×

Para instalar Gaztenpresa en tu iPhone pulsa y luego Añadir a pantalla de inicio.

Navegación limitada - Sin conexión

Nola zaindu zure negozioaren irudia Facebooken eta Instagramen

Share on facebook
Share on twitter
Share on linkedin
Share on whatsapp
Share on email

Gaur egun, Espainian Facebook da, oraindik ere, sare sozialik ezagunena eta erabiltzaile gehien dituen bigarrena (WhatsApp da lehenengoa), IAB Spain elkarteak urtero egiten duen Sare Sozialen Azterketaren (2021) arabera. Txosten horretan adierazten denez, Instagram da azken urtean gehien hazi den sare sozialetako bat, bereziki emakumeen eta gazteenen artean, eta huraxe da erabilera-maiztasunik handiena duen bigarrena (lehenengoa WhatsApp da berriz ere).

 

Horregatik, ez da harritzekoa negozio bat martxan jarri nahi duen edozein ekintzailek bi sare sozial horietan egon nahi izatea. Hala ere, Facebooken eta/edo Instagramen enpresa-profil bat ireki aurretik, profil hori “elikatu” egin behar dela izan behar dugu kontuan, eta horretarako, denbora eta ahalegina inbertitu behar dira gure aldetik.

Egia da, inbertitzeko nolabaiteko marjina badugu, zerbitzu hori agentzia espezializatu bati azpikontrata diezaiokegula, baina mikroETEak edo autonomoak bagara, seguruenik ez dugu izango zerbitzu hori kanporatzeko behar adina aurrekonturik, hasieran ez behintzat, eta guk geuk arduratu beharko dugu zeregin horretaz.

Kasu horietan, Facebooken eta Instagramen irudi ona izatea da onena, sare sozial horietan gure enpresaren kontua bisitatzen duten pertsonek gure negozioaren inpresio onuragarria izan dezaten, konfiantza eman diezaieten eta gurekin harremanetan jartzeko edo gure produktu eta/edo zerbitzu bat erosteko erabakian lagun diezaien.

Estrategia hori da gomendagarriena Facebooken eta Instagramen egon behar dugula sentitzen badugu (gure lehiakide guztiak hor daudelako), baina, aldi berean, denbora asko eskaini ahal izango ez diegula badakigu.

Eta nola lortzen da irudi ona Facebooken eta Instagramen?

  • Lehenik eta behin, ziurtatu behar dugu gure enpresaren Facebookeko eta/edo Instagrameko kontuko informazio guztiak ―izena, erabiltzailearen izena (@), profileko irudiak, deskribapena/bio, helbidea, ordutegiak, harremanetarako datuak, goiburuak…― behar bezala identifikatzen duela gure negozioa, beti eguneratuta dagoela eta gure markaren balioak islatzen dituela.
  • Bestalde, astean 1-3 argitalpen egin behar ditugu; astean argitalpen bat baino gutxiago eginez gero, “arreta nahikorik ez duen” profilaren irudia izango luke.
  • Era berean, sare sozial horietan argitaratzen ditugun testu, irudi eta bideoen kalitatea zaindu behar dugu, eta gure marka-irudiaren estilo eta tonu bera izan dezaten saiatu beharko dugu. Horretarako, oso garrantzitsua da zer kontatuko dugun eta noiz kontatuko dugun planifikatzea. Horrela, aurrez prestatu ahal izango ditugu gure argitalpenak, eta ez dugu azken orduan inprobisatzen ibili beharrik izango. Gainera, zenbait tresnak ―Facebook Business Suitek, adibidez― gure Facebookeko eta Instagrameko argitalpenak programatzeko aukera ematen digute.
  • Azkenik, erabiltzaileek gure argitalpenetan edo gure profilean egindako oharrei, zalantzei, kexei, balorazioei edo aipamenei arreta jarri beharko diegu, eta erantzuteko arrazoizko epe bat eman beharko dugu (gehienez 24-48 ordu astelehenetik ostiralera, eta 48-72 ordu asteburuan).

Ekintza horiekin, gure sare sozialak “bizirik” mantentzea lortuko dugu, gure egunerokotasunean denbora gehiegi eskaini gabe.

Hori bai, gure online presentzia areagotzeko Facebook eta Instagram erabili nahi ditugunean (gure jarraitzaileez haratago), edo kanal horiek gure negozioaren salmentak handitzeko erabili nahi ditugunean (erabiltzaileak gure webgunera edo gure negozio fisikora bideratuz), ekintza horiek ez dira nahikoak izango.

Helburu horiei aurre egiteko, beste ekintza batzuk gauzatu beharko ditugu. Uztailaren 5ean, ekintza horien berri emango dizuegu “Nola aprobetxatu Facebook eta Instagram gure salmentak handitzeko” web-mintegian. Web-mintegia No te pierdas en las redes marketin digitaleko agentziarekin lankidetzan eskainiko dugu, “Gaztenpresaren Astelehen Digitalak” zikloaren barruan.

Saioa Zoom plataforma bidez egingo da 15:30etik 17:00etara, eta bertan, bi sare sozial horiek eskaintzen dizkiguten funtzionalitateak ikusiko ditugu, gure negozioaren ospea areagotzeko eta gure salmentak sustatzeko Facebookeko eta Instagrameko denden, publizitatearen, promozio-ekintzen eta abarren bitartez.

Zain izango gaituzue!

Post gehiago irakurri.

Uztaila 29, 2021
Azken aste hauetan, #BerrituErronka-n parte hartu duten pertsonen ideia irabazleak erakutsi dizkizuegu gure sare sozialetan. Beren proposamenekin, ekimenak aurkeztu dituzte osasun-krisiak eragindako murrizketek gehien kaltetutako hiru sektoreetako negozioetarako. #BerrituErronka abian izan den aste hauetan, 50 ideia baino gehiago jaso ditugu, eta ideia horiek guztiek aurrera jarraitzeko lezio bat eman digute. Horrez gain, gogorarazi digute posible...
Uztaila 12, 2021
Batez ere WhatsApp denok daukagun zerbait delako. Bueno, agian ez denok, baina bai gehienok. Mundu osoko bederatzigarren postuan dago Espainia WhatsApp aplikazioaren erabilerari dagokionez: 30,5 milioi erabiltzaile, «Informe ditrendia: Mobile en España en el Mundo 2020» txostenaren arabera (Ditrendia txostena: mugikorren erabilera Espainian eta munduan 2020an). Bestalde, bezeroekin zuzeneko harremana izateko aukera eskaintzen duen doako...
Uztaila 5, 2021
Pandemia dela eta, onlineko denda bat martxan jartzea aztertu dute saltzaile txiki askok. Horrela, konfinamendu bat egongo balitz ere, bezeroei arreta ematen eta diru-sarrerak eskuratzen jarraituko lukete. Hala ere, onlineko salmentari ekin aurretik, kontu batzuk aztertu behar dira arreta handiz. Lehena eta garrantzitsuena honako hau da: argi izatea online saltzea beharrezkoa den gure negozioarentzat eta...
Ekaina 28, 2021
Gaur egun, Espainian Facebook da, oraindik ere, sare sozialik ezagunena eta erabiltzaile gehien dituen bigarrena (WhatsApp da lehenengoa), IAB Spain elkarteak urtero egiten duen “Sare Sozialen Azterketaren (2021)” arabera. Txosten horretan adierazten denez, Instagram da azken urtean gehien hazi den sare sozialetako bat, bereziki emakumeen eta gazteenen artean, eta huraxe da erabilera-maiztasunik handiena duen bigarrena...
Ekaina 23, 2021
Ekintzailetza abentura zirraragarria da, erronkaz betea. Zure negozio berria martxan jartzeko orduan, zalantza pila bat izango dituzu, eta horiei ahalik eta segurtasunik handienarekin erantzun beharko diezu arrakasta ziurtatzeko. Horregatik, arduratsua izan behar duzu, zure negozio berriaren xehetasun guztiak zehaztu behar dituzu eta aurrez aurre aurkituko dituzun erronken jakitun izan behar duzu. Erronka horietako bat, beharbada...
Ekaina 22, 2021
Bazenekien, Google My Business fitxari esker, zure enpresa Googlen emaitzen lehen orrian ager daitekeela, web-orririk ez baduzu ere? Eta, gainera, leku garrantzitsua eta nabarmena izango duzu bilatzailean. Jakina, hori ez da gertatuko edozein bilaketa motatan. Erabiltzaileak zuzenean zure negozioaren izen zehatza bilatzailean jartzen duenean baizik, edo pertsona batek zuk eskaintzen duzun zerbitzu, produktu edo marka...