×

Para instalar Gaztenpresa en tu iPhone pulsa y luego Añadir a pantalla de inicio.

Navegación limitada - Sin conexión

Zergatik erabili enpatia-mapa bat zure negozioan?

gzt-art-mapa-empatia
Share on facebook
Share on twitter
Share on linkedin
Share on whatsapp
Share on email

Seguruenik gertatuko zitzaizun noizbait, negozio baten jabeari bere negozioaren onurei buruz hitz egiten entzun eta, lokalera iritsitakoan, hau pentsatzea: «Amatxo maitea… Hemen ez dut zoratuta ere erosiko!».

Salmenten arrakastaren zati handi bat pertsonak erosteko unean duen pertzepzioaren araberakoa izaten da. Horregatik, funtsezkoa da bezeroaren azalean jartzea eta haren gustuak eta beharrak ezagutzea.

Baina badago albiste on bat: horretarako, tresna bat dago, eta enpatia-mapa du izena. Xplane enpresak garatu zuen, bere bezeroak deskribatu ahal izateko. Eta nola egin dezaket nik? Oso erraza da. Sei galderaz osaturiko inprimaki batekin egin dezakezu. Kontsumitzailearen gustuak eta beharrak ezagutzen eta haren lekuan jartzen lagunduko dizu inprimakiak.

Zehaztu zure buyer pertsona

Zure negozio-planean, bezero potentzialen profila zehaztu beharko duzu, baita horien ohiturak, zaletasunak eta, oro har, zure produktua edo zerbitzua kontsumitzean harengan eragin dezakeen beste guztia ere. Informazio hori bildutakoan, bezeroak segmentatu egin ditzakezu, hau da, ezaugarri komunen arabera multzokatu. Talde bakoitzak buyer pertsona mota bat identifikatuko du, eta, beraz, horiek definitzen has zaitezke:

  1. Zer pentsatzen du? Zer sentitzen du? Jar zaitez haren lekuan, zer pentsatzen eta sentitzen duen, zerk kezkatzen duen eta zerk hunkitzen duen jakiten saiatzeko.
  2. Zer entzuten du? Saia zaitez irudikatzen nori entzuten dion, nola entzuten duen eta zer duen gogoko.
  3. Zer ikusten du? Ezinbestekoa da haren ingurua nolakoa den, zer itxura duen eta harremanak zer motatako pertsonekin dituen jakitea.
  4. Zer esaten du? Zer egiten du? Egiten dituen iruzkinak, emandako iritziak, egiten eta esaten duenaren arteko koherentzia eta haren zaletasunak ulertzen saiatu behar duzu puntu honetan. Atal hori garrantzitsua da, lagungarria izan baitaiteke pertsonaren kontsumo-ohiturak ezagutzeko.
  5. Zein dira haren ahaleginak edo eragozpenak? Galdera horri erantzundakoan, zure produktua kontsumitu ahal izateko kontsumitzaileak izan ditzakeen zalantzak, oztopoak edo beldurrak ezagutuko dituzu.
  6. Zer nahi du? Zerk motibatzen du? Saia zaitez haren nahiak, beharrak eta itxaropenak irudikatzen, eta nahi duena lortzen saiatzeko zer egiten duen.

Diseina ezazu zure mapa

Eginkizun hori errazteko, arbela ataletan banatzea eta galdera bakoitzaren erantzunak edo iruzkinak horietan gehitzea da onena.

Hori egindakoan, ekiteko unea da. Zure teoriak hezur-haragizko pertsona batekin kontrastatu behar dituzu orain, mapa errealitatera egokitu eta kasuan kasuko zuzenketak egin ahal izateko.

Tresna praktikoa

Gizartea aldatzen ari da, eta bezeroak ere bai. Horregatik, enpatia-mapak oso praktikoak eta dinamikoak dira; izan ere, bezeroen beharrak bistaratzen eta bezeroek une bakoitzean dituzten erosteko benetako motibazioak identifikatzen laguntzen dizute. Horiei esker:

  • Modu argi eta errazean egituratu ahal izango dituzu publiko potentzialaren beharrak eta nahiak.
  • Hobeto ulertu ahal izango dituzu haien erosteko motibazioak, baita noiz eta zergatik erosten duten ere, besteak beste.

Jakina, gehiago eta hobeto saldu ahal izatea da horren guztiaren azken xedea.

Tresna horri esker, bezeroaren profil askoz zehatzagoa sortu ahal izango duzu, eta horrek produktu eta zerbitzu berriak merkaturatzen lagunduko dizu. Zure negozio-ideia martxan jartzeko bestelako laguntzarik behar baduzu, Gaztenpresan gaituzu.

Post gehiago irakurri.

Abendua 28, 2021
Zure negozioa martxan jartzeko orduan, kontuan hartu beharreko hainbat aldagai daude. Zure ideiak antolatu eta negozio-plan bat egin duzu ekiteko baldintzak hobeak izan daitezen. Badakizu zer egin nahi duzun, baita zure jarduera nola garatu ere. Hori guztia oso garrantzitsua da, baina lehen alderdi erabakigarria zure enpresak merkatuan aurrera jarraitzeko behar duen salmenta-zifra jakitea izango da....
Abendua 27, 2021
Egun gutxitan itxiko dugu 2021a, eta urteko azken egunotan eskerrak eman nahi dizkizuegu aurten ere. Badoan urte honetan, poliki-poliki gaindituz joan gara 2020an pandemiaren hasierarekin bidean azaldu zitzaizkigun oztopo handiak. Zuetako askorentzat, erronka horiek sormenaren akuilu izan ziren zuen negozioa berritzeko eta egoera berrira egokitzeko. Urte zail hauetan martxan jarritako ekintzailetza-proiektu askotan gure ekarpentxoa egin...
Abendua 15, 2021
Lan-norabidea aldatu nahi duzu? Negozio bat itxi behar duzu? Baja eman nahi diozu eta ez dakizu nola? Lehenik eta behin, gogoratu: horrelakoak gertatu egiten dira. Arrakastarik izan ez duen abentura pertsonala bada, ondorio egokiak ateratzea gomendatzen dizugu, erantzukizunez eta errudun sentitu gabe, eta ez etsi. Gaztenpresan, enpresa-proiektuaren fase guztietan laguntzen dizugu, eta, badakigunez agian ekintzailetzaren...
Abendua 2, 2021
Negozio bat martxan jarri baino lehen, hainbat erabaki hartu, kalkulu asko egin eta faktore ugari aztertu behar dira; baina benetako erronka gure denda, jatetxe edo bulegoaren pertsiana altxatzen dugunean hasten da. Egunero, datu hauek hartu beharko ditugu kontuan, gure hasierako negozio-plana ondo zegoen ala doikuntzaren bat behar duen ikusteko: erosketen bolumena, gehien edo gutxien saldutako...
Azaroa 23, 2021
Ekintzaile askok, beren negozioaren publizitatea Interneten eta/edo sare sozialetan egiteko aukera planteatzen zaienean, ez dute beharrezkotzat hartzen, inbertsio gisa baino gehiago gastu gisa ikusten baitute aukera hori. Eta, jakina, Googlen, Facebooken, Instagramen… iragarkiren bat egiten badugu zein helburu lortu nahi dugun argi izan gabe eta iragarki hori zein publikok jasoko duen ondo zehaztu/segmentatu gabe, seguruenik,...
Azaroa 19, 2021
Gaur, azaroak 19, Emakume Ekintzailearen Nazioarteko Eguna da. Horregatik, Gaztenpresatik, zorionak guri, emakume ekintzaileoi, gure negozioa aurrera ateratzeko egiten dugun etengabeko lan eta ahaleginagatik. Badakigu gaur egun oraindik ere desparekotasun handia dagoela gure gizartean, eta aparteko ahalegina egin behar dugula. Hala ere, Gaztenpresako ekintzaileen artean, % 42 emakumeak izan ziren 2020an; horrek esan nahi du emakumeak...