×

Para instalar Gaztenpresa en tu iPhone pulsa y luego Añadir a pantalla de inicio.

Navegación limitada - Sin conexión

SOS Mentoring programa: zure mentorea aprobetxatzeko aholkuak

gzt-programa-sos-mentoring
Share on facebook
Share on twitter
Share on linkedin
Share on whatsapp
Share on email

Azken asteetan, Gaztenpresan gure #JarraitzekoBerritzen programan parte hartzera animatu zaitugu, helburu oso garbi batekin: gure ehun ekintzailea horren gogor kolpatu duen krisia saihesten laguntzeko.

Gaur beste urrats bat eman dugu estrategia horretan. Youth Business fundazioaren SOS Mentoring programan sartu nahi zaitugu, mentore baten esperientziaz baliatzeko aukera izan dezazun, zure negozioak azken hilabeteetan jasandako egoera zaila behin betiko gainditzeko.

SOS Mentoring programak pandemiaren ondorioak arintzea du helburu. Haren bitartez, mikroenpresei eta zu bezalako pertsona ekintzaileei behar duzuen gidaritza, aholkularitza eta laguntza eskaini nahi dizuegu, zuen negozioei bultzada berri bat emateko, ahalik eta gehien suspertuz.

Zer da mentore bat?

Gaztenpresaren mentoring programa bakar batean ere parte hartu ez baduzu, beharbada oraindik ez duzu jakingo zer den mentore bat: enpresak kudeatzen esperientzia handia duten profesionalak dira, eta laguntza boluntarioa eta altruista ematen diete beren negozioak sendotzeko beharra dutenei.

Gaztenpresan Youth Business Spain (YBS) Sareko kide gara eta urte asko daramatzagu 40 herrialdetan baino gehiagotan modu arrakastatsuan garatu den metodologia bat aplikatzen. Ideia bat izan dezazun, 2019an bakarrik 134 pertsonak hartu zuten parte gure mentoring-ikastaroetan, eta 20 harreman arautu formalizatu ziren.

SOS Mentoring COVID-19aren kontra

Oraingo honetan, SOS Mentoring dagoeneko martxan zeuden eta COVID-19aren krisiak kaltetu dituen negozioetara dago bideratuta. Honako hauek dira helburu nagusiak:

  • Zure enpresa-egoeraren diagnostikoa egiten laguntzea eta zure aukera, mehatxu, indargune eta ahuleziak (AMIA analisia) identifikatzea.
  • Zure negozioak dituen jarduteko aukerak ebaluatzea eta ekintza-plan bat diseinatzea.
  • Ekintza-plana ezartzen laguntzea.
  • Ahalik eta gehien laguntzea, ahalduntzetik hasi eta babes emozionalera arte.

Nola jokatu zure mentorearekin

Zure mentorearen babesa ez da mugatuko laguntza instituzionalak izapidetzeko aholkularitza teknikoa ematera, era guztietako zerbitzu profesional espezializatuak eskainiko baitizkizu.

Beraien aholkularitza enpresen kudeaketan eta krisi-egoeretan duten esperientzian oinarritzen da, baita merkatuaren ezagutzan ere.

Zerbitzuari ahalik eta etekinik handiena atera nahi badiozu, izan itzazu kontuan aholku hauek:

  • Joan zaitez etxeko lanak eginda eta prestatu bilera edo bideokonferentzia aldez aurretik. Topaketa ahalik eta gehien aprobetxatzeko, zure zalantza edo kezken zerrenda laburra eman diezaiokezu; horrela, gehien kezkatzen zaituzten alderdiak jorratu ahal izango dituzu.
  • Izan ezazu jarrera positiboa eta gogoratu zeuk ikasi behar duzula. Gogoan izan behar duzu zure mentorea zeurea bezain egoera korapilatsuetan aritu dela eta modu arrakastatsuan gainditzea lortu duela.
  • Aplikatu bere gomendioak. Zure mentoreak ikusten badu bere jarraibideak martxan jartzen dituzula, zure konpromisoa irmoa dela egiaztatuko du eta are gehiago inplikatuko da zure arazoan. Horrela, krisia arrakastaz gainditzeko aukerak areagotu egingo dira.
  • Saiatu bi noranzkoko harremana izaten. Programa hauetan parte hartzen dutenean, mentore askok egoera berriak ezagutu eta ekintzaileengandik ikasten dute. Ideiak alderatzea oso metodo eraginkorra izan da beti krisi-egoerei aurre egiteko, eta zure ekarpenak oso baliagarriak izan daitezke jasotzen dituzun aholkuak osatzeko.

Programa online bileren bidez gauzatuko da. Bilerak astero edo hamabost egunez behin egingo dira, 1 eta 3 hilabete bitartean. #JarraitzekoBerritu eta Gaztenpresaren SOS Mentoring programan parte hartu nahi baduzu, jarraitu arretaz gure sare sozialak.

Post gehiago irakurri.

Iraila 22, 2021
Internetek bere gain hartu ditu gure denbora profesionala, aisialdia, harreman sozial eta sentimentalak, erosketak…, eta pertsona gehienek beren telefono adimenduna piztu eta itzaltzeko botoia sakatuz hasten eta amaitzen dute eguna. Hootsuite plataformak eta We Are Social agentziak Digital 2021 txostenerako egindako azterketa baten arabera, egunean 6 ordu baino gehiago pasatzen ditugu gure mugikorrera, ordenagailura edo tabletara...
Iraila 8, 2021
Seguruenik gertatuko zitzaizun noizbait, negozio baten jabeari bere negozioaren onurei buruz hitz egiten entzun eta, lokalera iritsitakoan, hau pentsatzea: «Amatxo maitea… Hemen ez dut zoratuta ere erosiko!». Salmenten arrakastaren zati handi bat pertsonak erosteko unean duen pertzepzioaren araberakoa izaten da. Horregatik, funtsezkoa da bezeroaren azalean jartzea eta haren gustuak eta beharrak ezagutzea. Baina badago albiste...
Iraila 7, 2021
Enpresa- edo lanbide-jarduera bati hasiera emateko modu asko daude. Aintzat hartu behar diren aukeretako bat sozietate kooperatibo txiki bat sortzea da. Aukera juridiko horren alde egiten dutenek azaltzen dutenaren arabera, sozietate kooperatiboen bidez sortzen den etekin ekonomikoa modu konprometitu eta sozialagoan lortzen da. Gainera, enpresa horiek onura fiskal interesgarriak dituzte. Nazioarteko Aliantza Kooperatiboak dioenez, kooperatibek...
Uztaila 29, 2021
Azken aste hauetan, #BerrituErronka-n parte hartu duten pertsonen ideia irabazleak erakutsi dizkizuegu gure sare sozialetan. Beren proposamenekin, ekimenak aurkeztu dituzte osasun-krisiak eragindako murrizketek gehien kaltetutako hiru sektoreetako negozioetarako. #BerrituErronka abian izan den aste hauetan, 50 ideia baino gehiago jaso ditugu, eta ideia horiek guztiek aurrera jarraitzeko lezio bat eman digute. Horrez gain, gogorarazi digute posible...
Uztaila 12, 2021
Batez ere WhatsApp denok daukagun zerbait delako. Bueno, agian ez denok, baina bai gehienok. Mundu osoko bederatzigarren postuan dago Espainia WhatsApp aplikazioaren erabilerari dagokionez: 30,5 milioi erabiltzaile, «Informe ditrendia: Mobile en España en el Mundo 2020» txostenaren arabera (Ditrendia txostena: mugikorren erabilera Espainian eta munduan 2020an). Bestalde, bezeroekin zuzeneko harremana izateko aukera eskaintzen duen doako...
Uztaila 5, 2021
Pandemia dela eta, onlineko denda bat martxan jartzea aztertu dute saltzaile txiki askok. Horrela, konfinamendu bat egongo balitz ere, bezeroei arreta ematen eta diru-sarrerak eskuratzen jarraituko lukete. Hala ere, onlineko salmentari ekin aurretik, kontu batzuk aztertu behar dira arreta handiz. Lehena eta garrantzitsuena honako hau da: argi izatea online saltzea beharrezkoa den gure negozioarentzat eta...