×

Para instalar Gaztenpresa en tu iPhone pulsa y luego Añadir a pantalla de inicio.

Navegación limitada - Sin conexión

Nola prestatu LinkedIneko profil erakargarri bat

Share on facebook
Share on twitter
Share on linkedin
Share on whatsapp
Share on email

10 milioi erabiltzaile bost urtetan. Nork nahiko ez lituzke, ezta? Bada LinkedInek zifra horrekin itxi zuen 2017. urtea. Facebooken 23 milioiekin alderatuz gero asko ez iruditzea gerta liteke, baina izan ezazu kontuan xehetasun txiki bat: Marc Zuckerbergen konpainia orotariko sare bat da eta mundu guztia da ongietorria; LinkedIn, berriz, zuzendaritzako langileentzat, esparru guztietako profesionalentzat eta, oro har, langileen kolektiboarentzat bakarrik pentsatuta dago. Bertan, ezagutzak eta curriculumak partekatzen dira, lanpostuak eskaintzen dira, zerbitzu profesionalak kontratatzen dira… Mundu osoan 480 milioi bezero potentzial baino gehiago dituen lan arloko erakusleiho bat da.  Oraindik ez zaude ziur erregistratuta egoteak merezi duen ala ez? Seguru ezetz.

Baina, LinkedInen, beste gauza guztiekin gertatzen den gauza bera gertatzen da: ez da nahikoa profil profesional on bat izatea, eta hura behar bezala jantzi eta erakutsi behar da. Horretarako ez da nahikoa argazki polit bat aukeratzea eta zure curriculum osoa nabarmentzea. Honako alderdi hauek ere izan behar dira gogoan: bizirik mantendu behar duzu zure profila, eta elikatu eta edukia eskaini behar diozu. Beraz, presta zaitez jarraian eskainiko dizkizugun gomendioak gogoan hartzeko eta zure prestakuntzarekin bat datorren LinkedIneko profil bat izateko.

  1. Pertsonalizatu zure URL helbidea. Gai hau ez da negoziagarria: zure izen-abizenak gaineratzen dituen URL batek ez du zerikusirik edozein zenbakiz eta hizkiz osaturiko beste batekin. Beraz, sakatu Editatu Profila botoian, jarri zure izenaren azpian dagoen gaur egungo URL helbidearen gainean, eta itxaron ezarpenen ikonoa agertu arte. Klik egitean, Sortu URL pertsonalizatu bat aukera agertuko zaizu. Jarri zure izen-abizenak, baina jarraitu irakurtzen, beharbada lagungarria izango zaizun beste zerbait erantsi ahal izango baituzu.
  2. SEOk ondo funtzionatzen du LinkedInen. Keywords edo hitz gakoak sare honetan garrantzitsuak ez direla pentsatzen bazenuen, oker zaude: garrantzia dute, eta asko gainera. Zure aurkezpenean erabili eta modu egokian banatu behar dituzu zure profilean zehar; horregatik, ondo aukeratu behar dituzu. Horretarako, pentsatu zein diren zure lanbidearen termino nagusiak, hau da, zure bezero potentzial batek erabiliko lituzkeenak. Gero, saiatu zure profileko atal guztietan modu zentzudunean banatzen: zure URL pertsonalizatuan ere gainera dezakezu guztietan esanguratsuena.
  3. Elkartu zure sektoreko taldeetara. Oso garrantzitsua da zure sektoreko talde esanguratsuenetako batzuk identifikatzea, horiekin bat egin ahal izateko. Hori egite hutsarekin, zure kontaktuek albistea bera eta taldean egiten dituzun ekarpen guztiak jasoko dituzte. Gainera, talde sektorial batean egonda, gainerako bazkideekin harremanetan jarri ahal izango duzu.
  4. Partekatu informazio erabilgarria eta baliagarria. Sare profesional honetan asko balioesten dira ezagutzak, eta gomendioek ere funtzionatzen dute. Horregatik, eduki interesgarriak idatzi eta partekatu behar dituzu. Zure jarraitzaileentzako erreferentzia gisa finkatu ahala, zure argitalpenak gomendatu eta partekatuko dira, eta zure profila pertsona gehiagorengana iritsiko da.
  5. Sortu zure kontaktuen sarea. Ez gehitu kontaktuak edozein modutara: egin ezazu pixkanaka. Sendotu lehendik dituzunak eta zure sarea gehiago indartuko da. LinkedInera oraintxe iritsi bazara, gonbidatu aurrena sektoreko zure adiskideak eta pertsona ezagunak: gero ere izango duzu sarea hedatzen joateko denbora.
  6. Pertsonalizatu mezu elektronikoak. Dagoeneko fase “hedakor” batean bazaude, ziurta zaitez zure sarearekin konektatzeko bidaltzen dituzun mezu elektronikoak pertsonalizatuta daudela. Inork ez du gogoko sarearen mezularitza-zerbitzuak aurrez zehaztutako mezuak jasotzea, ezta? Horrenbestez, ahalegindu pixka bat eta saia zaitez pertsona hori berezi senti dadila lortzen.
  7. Erabili aipuak. Post bat argitaratzen duzunean, pertsona jakin batek edo batzuek hura irakurtzea nahi baduzu, bilatu horiek aipatzeko aitzakia egokia. Hala egiten duzunean, kontaktu horiek jakinarazpen bat jasoko dute eta zure iruzkina irakurriko dute. Aipu horiek egiteko, @ bakarrik erabili behar duzu, interesatzen zaizun kontaktuaren izenarekin batera.
  8. Erabili eduki grafikoa. Zure profila erakargarriagoa izan dadin, aurkezpenak eta bideoak gehitzea komeni da. Zure sektoreko gai garrantzitsuei buruzko infografiak, adibidez, oso elementu bisual eraginkorrak dira beste profesional batzuen arreta erakartzeko. Horretarako, aurrez aipatu dizkizugun zure bezeroen komunikazioak diseinatzeko oinarrizko tresnak erabil ditzakezu.
  9. Gehitu bideoak. Bideo edo bideoklip labur, atsegin eta, batez ere, bisual bat erabiltzea testu bikain bat baino askoz ere eraginkorragoa izan daiteke. Gogoratu, bideoak iruzkinak baditu, azpitituluak jarri beharko zenizkiokeela, Smartphoneen erabiltzaileek ere −normalean ez dituzte entzuten− horiek irakurri ahal izan ditzaten.
  10. Lortu gomendioak. Zuk eskaini diozun zerbitzuarekin pozik dagoen eta hura deskribatzen duen bezero baten gomendioa −gehiegi gogaitu gabe− elementu erabakigarria izan daiteke beste erabiltzaile batek kontrata zaitzan. Beraz, iradoki iezaiezu zure bezeroei. Minutu batzuk baino ez dituzte beharko.

Horrez gain, gogoratu LinkedInek ospe digitala doan ematen lagun diezazukeela; beraz, eskain iezaiozu denbora pixka bat eta aprobetxatu eskaintzen dizkizun abantailak.

Zure jarduera ekintzailearekin lotutako edozein zalantzarekin laguntza behar izanez gero, LABORAL Kutxaren zure bulegoan eta Gaztenpresaren webgunean aurkituko gaituzu. Baita sareetan ere: FacebookenTwitterren eta, nola ez, LinkedInen. Zain izango gaituzu!

Post gehiago irakurri.

Iraila 14, 2023
Maiatzaren amaieran ireki zuten Bilbon House Of Movement Experience (HOME) zentroa, entrenamendu pertsonal eta mugimendu egokiturako gunea. Proiektu horren atzean, Laura Leandro eta Noel Herresánchez ditugu, eta euren esperientzia ekintzailea kontatuko digute elkarrizketa honetan. Entrenamendu-zentro horretara joaten diren guztientzat “etxe” bihurtzeko asmoz sortu duzue HOME. Zer du bereizgarri zuen proposamenak ariketa fisikoa egiteko beste aukerekin...
Iraila 4, 2023
Bi emakume gazte ekintzaile hauek urte batzuk zeramatzaten Concha Calle Decoración dendan lanean, Portugaleten (Bizkaia) erreferentziazkoa den interiorismoko negozioa. Orain, jabeek erretiroa hartu dute, eta proiektuaren buru jartzea erabaki dute Cristinak eta Edurnek. Elkarrizketa honetan kontatuko digute prozesu hori nolakoa izan den.   Zein unetan erabaki zenuten dekorazioko eta interiorismoko denda honen jarduerarekin jarraitzea? Edurne:...
Uztaila 7, 2023
Gaur Leire Uretarekin hitz egingo dugu, Nukka dendaren sortzailearekin. Emakume eta gizonentzako marka anitzeko moda-denda da Nukka, duela hiru urte irekia Amorebieta-Etxanon (Bizkaia). Bere apustua outfit erosoak egitea da, estilo handiko jantziekin eta osagarriekin, Leirek 20 urte baino gehiagoko eskarmentua baitu retail sektorean. Baina utz diezaiogun berari kontatzen. Zergatik erabaki zenuen zeure arropa-denda martxan jartzea?...
Ekaina 7, 2023
Laida San Sebastianena izan zen Gaztenpresatik ekimenean jasotako azken testigantza. Gizarte arloan ia 20 urtez ekintzaile izan ondoren, orain Mondragon Unibertsitateko Eskola Politeknikoko ikasleekin partekatzen ditu bere ezagutzak eta esperientziak, Ekintzailetza Teknologikoko arduraduna baita han. “Ni naiz guztiari ‘bai’ esatearen asmatzailea”, aitortu zuen Laidak keinu bat eginez Andrea Fernandezek egin zuen aurreko mintzaldiari. Hain zuzen...
Maitza 31, 2023
Andrea Fernández-ena izan zen Gaztenpresatik ekimenean ezagutu genuen beste ekintzailetza-istorioetako bat. “Argentinar doinurik ez duen ekintzaile argentinarra eta erremediorik gabeko ibiltaria” da. Orain dela 20 urte baino gehiago etorri zen Andrearen familia Bilbora, hark hamabi urte baino ez zituenean. Bizitza pertsonalaren eta profesionalaren arteko orekari eusteak duen garrantziaz hitz egin zigun arlo anitz jorratzen dituen...
Maitza 23, 2023
Mahai-inguruaren ondoren, beren ibilbideko uneren batean Gaztenpresara gure aholkularitzaren bila etorri diren ekintzaileen benetako historiak entzuteko txanda iritsi zen Gaztenpresatik blogean. Hala, Elsa Pamparacuatro eta Keko Salvador ezagutu genituen, Iruñeko zirku-eskolan elkar ezagutu zuten bi artista. Amets bat zuten: Urdaibain zirku-eskola sortzea. Lehenengo aukera izan zen Gautegiz-Arteagan bizi ziren baserriko ukuilua egokitzea. “Han hasi ginen...