×

Para instalar Gaztenpresa en tu iPhone pulsa y luego Añadir a pantalla de inicio.

Navegación limitada - Sin conexión

Zergatik erantsi behar dituzu bideo laburrak zure sare sozialetako edukien estrategian?

webinar-vídeos-cortos
Share on facebook
Share on twitter
Share on linkedin
Share on whatsapp
Share on email

Online bideoen kontsumoa ia bikoiztu egin da 2018az geroztik, Wyzowl enpresak urtero egiten duen “Bideomarketinaren egoerari buruzko inkestak (2022)” adierazten duenez. Horregatik, gaur egun bideoak formatu gogokoenetako batzuk dira marka eta enpresentzat audientziarekin konektatzeko garaian, iraupen laburreko bideoak bereziki, Tik Token edo Instagramen reel-etan ikus ditzakegunak adibidez.

Wyzol-en txostenak beste datu esanguratsu hau ematen digu: pertsonen % 73k, produktu edo zerbitzu bati buruz informatzeko garaian, nahiago dute bideo labur bat ikusi zera baino: blog batean artikulu edo post bat irakurri (inkestatuen % 11), infografia bat ikusi (% 4), ebook edo eskuliburu bat deskargatu (% 3), webinar batera bertaratu (% 3), salmenta-dei bat jaso (% 3) edo demo bat probatu (% 3).

Baina, zer esan nahi dugu iraupen laburreko bideoa esaten dugunean? Ahobatezko definiziorik ez dago horren inguruan, baina TikTok bideoak sortu eta partekatzeko sare sozial txinatarra da ildo horretan eredua ezartzen ari den plataformetako bat. Hala, hasiera batean, sare sozial horretara igotzen ziren bideoek, gehienez ere, 15 segundoko iraupena izan zezaketen. Ondoren, muga hori 60 segundora igo zen; 2021eko uztailean, 3 minutura luzatu zen, eta orain dela gutxi gehieneko iraupen hori berriz ere igo da, 10 minuturaino. Azken igoera horrekin, TikTokek beste hainbat eduki hartu nahi ditu bere plataformaren barnean, tutorialak edo errezetak, adibidez.

Instagram ere erreferentziazko beste sare sozialetako bat ere bada noski, istorio-formatuan (stories) zein reel-etan bideo laburrak argitaratzeko, eta, kasu batean zien bestean, ikus-entzunezko edukiek 60 segundoko iraupena izan dezakete gehienez ere.

 

Bideo laburrak marka/enpresa/negozio baten edukien estrategian sartzeko arrazoiak

Bideo laburren egungo boomaren atzean, honako arrazoi hauek daude, besteak beste:

  1. Denborak urrea balio du. Garai azeleratuak dira hauek, eta denok “gainezkatuta” sentitzen gara batzuetan. Horregatik, errazagoa da jendeak marka baten bideo bat edo batzuk ikustea bakoitzak segundo gutxi batzuetako iraupena badu, bideo luzeago bakar bat eskaintzen badiogu baino.
  2. Iraupen laburreko bideoak errazago partekatzen dira, eta beraz, biral bihurtzeko aukera gehiago dauzkate. Normalean, bideo bat zenbat eta luzeagoa izan, orduan eta pisu handiagoa izango du (megak, gigak) eta partekatzeko edo mugikorrean gordetzeko zailtasun gehiago emango ditu. Hortaz, gure edukiak ahalik eta pertsona gehienengana iristea lortu nahi badugu, erabiltzaileei bidea erraztea dagokigu.
  3. Ikus-entzunezko pilulekin gogoratzea errazagoa da formatu luzeagoekin gogoratzea baino. Oro har, sare sozialetan, iraupenaren eta arretaren arteko lotura alderantziz proportzionala izaten da. Hau da, lehena zenbat eta handiagoa izan, orduan eta txikiagoa bigarrena. Izan ere, IAB Spain-en Estudio de Redes Sociales 2021azterlanaren arabera, plataforma horiek erabiltzen dituzten pertsonen % 81ek entretenitzeko egiten dute, eta beraz, inpaktu azkarreko mezuak nahiago dituzte arreta handiagoa eskatzen dutenak baino.

 

Eta nola egiten dira bideo labur horiek?

ETEei, mikroETEei eta ekintzaileei horrelako bideoak egiteko bidea errazteko, “TikTok. Nola bultza dezakete zure negozioa bideo laburrek” web-mintegia antolatu dugu, eta uztailaren 18an izango da, 15:30etik 17:00etara. No te pierdas en las redes marketin digitaleko aholkularitza-enpresarekin elkarlanean egiten dugun Gaztenpresaren Astelehen Digitalen barnean hartzen da saio hori, eta kasu honetan Media Attack ikus-entzunezkoen ekoiztetxea izango da saioa emateko arduraduna.

Webinar honetan, zenbait gomendio ikusiko ditugu, negozioei bideo labur eta zuzen horien planteamenduan laguntzeko eta mugikorrarekin grabatzen irakasteko, emaitzarik onenak lortzeko moduan.

Gaztenpresaren Astelehen Digitalei buruz gehiago jain nahi baduzu, egin klik hemen.

Post gehiago irakurri.

Iraila 16, 2022
Ekintzailetzaren igerilekuan murgildu aurretik, urik badagoen egiaztatu beharra dago; gure kasuan, horrek esan nahi du arrisku-analisia gauzatzea eta negozio-plana egitea. Gogoan izan ezazu negozio-plana edo enpresa-plana oso tresna baliagarria dela eta laburbildu behar duela enpresa-proiektu berria nolakoa den eta jaso egin behar dituela negozio arrakastatsu bihurtuko duten helburuak, identitatea eta funtzionamendua. Gainera, une oro gidatuko...
Uztaila 29, 2022
HALO Donostia hiru erizain elkartzetik sortutako proiektua da; hirurek ekiteko gogoa zuten, eta bereziki, erizaintzako zein dermoestetikako sektoreko egungo eskaintzari buelta emateko asmoa. Kooperatiben hilabetean, Halo Donostia-tik eman digute haien historiaren eta lehen urratsen berri.   HALO Donostia “estetika aurreratuko tratamenduetan espezializatutako erizaintza-zentro” moduan definitzen da. Azalduko zenigukete zertan datzan, eta zein den zuen balio...
Uztaila 15, 2022
Modu juridiko askotan gauzatu daitekeen proiektu ekintzaile bat: autonomoa, sozietate mugatua, kooperatiba… Ingravity Dreams elkarrizketatuko dugu Kooperatiben Nazioarteko Eguna dela-eta, Gaztenpresaren eskutik bere enpresa-ibilbideari ekin zion abereen ongizatera zuzendutako zentroa, hain zuzen ere.   Zer da Ingravity Dreams eta nola sortu zen? Abereen ongizatea da Ingravity Dreams. Gure abereak fisikoki indarberritzeko teknika naturaletan espezializatutako lekua,...
Ekaina 27, 2022
Espiritu ekintzailea testuinguru eta sektore guztietan zabaltzen ari da, industrialean barne, baita gaur egungoa bezalako egoera berezietan ere. Enpresa Txiki eta Ertainaren eguna dela eta, elkarrizketa egin diogu IGASI Vacuum Solutionko lantaldeari. Proiektu ekintzailea da, eta laster urtebeteko ibilbidea beteko du enpresa gisa.   Nola sortu zen Igasi eta nola definituko zenukete zuen enpresa? Enpresa...
Ekaina 23, 2022
Gaztenpresan, krisiari aurre egiteko zailtasunak dituen enpresa-ehunera egokitzen jarraitu dugu. Hori dela medio, atzo Ibon Urgoiti, Gaztenpresako lehendakariak, 2021. Urteko Txostenaren aurkezpenean nabarmendu zuenez, Fundazioko taldeak bere proiektuekin jarraitzeko beharberritu diren pertsonak laguntzeko ahalegina kontuan hartzea ezinbestekoa da. Hala ere, egindako lan horri guztiari esker, 2021eko balantzeak esleitutako helburuak bete direla adierazten du. Beste behin...
Maitza 17, 2022
Bazenekien Europar Batasuneko herrialdeek urtean 5.000 milioi tona hondakin baino gehiago sortzen dituztela, etxekoak kontuan hartuta? Eta bazenekien, Euskadin sortzen ditugun 5,5 tona hondakinetatik, % 80k eraikuntzan eta industrian dutela jatorria? Pentsatu duzu noizbait, 2050. urtean, munduko biztanleek gaur egun kontsumitzen ditugun baliabideak baino hiru aldiz baliabide gehiago beharko dituztela? Izugarrizko datuak dira, ezta? Baina,...