y luego Añadir a pantalla de inicio.
2020. urte zaharrak utzitako lezioetako bat hauxe da: ekintzailetzak berekin dakartzala elkarlanean jardutea, egokitzea eta, batez ere, berritzea. Hori dela eta, webgune berritua jarri du martxan Gaztenpresak 2021 urte berriarekin batera. Tresna berritzailea da, ekintzailetzaren agertoki guztietara egokitzeko diseinatua, zuri negozio berriarekin laguntzeko. Jakin nahi duzu nola lagundu ahal dizun? Zatoz gurekin.
Webgune berrian nabigatzen hasten zarenean, gauza hauei erreparatuko diezu:
- Zuretzat pentsatuta dago, zure proiektuan aurrera egiten lagunduko dizun informazio baliagarria
- Nabigazio erraz-erraza eta intuitiboa
- Diseinu moldakorra du, haren aukera guztiak balia ditzazun ordenagailua, smartphonea edo tableta
- Konexiorik gabe ere nabigatu ahal izango duzu, app berriaren bidez (Androiderako zein IOSerako eskuragarri)
Hori guztia esan daiteke erabilgarritasunari eta nabigazioari dagokienez. Baina onena hau da: webgunea erabiltzen hasten zarenean, zure ekintzaile-ibilbidean zehar laguntzeko erantsi ditugun berritasun guztiak ezagutuko dituzu.
Ekintzailetzarako bidaia berria
Lehenik eta behin, jakin behar duzu webgunearen ikuspegia egokitu egin dugula, bizi dugun agertoki berrira egokitzeko, eta erlaitz batzuk jarri ditugula azal-orrian, behar duzuna begirada batez aurki dezazun: Ekitea, Ikastaroak, Networking espazioa, Negozioak eskualdatzea, Fundazioa eta Bloga
- Ekitea.
Lau fasetan banatu dugu atal hori, azkar eta erraz jakin dezazun prozesuko zein puntutan zauden.
- Negozio-ideia. Lagunduko dizugu aukeratu duzun sektoreko negozio-ideia on bat identifikatzen eta haren errentagarritasun potentziala ezagutzen.
- Negozio-plana. Ideia mahaiaren gainean duzula, azalduko dizugu negozio-plan on bat egiteko jakin behar duzun guztia.
- Ezagutarazi zeure ideia. Heldu da zure produktua edo zerbitzua xede-taldeari aurkezteko unea: erakutsi nor zaren, zer eskaintzen duzun eta zerk bereizten zaituen gainerakoengandik. Jarraibideak emango dizkizugu zure proiektua jendaurrean aurkezten ikasteko eta elevator pitch eta antzeko formatuetan mugitzen jakiteko.
- Maileguak eta dirulaguntzak. Bada garaia zure proiektua finantzatzeko aukerak aurkitzeko eta eskura ditzakezun laguntza- eta dirulaguntza-mota guztiak ezagutzeko.
- Ikastaroak.
Atal honetan aurkituko dituzu zure ekintzaile-ibilbidean laguntzeko prestatu ditugun ikastaroak eta trebatzeko laguntzak. Baliagarriak izango zaizkizu zure negozio berria gure mentoring-programen bidez prestatzeko nahiz sendotzeko orduan.
- Networking espazioa
Hasieran esan dizugun bezala, ekintzailetzak lankidetza dakar berekin. Horregatik, espazio berezi bat sortu dugu ezagutzak trukatzeko eta zure lanbide-ibilbidean hobetzeko.
- Negozioak eskualdatzea.
Negozioak eskualdatzeko atala da gure webgunearen beste berritasunetako bat. Izan ere, jardunbide hori oso ohikoa da, eta, hari esker, abian dagoen negozio bat eskura dezakezu, hutsetik hasi beharrean. Atal horretan aurkituko duzu jakin behar duzun guztia:
- Eskualdatutako negozio bat berriro irekitzeko.
- Zure negozioa eskualdatzeko, beste norbaitek jarduerarekin jarrai dezan.
Horrez gain, hauek aurkituko dituzu webgunean: Gaztenpresa Fundazioari buruz behar duzun informazio guztia; gure bloga, zeinaren bidez gure harri koxkorra jarri nahi baitugu zure ekintzaile-ibilbidean laguntzeko; eta gure sare sozialetarako sarbide zuzena, argitaratu ditugun sortze-pieza guztiak ikus ditzazun.
Besterik behar duzu? Bada, eman buelta bat gure webgune berrian, eta han aurkituko duzu, ziur. Zain izango gaituzu!
