×

Para instalar Gaztenpresa en tu iPhone pulsa y luego Añadir a pantalla de inicio.

Navegación limitada - Sin conexión

Saltoki txikiak digitalizazioaren erronkaren aurrean

Share on facebook
Share on twitter
Share on linkedin
Share on whatsapp
Share on email

Duela urte batzuk, Faeminok eta Cansadok zera zioten bakarrizketa batean, erosketak Casa Pacon egitea gogoko zutela, hara joaten zirenean, Paco bertan izaten zelako eta berarekin hitz egin zezaketelako. McDonald’s-era joan eta McDonald’s jaunaz galdetzean, ordea, ez zuen inork erantzuten, besteak beste, “jaun” hori bertan izaten ez zelako eta existitu ere egiten ez zelako.

Aipatutakoen gisako jeinuen eskutik datorrenean, umoreak errealitatearen ikuspegi argia erakusten digu, eta duela urte asko esaten zen hark egun balioa izaten jarraitzen du eta askotan orduan baino balio handiagoa du.

Gaur egun merkataritza txikiaren esparruan ekitea erabakitzen duen pertsonak argi eta garbi jakin behar du lehen pertsonan egon behar duela bere negozioaren buru gisa. Negozioaren buru izan eta oso presente egon beharko du bertan. Mostradorearen atzean egotea izango da haren bereizgarri garrantzitsuenetako bat. Eskaintzen duenaren pertsonalizazioa, produktuaren ezagutza eta saltzeko gogoa izango dira haren ezaugarri nagusiak. Izan ere, presentzian, gertutasunean eta arretaren kalitatean oinarritzen da etorkizunerako bideragarritasunaren zati garrantzitsu bat.

Baina gaur egun hori ez da nahikoa, orain, pertsona ekintzaileak bezeroarekin harremanetan jartzeko kanal guztietan egin behar baitu hori guztia. Lehiakortasuna oso zorrotza da eta, erraldoi teknologiko handiek gero eta merkatu-hobi gehiago bereganatzen dituztela kontuan hartuta, gaur egun ez da nahikoa saltokian fisikoki egotea. Horrela, bada, bezeroa dagoen leku guztietan egon behar du, eta ez edozein modutara, erantzun homogeneo bat emanez baizik.  Horrenbestez, ikuspegi omnikanal bat aplikatu behar da txikizkako salmentaren esparruan.

Bezeroek gertutasun fisikoa hauteman behar dute online baliabideetan. Leku desberdin eta paregabe horretan zer erosten ari den ikusi behar dute. Negozioaren gertutasuna sentitu behar dute, “urrutiko” harreman batean oinarritu arren. Negozio txikiek parekatzea zailak diren erosketa-esperientziekin lehian dihardutela izan behar dugu kontuan, baita bezeroak ahaldundu egin direla eta askoz ere zorrotzagoak direla ere. ETE txikiek ez diete teknologiaren liga irabaziko GAFA deiturikoei (Google, Amazon, Facebook, Apple), ezta prezioarena ere, baina lehian jardun dezakete kalitateari, gertutasunari eta zerbitzuari dagokionez.

Negozioaren digitalizazioa ez litzateke inola ere guztiz eskuordetu behar. Tarteko profila duen pertsona ekintzaile batek aholkularitza eta laguntza beharko ditu seguruenik, baina bere lidergoan oinarrituta eta ezin hobeto egingo duenaren konbentzimendutik.

Negozio txiki asko oso kanpotik jorratzen ari dira aldaketa hori eta, exekuzioa bikaina izan arren, negozio-arima falta zaie, buru den pertsonak bakarrik helaraz dezakeen emozioa.  Kudeaketa profesionala gardena bada ere, negozioa marka zuri bihurtzen da. Ez dago inprobisaziorako, sorpresarako eta bereizketarako lekurik.

Negozio txikiek estrategia digital bat behar dute eta estrategia hori web korporatibo on batean oinarritzen da, baita produktuen katalogo eguneratu eta osatu batean, haren jarduerarekin eta profilarekin bat datozen sare sozialen erabileran, eskaerak eta itzulketak egiteko tratu bikain batean, eta erosketa gehiago egiteko gogoa piztuko duen fidelizazio-tresnen sorkuntzan ere.

Horri guztiari markaren kudeaketa egokia gehitzen badiogu, eta negozioaren buru den pertsonak bezeroei behar bezala entzuteko eta etengabe hobera egiteko grina badu, negozio arrakastatsu baten aurrean egongo ginateke. Sare sozialen edo telefonoaren atzean negozioaren beraren pertsona arduradunak erantzuten badu, bezeroaren esperientzia menderaezina izango da. Horrela jokatzeak, hain zuzen, negozioarentzako gauza onak ekarriko dizkigu.

Sektorearen, xede publikoaren eta produktuaren arabera, estrategia bat edo beste hartu beharko da, baina behar-beharrezkoa izango da horietan guztietan.

 

Post gehiago irakurri.

Ekaina 23, 2021
Ekintzailetza abentura zirraragarria da, erronkaz betea. Zure negozio berria martxan jartzeko orduan, zalantza pila bat izango dituzu, eta horiei ahalik eta segurtasunik handienarekin erantzun beharko diezu arrakasta ziurtatzeko. Horregatik, arduratsua izan behar duzu, zure negozio berriaren xehetasun guztiak zehaztu behar dituzu eta aurrez aurre aurkituko dituzun erronken jakitun izan behar duzu. Erronka horietako bat, beharbada...
Ekaina 22, 2021
Bazenekien, Google My Business fitxari esker, zure enpresa Googlen emaitzen lehen orrian ager daitekeela, web-orririk ez baduzu ere? Eta, gainera, leku garrantzitsua eta nabarmena izango duzu bilatzailean. Jakina, hori ez da gertatuko edozein bilaketa motatan. Erabiltzaileak zuzenean zure negozioaren izen zehatza bilatzailean jartzen duenean baizik, edo pertsona batek zuk eskaintzen duzun zerbitzu, produktu edo marka...
Ekaina 15, 2021
Normalean, ekintzaile bati galdetzen diogunean zer marketin-tresna erabiliko dituen bere negozioa ezagutzera emateko, ia guztiek sare sozialak aipatzen dituzte. Hala ere, pixka bat gehiago sakondu eta zenbait galderari erantzuteko eskatzen diegunean ¾«Eta zer kontatuko duzu sareetan?», «Nola kontatuko duzu?», «Zer maiztasunekin?» eta «Nori kontatuko diozu, eta zer helbururekin?»), lehenengo erantzunaren irmotasunak askotan bide ematen dio...
Ekaina 10, 2021
Gaztenpresan 25 urte daramatzagu jada Euskadiko eta Nafarroako ekintzaile askori laguntzen. Denbora horretan, hasieran bezala eutsi diogu ekintzailetza sustatzeko eta enplegua sortzeko helburuari. COVID-19ak eragindako krisiak gogor jo du 2020an gure sare ekonomikoan eta sozialean, eta eragin larria izan du enpleguan. Hala ere, Gaztenpresan lanean jarraitu dugu ekosistema ekintzailea suspertzeko eta sasoi latz honi aurre egin...
Ekaina 4, 2021
Kotoia; artile eta liho organikoak; material birziklatuak; landare-larrua; laranja-, banbu- eta anana-zuntzak… Jasangarritasunaren eta ingurumenaren aldeko gizarte-joera asko bereganatu ditu modaren munduak azken urteotan, eta lanean jardun du gure ingurunea hobeto errespetatzen duten materialak sortzeko. Aldi berean, beste joera bat etorri da, jantziak birziklatzearen, berraprobetxatzearen eta berrerabiltzearen aldekoa, ekonomia zirkularraren kontzeptuari jarraituz. Horretan, hain zuzen,...
Maitza 26, 2021
Elton John abeslari britainiarra bere karreraren hasieran nabarmentzen hasi zenean, haren agenteak, Howard Rosek, gomendio batzuk eman zizkion, eta gomendio horiek bere ibilbidea markatu zuten; sekula ez zituen ahaztuko. Kontzertu handiak eskaintzeko nahikoa fama izan arren, Rosek honako gomendio hau eman zion behin: “Ez ezazu zeure burua goizegi irudikatu leku oso handi batean. Hori egin...