×

Para instalar Gaztenpresa en tu iPhone pulsa y luego Añadir a pantalla de inicio.

Navegación limitada - Sin conexión

Zer da dropshippinga, eta nola inplementatu behar da zure online negozioan?

gzt-dropshipping
Share on facebook
Share on twitter
Share on linkedin
Share on whatsapp
Share on email

Izan al duzu noizbait dropshippingaren berri? Negozio-eredu bat da, eta oso modan dago gaur egun, online denda bat oso gastu txikiekin abiarazteko aukera ematen baitu.

Sistema horren bidez, zure online salmentako webgune propioa kudeatuko duzu, baina zureak ez diren produktuekin; hau da, biltegi handi bateko saltzaile bihurtuko zara, baina zure plataforma propioarekin. Salmenta bat egiten duzunean, biltegiak zuzenean bidaltzen dio produktua bezeroari, eta zuk ez duzu produktuaren stockaz eta bidalketaz kezkatu behar. Zure funtzio bakarra saltzea izango da, baina kontuan hartu behar duzu negozio-eredu bat dela eta, guztiak bezala, landu egin behar dela eta ez dela arrakastatsua izango egun batetik bestera.

Dropshippingaren abantailak

  • Ez du finantzaketarik behar. Saltzeko jartzen dituzun salgaiak erosi behar ez dituzunez gero, ez duzu aldez aurretik inolako ordainketarik egin behar stocka eskuratzeko. Transakzioagatik adostu duzun prezioa baino ez diozu ordainduko hornitzaileari, transakzioa egin ondoren. Horregatik jar dezakezu abian negozio arrakastatsu bat oso inbertsio txikiarekin.
  • Oso kudeaketa sinplea. Zure saltoki elektroniko propioa antola dezakezu zure etxean, biltegi baten beharrik gabe eta lizentziez, aseguruez edo logistikari lotutako beste zailtasun batzuez kezkatu behar izan gabe. Gainera, kasu honetan, hornitzailearen negozio-bolumenak oso prezio lehiakorrak ahalbidetzen ditu, bakarrik lortuko zenituzkeenak baino hobeak seguruenik. Zure online denda mantendu eta eskaera kudeatu baino ez duzu egin behar. Horri esker, zerora murriztuko dituzu biltegi moduko lokal baten alokairuari eta mantentzeari lotutako gastuak.
  • Merkatu-azterketak egin ditzakezu. Merkatu berri batean sartu nahi baduzu eta komeni zaizun ala ez baloratu nahi baduzu, negozio-eredu hori erabili ahal izango duzu. Izan ere, ez duzu inbertsio handirik egin beharko, eta saldu nahi dituzun produktuek funtzionatzen duten ala ez testatu ahal izango duzu. Era horretan, datu errealak erabiliko dituzu balorazio bat egiteko.

Dropshippingaren eragozpenak

Dena dela, denak ez dira alde onak. Dropshippingak baditu eragozpen jakin batzuk, eta ez dira txikiak. Hortaz, horrelako hornitzaileen bila hasi aurretik, oso kontuan izan behar dituzu honako hauek:

  • Prezioen eta eskuragarritasunaren kontrol txikia. Produktuen prezioa biltegi nagusiak finkatzen duenez gero, oso marjina txikia geratuko zaizu sustapenak ezartzeko edo prezio-politikarekin jokatzeko. Egin dezakezun gauza bakarra da produktuaren gainean irabazi-marjina bat kargatzea. Beraz, beherapen oro zure errentagarritasunaren kalterako izango da. Eta, era berean, ez duzu stockaren gaineko maniobra-marjinarik izango: ezin izango duzu ziur jakin biltegiak zer izakin dituen eta ordezkoak noiz jasoko dituen.
  • Ez duzu bidalketa kontrolatzen. Bidalketekin zerikusia duen oro ez dago zure eskueran: biltegiak finkatuko ditu epeak eta baldintzak operadore logistikoekin. Gainera, produktua gure eskuetara iristen ez denez gero, ezin dugu kontrolatu haren eta enbalajearen egoera bezeroari bidali aurretik. Eta gogoan izan bezeroa ez dela biltegiarena, zurea baizik. Beraz, bezeroari arreta eskasagoa ematera ohitu beharko duzu, aholkularitza eta saldu ondoko erreklamazioen kudeaketa barne.
  • Ez dago esklusibotasunik. Merkataritza-harremaneko sistema berezi horretan, biltegiari ezin izango zaio ezein kasutan esklusibotasuna eskatu, eta lehiakortasun gogorreko baldintzetan lan egiten ohitu beharko duzu. Horrek eragotzi egingo dizu zure produktuaren zein zure zerbitzuaren gaineko balio bereizgarri bat garatzeko aukera, ia salmenta-prozesu osoa zure lehiakideen prozesuaren berdina izango baita.

Arrazoi horiek guztiak direla eta, dropshippinga aukera interesgarria da oso kasu zehatzetan eta hornitzailearekin negoziatzeko marjinaren bat eskaintzen dizuten egoeretan. Gogoan izan, nolanahi ere, zure dropshipperrarekin ezartzen dituzun baldintzak direla funtsezkoena.

Dropshippingaren adibideak

Eta formula horren bidez zer sektorek funtzionatzen duten jakin nahi baduzu, agian harritu egingo zaitu jakiteak merkataritza elektronikoko enpresa erraldoi batzuek (hala nola e-Bay) aukera hori eskaintzen dutela eta askotariko sektoreetako marka askok ere ustiatzen dutela aukera hori. Adibide batzuk baino ez ditugu hautatu, dropshippingaren ideia bat osatu ahal izateko.

Interesgarria, ezta? Bada gogoan izan Gaztenpresak prestakuntza-ikastaroak eskaintzen dituela, zure online denda propioa ireki ahal izan dezazun eta, oro har, zure negozioa abian jartzeko behar duzun aholkularitza lortu ahal izan dezazun. Zain izango gaituzu.

Post gehiago irakurri.

Otsaila 23, 2023
Iazko abenduaren 23an argitaratu zen BOEn enpresa emergenteen ekosistema sustatzeari buruzko legea, startupei buruzko lege bezala ezagunagoa dena. Estatua pertsona ekintzaileentzat eta horrelako negozioetan interesa duten inbertitzaileentzat helmuga erakargarri bihurtu dadila lortzea da arau berri honen helburua, hau da, enpresa berritzaile sortu berrietan, oinarri teknologikoa dutenetan, hazkunde bizkorrekoak direnetan eta negozio-eredu eskalagarri bat dutenetan interesatuta...
Otsaila 17, 2023
Aurten ere, Gaztenpresaren Astelehen Digitalak itzuliko dira, marketin digitaleko “No te pierdas en las redes” agentziak online ematen dituen prestakuntza-saioak. Saio hauetan, zure negozioaren eremu digitalarekin lotutako gaiak eguneratu ahal izango dituzu. Ordu edo ordu eta erdi inguruko iraupena duten tailer horietan, zure negozioan erantsi ditzakezun baliabide digitalen ikuspegi orokorra lortuko duzu. Izan ere, kontua...
Azaroa 30, 2022
Estatuko enpresen erdia baino gehiagok azken urtean zibereraso bat jasan dutela onartzen dute. Ezagutzen zenuen datu hau? Ezagutzen dituzu Phising, Vishing edo Smishing kontzeptuak? Artikulu honetan, Lautik IT Solutions hori eta askoz gehiago kontatu digu. Konponbide teknologikoetara eta eraldaketa digitalera bideratutako enpresa honek iaz Gaztenpresaren mentoretza-programan parte hartu zuen. Zibersegurtasunaren Eguna dela eta, negozio bat...
Iraila 16, 2022
Ekintzailetzaren igerilekuan murgildu aurretik, urik badagoen egiaztatu beharra dago; gure kasuan, horrek esan nahi du arrisku-analisia gauzatzea eta negozio-plana egitea. Gogoan izan ezazu negozio-plana edo enpresa-plana oso tresna baliagarria dela eta laburbildu behar duela enpresa-proiektu berria nolakoa den eta jaso egin behar dituela negozio arrakastatsu bihurtuko duten helburuak, identitatea eta funtzionamendua. Gainera, une oro gidatuko...
Uztaila 29, 2022
HALO Donostia hiru erizain elkartzetik sortutako proiektua da; hirurek ekiteko gogoa zuten, eta bereziki, erizaintzako zein dermoestetikako sektoreko egungo eskaintzari buelta emateko asmoa. Kooperatiben hilabetean, Halo Donostia-tik eman digute haien historiaren eta lehen urratsen berri.   HALO Donostia “estetika aurreratuko tratamenduetan espezializatutako erizaintza-zentro” moduan definitzen da. Azalduko zenigukete zertan datzan, eta zein den zuen balio...
Uztaila 15, 2022
Modu juridiko askotan gauzatu daitekeen proiektu ekintzaile bat: autonomoa, sozietate mugatua, kooperatiba… Ingravity Dreams elkarrizketatuko dugu Kooperatiben Nazioarteko Eguna dela-eta, Gaztenpresaren eskutik bere enpresa-ibilbideari ekin zion abereen ongizatera zuzendutako zentroa, hain zuzen ere.   Zer da Ingravity Dreams eta nola sortu zen? Abereen ongizatea da Ingravity Dreams. Gure abereak fisikoki indarberritzeko teknika naturaletan espezializatutako lekua,...