×

Para instalar Gaztenpresa en tu iPhone pulsa y luego Añadir a pantalla de inicio.

Navegación limitada - Sin conexión

Zer da barne-ekintzailetza eta nola egiten dio mesede nire enpresari?

Intraemprendimiento
Share on facebook
Share on twitter
Share on linkedin
Share on whatsapp
Share on email

Ekintzailea sekulako balioa da berez: negozio-ikuspegia, ekimena, sormena eta lidergoa eskaintzen ditu; berritzailea eta erabakitzailea da; oztopoak gainditzen daki, eta gai da bere negozioari eustearren bere burua berrasmatzeko.

Baina ekintzailea beste enpresa bateko kide denean, ondo zaindu beharreko benetako altxorra da, eta behar dituen tresna guztiak eman behar zaizkio, bere potentzial osoa bilatzeko. Barne-ekintzailetzaz ari gara. Erakunde baten barruan ideia berritzaileak garatzean datza, eta balio erantsia ematea eta, beraz, eraginkortasuna eta emaitzak hobetzea ditu xede. Ekintzailetzaren eta barne-ekintzailetzaren arteko aldea txikia da, baina garrantzitsua:

  • Lehenengoaren kasuan, ekintzaileek beren negozioaren mesedetan egiten dute lan.
  • Barne-ekintzailetzaren kasuan, berriz, pertsonek inoren kontura dihardute, eta haien jarduerak hobetu egiten ditu kasuan kasuko enpresaren emaitzak.

 

Barne-ekintzailetza sustatzeko pizgarriak

Barne-ekintzailetzak zerikusi handia du enpresa batean estrategia berriak sartzearekin, hau da, berrikuntzarekin. Horregatik, barne-ekintzailetzako estrategia eraginkor bat gauzatu ahal izateko, enpresak elkarlan estuan jardun behar du langileekin —dinamika zaharrak gainditu ahal izateko— eta pizgarriak eskaini behar dizkie, beraien potentziala garatzen laguntzeko. Horien artean daude:

  • Laneko autonomia eta malgutasuna. Norbait lanean eroso sentitzen denean, hobeto ustiatzen ditu bere gaitasunak.
  • Lanpostuetan gora egiteko aukera garbiak. Funtsezkoa da langileak gora egiteko aukerak ikustea eta enpresak talentuari eustea.
  • Pizgarri ekonomikoak. Formula eraginkorrenetako bat da ordainsariak adostea, helburu batzuen truke.
  • Tresna egokiak. Enpresak beharrezko bitartekoak eskaini behar dizkie pertsonei, horiek barne-ekintzailetza egin dezaten.
  • Laneko segurtasuna, aukera disruptiboak aztertu ahal izateko. Lan-berme jakin batzuekin lan egiteko aukera izan behar dute pertsonek, lanpostua galtzeko beldurrik gabe arrisku jakin batzuk bereganatu ahal izateko.
  • Parte-hartze aktiboa. Enpresak pertsonak prozesuan zehar izan duen protagonismoaren araberako parte-hartzea eskaini behar du.

 

Enpresarentzako onurak

Enpresak eskaini behar dituen pizgarrietako batzuek gehiegizkoak badirudite ere hasiera batean, prozesua modu egokian garatuz gero, zure erakundeak onura zehatzak lortuko ditu—nabarmenak izango dira epe ertain eta luzera—. Hona hemen horietako batzuk:

  1. Pertsona barne-ekintzaileak enpresako exekutibo bihurtzen dira. Hortaz, interes komunak dituzte, eta emaitzak bilatzeko inplikazio handiagoa.
  2. Errutinari aurre egiten eta gainerako langileak motibatzen laguntzen dute.
  3. Produktu, zerbitzu eta negozio-aukera berriak identifikatzen dituzte.
  4. Berrikuntza teknologikoa eta enpresaren modernizazioa sustatzen dute, eta prozesu zaharkituak gainditzen laguntzen dute.
  5. Erakundearen beraren barruan ezagutzak eskualdatzea ahalbidetzen dute.

Elementu horien guztien ondorioz, enpresan pertsona barne-ekintzaileak izatea bultzada handia da, eta enpresaren eraginkortasuna eta produktibitatea handitzeko aukera ematen du.

 

Barne-ekintzailetzaren adibideak

Gaur egun, enpresa askok sustatzen dute barne-ekintzailetza langileen artean. Hona hemen adibide batzuk:

  1. Sony. PlayStation, bere historiako produkturik errentagarrienetakoa, enpresako garatzaileetako baten barne-ekintzailetzari esker sortu zen. Produktuak sekulako arrakasta izan zuen, eta, azkenean, Sonyk Sony Computer Enterteinment filiala sortu zuen (ideia eman zuen langileak berak zuzendu zuen).
  2. Enagás. Energia-konpainiak, Ingenia Business bidez, proiekturik onenak hautatzen ditu, eta, inkubazio-aldi baten ondoren, laguntza ekonomikoa ematen die. Bideragarria den proiektu bat lortuz gero, proiektu hori garatu duten pertsonak barne-ekintzaile bihurtzen dira.
  3. WL Gore. Gore-Tex ehuna egiten duen enpresa horretako langile baten eskutik, Elixir Guitar Strings jaio zen. Gitarraren hariak material horrekin estaltzen dituzte, gitarra jotzea erosoagoa izan dadin. Gaur egun, gitarra akustikorako gehien saltzen den haria da.

Hori guztia dela eta, pertsonek enpresan duten balioa kontuan izan behar da, horien ideia xume bat negozio arrakastatsua bihur baitaiteke.

Post gehiago irakurri.

Iraila 16, 2022
Ekintzailetzaren igerilekuan murgildu aurretik, urik badagoen egiaztatu beharra dago; gure kasuan, horrek esan nahi du arrisku-analisia gauzatzea eta negozio-plana egitea. Gogoan izan ezazu negozio-plana edo enpresa-plana oso tresna baliagarria dela eta laburbildu behar duela enpresa-proiektu berria nolakoa den eta jaso egin behar dituela negozio arrakastatsu bihurtuko duten helburuak, identitatea eta funtzionamendua. Gainera, une oro gidatuko...
Uztaila 29, 2022
HALO Donostia hiru erizain elkartzetik sortutako proiektua da; hirurek ekiteko gogoa zuten, eta bereziki, erizaintzako zein dermoestetikako sektoreko egungo eskaintzari buelta emateko asmoa. Kooperatiben hilabetean, Halo Donostia-tik eman digute haien historiaren eta lehen urratsen berri.   HALO Donostia “estetika aurreratuko tratamenduetan espezializatutako erizaintza-zentro” moduan definitzen da. Azalduko zenigukete zertan datzan, eta zein den zuen balio...
Uztaila 15, 2022
Modu juridiko askotan gauzatu daitekeen proiektu ekintzaile bat: autonomoa, sozietate mugatua, kooperatiba… Ingravity Dreams elkarrizketatuko dugu Kooperatiben Nazioarteko Eguna dela-eta, Gaztenpresaren eskutik bere enpresa-ibilbideari ekin zion abereen ongizatera zuzendutako zentroa, hain zuzen ere.   Zer da Ingravity Dreams eta nola sortu zen? Abereen ongizatea da Ingravity Dreams. Gure abereak fisikoki indarberritzeko teknika naturaletan espezializatutako lekua,...
Ekaina 27, 2022
Espiritu ekintzailea testuinguru eta sektore guztietan zabaltzen ari da, industrialean barne, baita gaur egungoa bezalako egoera berezietan ere. Enpresa Txiki eta Ertainaren eguna dela eta, elkarrizketa egin diogu IGASI Vacuum Solutionko lantaldeari. Proiektu ekintzailea da, eta laster urtebeteko ibilbidea beteko du enpresa gisa.   Nola sortu zen Igasi eta nola definituko zenukete zuen enpresa? Enpresa...
Ekaina 23, 2022
Gaztenpresan, krisiari aurre egiteko zailtasunak dituen enpresa-ehunera egokitzen jarraitu dugu. Hori dela medio, atzo Ibon Urgoiti, Gaztenpresako lehendakariak, 2021. Urteko Txostenaren aurkezpenean nabarmendu zuenez, Fundazioko taldeak bere proiektuekin jarraitzeko beharberritu diren pertsonak laguntzeko ahalegina kontuan hartzea ezinbestekoa da. Hala ere, egindako lan horri guztiari esker, 2021eko balantzeak esleitutako helburuak bete direla adierazten du. Beste behin...
Maitza 17, 2022
Bazenekien Europar Batasuneko herrialdeek urtean 5.000 milioi tona hondakin baino gehiago sortzen dituztela, etxekoak kontuan hartuta? Eta bazenekien, Euskadin sortzen ditugun 5,5 tona hondakinetatik, % 80k eraikuntzan eta industrian dutela jatorria? Pentsatu duzu noizbait, 2050. urtean, munduko biztanleek gaur egun kontsumitzen ditugun baliabideak baino hiru aldiz baliabide gehiago beharko dituztela? Izugarrizko datuak dira, ezta? Baina,...