900 101 143 | info@gaztenpresa.org
Para instalar Gaztenpresa en tu iPhone pulsa 
y luego Añadir a pantalla de inicio.
Para instalar Gaztenpresa en tu iPhone pulsa y luego Añadir a pantalla de inicio.
GAZTENPRESA FUNDAZIOAk —aurrerantzean, GAZTENPRESA— erabiltzaileen pribatutasuna eta datu pertsonalen sekretua eta segurtasuna errespetatzen ditu, Datuak Babesteko 2016/679 (EB) Erregelamendu Orokorrean eta Datu Pertsonalak Babesteko eta Eskubide Digitalak Bermatzeko abenduaren 5eko 3/2018 Lege Organikoan ezarritakoari jarraituz. Horretarako, emandako datu pertsonalak galtzea, gaizki erabiltzea, aldatzea, baimenik gabe atzitzea eta lapurtzea saihesteko neurri tekniko eta antolakuntzakoak hartu ditu, teknologiaren egoera, datuen izaera eta dituzten arriskuak kontuan hartuta.
GAZTENPRESAk, zure informazio pertsonalaz edo harreman profesionalaz egiten dugun erabilerak zuretzat duen garrantziaz eta informazio hori kudeatzeko moduaz jabetuta, pribatutasun-politika hau jartzen du zure eskura https://miproyecto.gaztenpresa.org ikaskuntzarako web-plataformaren —aurrerantzean, ikaskuntza-plataforma— bidez, zure datu pertsonalak nola tratatzen ditugun zehatz-mehatz jakinarazteko eta zure pribatutasuna eta ematen diguzun informazioa babesteko. Etorkizunean pribatutasun-politikan aldaketak eginez gero, ikaskuntza-plataformaren bidez edo beste bitarteko batzuen bidez jakinaraziko dizugu, sartutako pribatutasun-baldintza berriak ezagutu ditzazun.
Ikaskuntza-plataformaren bidez ez da erabiltzaileen datu pertsonalik jasotzen, haiek jakin gabe, eta ez zaie beren-beregi aipatutakoez bestelako hirugarrenei lagatzen.
Ikaskuntza-plataformak hirugarrenen webguneetarako estekak ditu, eta horien pribatutasun-politikek ez dute loturarik GAZTENPRESAren politikarekin. Webgune horietara sartzean erabaki dezakezu haien pribatutasun- eta cookie-politikak onartu ala ez. Oro har, Interneten nabigatzen duzunean, aukeran izango duzu hirugarrenen cookieak onartu edo baztertzea, zure nabigatzailearen konfigurazio-aukeretan edo web-orrian bertan.
Zein da tratamenduaren arduraduna?
Hauxe da ikaskuntza-plataformaren bidez emandako datu pertsonalen tratamenduaren arduraduna:
GAZTENPRESA FUNDAZIOA
IFZ: G-20784500
Helbidea: Jose Maria Arizmendiarrieta pasealekua, zk.g., 20500, Arrasate, Gipuzkoa
900 101 143 / 944 104 131
info@gaztenpresa.org
Zer helburu eta legitimaziorekin tratatzen ditugu zure datu pertsonalak?
Erabiltzailea ikaskuntza-plataforman erregistratzen denean lortutako datu pertsonalak tratatu egiten ditugu helburu honekin: erabiltzaileari tresnak, ikastaroei eta prestakuntza-programei buruzko informazioa eta deskargagarriak ematea, informazioa izan dezan, ikasteko, bere negozio-ideia edo ekintzailetza-proiektua garatzeko edo bideragarria den ala ez aztertzeko, ikaskuntza-prozesuan lagunduko dion tutore baten laguntzarekin.
Ikaskuntza-plataformaren bidez ematen diguzun baimena da tratamendu horren legitimazioaren oinarria.
Nola biltzen dugu zure informazioa?
Ikaskuntza-plataformaren bidez jasotzen dugu zure informazio pertsonala, hartan erregistratzen zarenean, alegia.
Erabiltzailearen zein datu tratatuko ditugu?
Ekintzaileei buruz tratatutako datu pertsonalak pixkanaka biltzen dira ikaskuntza-plataforman sartutako prestakuntza-blokeetan («Ideia», «Plana», «Finantzaketa», «Izapideak» eta «Finkatzea»). Tratatzen dugun informazio pertsonalean, identifikazio-datu hauek daude: izen-abizenak, sexua, lurraldea —GAZTENPRESAk Euskadin eta Nafarroan garatzen baitu bere jarduera—, telefonoa, helbide elektronikoa, profesional-mota, NANa, helbidea, adina, lan-egoera, lan-esperientzia, negozio-proiektuarekin lotutako datu ekonomiko eta finantzarioak, eta informazio komertziala.
Bestalde, tutoreari dagokionez, izen-abizenak biltzen dira.
Horrez gain, gure web-orriaren bidez nabigazioarekin lotutako informazio pertsonala ere biltzen dugu, cookieak erabiliz. Zer cookie erabiltzen ditugun, cookie horiek zer helburu duten eta nola konfiguratu edo desgaitu daitezkeen argi eta garbi eta zehaztasunez jakiteko, kontsulta ezazu gure Cookieen politika.
Ikaskuntza-plataformaren bidez igotzen duzun informazioa ere batzen dugu.
Zer erantzukizun duzu erabiltzailea zaren aldetik?
Datuak bitarteko elektronikoen bidez ematean, erabiltzaileak bermatzen du 18 urte baino gehiago dituela eta GAZTENPRESAri helarazitako datuak egiazkoak, zehatzak, osoak eta eguneratuak direla. Horretarako, erabiltzaileak baieztatzen du bere ardura dela jakinarazitako datuak egiazkoak izatea eta informazio hori behar bezala eguneratuta izatea, bere benetako egoerari erantzun diezaion. Horrela, bada, bera izango da datu faltsu edo zehaztugabeak ematearen erantzulea, bai eta horrek eragiten dituen zuzeneko nahiz zeharkako kalte-galerena ere.
Zenbat denboraz gordeko ditugu zure datuak?
GAZTENPRESAn, beharrezkoa den denboraz bakarrik gordeko dugu zure informazioa; hau da, datuak jasotzearen helburua betetzeko, ezarritako lege-betebeharrak betetzeko eta datuak biltzearen helburua betetzeak sor ditzakeen erantzukizunei erantzuteko behar den denboraz bakarrik.
Edonola ere, oro har, lotzen gaituen harreman juridiko bat dagoen edo zuk tratamendua bertan behera uzteko eta/edo mugatzeko eskubidea baliatzen ez duzun artean gordeko dugu zure informazio pertsonala. Bigarren kasu horretan, informazioa blokeatu egingo da (gorde egingo da, baina ez da erabiliko), erreklamazioak egiteko edo defendatzeko beharrezkoa izan daitekeen bitartean, edo erantzun beharreko erantzukizunen bat sor daitekeen bitartean, betiere legezko preskripzio-epeen barruan. Gainerako kasuetan, informazioa ezabatu egingo da.
Nori jakinaraziko dizkiogu zure datuak?
GAZTENPRESAk honako hauei bakarrik jakinaraziko dizkie zure datu pertsonalak:
– Estatuko administrazio orokorreko, autonomia-erkidegoetako nahiz tokiko administrazioetako hirugarrenei, erakundeei eta erakunde publikoei, baita legearen arabera datuak eman behar zaizkien jurisdikzio-organoei ere.
– Sozietate laguntzaile eta/edo bazkideei, erabiltzailearekin kontratu-harremana kudeatzeko aukera izan dezaten:
LABORAL KUTXAri —IFZ: F75076935; helbidea: J. M. Arizmendiarrieta pasealekua, zk.g., 20500, Arrasate (Gipuzkoa)—, ekintzailearen proiektua finantzatzeko beharra dagoela ikusten bada.
Orobat, GAZTENPRESArekin kontratu bidez lotuta dauden zerbitzu-hornitzaileek ere trata ditzakete datuak, tratamendu-arduradun gisa. GAZTENPRESAk aginduta tratatuko dituzte datu pertsonalak, gure jarraibideei hertsiki jarraituz eta beharrezko segurtasun-bermeekin, tratamenduaren helburuak betetzeko; hauek dira: BULTZ-LAN CONSULTING SL —IFZ: B48299028; helbide soziala: Uhagon alkatearen kalea, 12, 48009, Bilbao (Bizkaia)— eta ikaskuntza-plataformaren kudeaketaren ardura duen hornitzailea.
Badago datuen nazioarteko transferentziarik?
Ez da datuen nazioarteko transferentziarik egiten Europako Esparru Ekonomikotik (EEEtik) kanpo, Cookieen Politikan ezarritako baldintzetan izan ezik.
Zer eskubide dituzu zure datuen tratamenduari dagokionez eta nola erabil ditzakezu?
Datuak babesteko araudian ezarritako baldintzei jarraituz, eskubide hauek dituzu: datuak eskuratu, zuzendu, ezabatu, eraman, aurkaratu eta mugatzea, bai eta, dagokionean, zure datuen tratamendu automatizatuan soilik oinarritutako erabakien xede ez izatea ere.
Hona hemen eskubide horien ezaugarriak:
– Doan erabil daitezke, salbu eta eskaerak ageriki funsgabeak edo gehiegizkoak badira (errepikariak, adibidez). Kasu horretan, jasandako administrazio-kostuen araberako kanon bat kobratu ahal izango du GAZTENPRESAk, edo jarduteari uko egin.
– Eskubideak zuzenean edo legezko zein borondatezko ordezkari bidez gauza daitezke. Eskaerari hilabeteko epean erantzun behar diogu; baina, eskaeren konplexutasunaren eta kopuruaren arabera, beste bi hilabetez luza daiteke epe hori.
– Behartuta gaude eskubide horiek erabiltzeko bitartekoen berri ematera erabiltzaileari; eskuragarriak izan behar dute, eta erabiltzaileari ezin izango zaio eskubidea erabiltzea ukatu, beste bitarteko bat aukeratze hutsagatik bakarrik. Eskaera bitarteko elektronikoen bidez aurkezten bada, informazioa bitarteko horiek erabiliz emango da, ahal dela, baldin eta beste modu bat erabiltzeko eskatzen ez bada.
– GAZTENPRESAk eskaerari bide ematen ez badio, horren arrazoiak jakinaraziko dizkio erabiltzaileari, gehienez ere hilabeteko epean. Gainera, Datuak Babesteko Espainiako Bulegoan erreklamazioa jartzeko aukera baduela ere jakinaraziko dio epe horretan.
Bitarteko hauen bidez gauzatu ahal izango dituzu GAZTENPRESAren aurrean dituzun eskubideak:
Bi kasuetan, identitatea egiaztatu beharko duzu, NANaren edo agiri baliokidearen fotokopia edo, dagokionean, kopia eskaneatua ekarrita. Hala, interesdunari edo haren legezko ordezkariari bakarrik erantzuten diogula egiaztatu ahal izango dugu (azken kasu horretan, ordezkaritza egiaztatzen duen agiria aurkeztu beharko da).
Halaber, bereziki zure eskubideak ez direla erabat ase uste baduzu, erreklamazioa aurkeztu ahal izango duzu Datuak Babesteko Espainiako Bulegoan (Jorge Juan kalea, 6, 28001, Madril).
Nola babesten dugu zure informazioa?
GAZTENPRESAn zure informazio pertsonala babesteko konpromisoa dugu.
Neurri, kontrol eta prozedura fisiko, antolakuntzako eta teknologiko aski fidagarri eta eraginkorrak erabiltzen ditugu, zure datuen osotasuna eta segurtasuna zaintzeko, eta zure pribatutasuna bermatzeko.
Gainera, datu pertsonaletarako sarbidea duten langile guztiek prestakuntza jaso dute eta ondo dakite zer betebehar dituzten datu pertsonalen tratamenduari dagokionez.
Segurtasun-neurri horiek guztiak aldian behin berrikusten dira, egokiak eta eraginkorrak direla bermatze aldera.
Dena den, ezin da erabateko segurtasuna bermatu, eta ez dago barneraezina den segurtasun-sistemarik. Beraz, tratamenduaren xede den eta gure kontrolpean dagoen informazioa arriskuan jartzen bada segurtasun-arrakala baten ondorioz, neurri egokiak hartu beharko ditugu arrakalaren inpaktua murrizteko, zer gertatu den ikertzeko, Datuak Babesteko Espainiako Bulegoari eta, dagokionean, ondorioak jasan dituzten erabiltzaileei jakinarazteko, beharrezkoak diren neurri egokiak har ditzaten.
