ari da, industrialean barne, baita gaur egungoa bezalako egoera berezietan ere. Enpresa Txiki eta Ertainaren eguna dela eta, elkarrizketa egin diogu IGASI Vacuum Solutionko lantaldeari. Proiektu ekintzailea da, eta laster urtebeteko ibilbidea beteko du enpresa gisa.   Nola sortu zen Igasi eta nola definituko zenukete zuen enpresa? Enpresa...
Ekaina 23, 2022
Gaztenpresan, krisiari aurre egiteko zailtasunak dituen enpresa-ehunera egokitzen jarraitu dugu. Hori dela medio, atzo Ibon Urgoiti, Gaztenpresako lehendakariak, 2021. Urteko Txostenaren aurkezpenean nabarmendu zuenez, Fundazioko taldeak bere proiektuekin jarraitzeko beharberritu diren pertsonak laguntzeko ahalegina kontuan hartzea ezinbestekoa da. Hala ere, egindako lan horri guztiari esker, 2021eko balantzeak esleitutako helburuak bete direla adierazten du. Beste behin...
Maitza 17, 2022
Bazenekien Europar Batasuneko herrialdeek urtean 5.000 milioi tona hondakin baino gehiago sortzen dituztela, etxekoak kontuan hartuta? Eta bazenekien, Euskadin sortzen ditugun 5,5 tona hondakinetatik, % 80k eraikuntzan eta industrian dutela jatorria? Pentsatu duzu noizbait, 2050. urtean, munduko biztanleek gaur egun kontsumitzen ditugun baliabideak baino hiru aldiz baliabide gehiago beharko dituztela? Izugarrizko datuak dira, ezta? Baina,...