×

Para instalar Gaztenpresa en tu iPhone pulsa y luego Añadir a pantalla de inicio.

Navegación limitada - Sin conexión

Nola lortu ideia berriak negozio bati ekiteko edo negozioa berritzeko

gzt-como-generar-ideas
Share on facebook
Share on twitter
Share on linkedin
Share on whatsapp
Share on email

Batzuetan, zure negozioaren norabidea aldatu beharra senti dezakezu, hainbat arrazoi direla medio: zure produktua edo zerbitzua zaharkituta geratu delako, zure merkatu naturala ase dagoela ikusten duzulako, edo pairatzen ari garen krisiak bete-betean jo zaituelako, besteak beste.

Zure negozioa likidatu eta berriz hasteko tentazioa izan badezakezu ere, askotan komeni da egin duzun lana aprobetxatzea eta pertsiana behin betiko jaitsi aurretik oraindik geratzen zaizkizun aukera guztiak aztertzea. Zure negozioak ongi ez funtzionatzeak ez du esan nahi bere dohain guztiak bat-batean desagertu direnik, edo orain arte egin duzun ezerk ez dizula balio zenbaki beltzetara itzultzeko.

#JarraitzekoBerritzen eta zure izaera ekintzaileari probetxu guztia ateratzen jarduteko unea da eta, horretarako, kontuan izan behar dituzu zenbait elementu:

  • Gogoratu zein diren zure indarrak. Ez dituzu inoiz ahaztu behar zure hasierako proiektuaren indarrak, zure negozioa abiarazi zutenak. Alderantziz, ahalik eta gehien baliatu behar dituzu aukera berriak bilatzeko.
  • Bilatu kanpoko laguntza. Askotan, komeni da kanpoko ikuspuntuak bilatzea, gure kabuz ikusi ezin ditugun arazoak ikusten lagunduko digutenak. Coaching-lan on bat edo irtenbide berriak eskainiko dizkizun mentoring bat oso lagungarriak izan daitezke zure negozioa birbideratzeko orduan. Nolanahi ere, aukera bideragarri eta errentagarri bat aurkitzen lagunduko dizun talde aditu batez inguratzea komeni zaizu.
  • Egin ezazu zure ibilbidearen azterketa eta erreparatu zure lehiakideei. Hobetzeko edo aldatzeko, autokritika zintzoa egin eta zure eskumeneko ideia edo ereduek zergatik funtzionatzen duten aztertu behar duzu.
  • Egin aurre erabaki garrantzitsuei. Zure negozioarentzako une kritiko batean zaude, eta behar diren erabakiak hartzeko unea da, oso erradikalak iruditu arren. Ondo bideratuta badaude, funtsezkoak izan daitezke zure enpresari bultzada emateko.

Ideiak sortzeko metodoak

Behin prozesu horri aurre egiteko jarrera zehaztu ondoren, ideia berriak bilatzeko garaia izango da. Baina nola lor ditzakezu? Alboko marketinaren moduko teknikak lagungarriak izan daitezke sormena erabili eta produktu edo zerbitzu berritzaile eta hausleak diseinatzeko eta beste publiko-mota baten beharrak asetzeko. Horrez gain, badira zenbait metodo ideia sortzaileak asmatzeko eta zure apustu ekintzailea zehazten laguntzeko. Honako hauek dira horietako batzuk:

  1. Buru-mapa. Oso teknika hedatua da, pertsona edo talde baten sormena sustatzen duena, eta gai beraren inguruan azaldutako zenbait ideiari buruzko ikuspegi orokorra ematen duena. Ideia nagusi bat irudikatzean datza; ideia horretatik hainbat proposamen edo ideia osagarri abiatzen dira, adar gisa. Adibidez, zure maparen ideia nagusia «Zure negozioa birbideratzea» bada, ideia horretatik nola egin azaltzen duten adar grafikoak atera behar dira eta horietatik, aldi berean, alderdi zehatzagoak atera daitezke: diseinu-aldaketa, marketin-kanpaina, prezio berriak eta abar.
  2. PNI taula. Sormen-metodo honen helburua da egoera jakin bat modu objektiboan aztertzera behartzea, erabaki egokienak har ditzagun. PIN taulak hiru aukeratan sailkatzen ditu ideiak: positiboa, negatiboa edo interesgarria. Metodo hori taldean egiten da, aurretik sortu eta hautatu diren ideiak aztertzeko eta, hala, bahetze zehatzagoa egin ahal izateko.
  3. Molière teknika. Nobelagile frantsesaren izena duen arren, «begi garbien» teknika ere esaten zaio. Proiektuarekin zerikusirik ez duten pertsonen parte-hartzea bilatzen du, ikuspuntu freskoak eman ditzaten, enpresaren aurreko esperientziak «kutsatu» edo baldintzatu gabeak. Pertsona horiek hainbat esparrutatik etorri behar dute, eta lan-taldeak haien proposamenak aztertu eta iragaziko ditu negozioaren eta merkatuaren errealitatera egokitzeko.
  4. Da Vinci teknika. Teknika hau aplikatzeko, ez duzu pintatzen jakin behar: konpondu nahi duzun arazoan kontzentratu eta bururatzen zaizuna marraztu behar duzu gutxi gorabehera, xehetasunik gabe, sinboloak, ilustrazioak edo irudikapenak, zeuk nahi duzuna. Sorkuntza-prozesu hori amaitutakoan, marrazkiak modu laburrean definitu beharko dituzu, eta garatu nahi duzun proiektuaren inguruan ideia berriak sortu.

Teknika horiez gain, beste batzuk ere erabil ditzakezu zure taldearekin, hala nola ideia-jasa edo SCAMPER metodoa, eta Gaztenpresatik eskaintzen dizugun laguntzaz baliatu: gure mentoring-programa zure negozioa finkatzen edo emaitzak hobetzeko behar duzun norabidea ematen lagun diezazuketen enpresa-arloko profesionalek osatzen dute. Zatoz gurekin!

Post gehiago irakurri.

Ekaina 7, 2023
Laida San Sebastianena izan zen Gaztenpresatik ekimenean jasotako azken testigantza. Gizarte arloan ia 20 urtez ekintzaile izan ondoren, orain Mondragon Unibertsitateko Eskola Politeknikoko ikasleekin partekatzen ditu bere ezagutzak eta esperientziak, Ekintzailetza Teknologikoko arduraduna baita han. “Ni naiz guztiari ‘bai’ esatearen asmatzailea”, aitortu zuen Laidak keinu bat eginez Andrea Fernandezek egin zuen aurreko mintzaldiari. Hain zuzen...
Maitza 31, 2023
Andrea Fernández-ena izan zen Gaztenpresatik ekimenean ezagutu genuen beste ekintzailetza-istorioetako bat. “Argentinar doinurik ez duen ekintzaile argentinarra eta erremediorik gabeko ibiltaria” da. Orain dela 20 urte baino gehiago etorri zen Andrearen familia Bilbora, hark hamabi urte baino ez zituenean. Bizitza pertsonalaren eta profesionalaren arteko orekari eusteak duen garrantziaz hitz egin zigun arlo anitz jorratzen dituen...
Maitza 23, 2023
Mahai-inguruaren ondoren, beren ibilbideko uneren batean Gaztenpresara gure aholkularitzaren bila etorri diren ekintzaileen benetako historiak entzuteko txanda iritsi zen Gaztenpresatik blogean. Hala, Elsa Pamparacuatro eta Keko Salvador ezagutu genituen, Iruñeko zirku-eskolan elkar ezagutu zuten bi artista. Amets bat zuten: Urdaibain zirku-eskola sortzea. Lehenengo aukera izan zen Gautegiz-Arteagan bizi ziren baserriko ukuilua egokitzea. “Han hasi ginen...
Maitza 17, 2023
Duela egun gutxi batzuk gure 2022ko Memoria aurkeztu genuen Donostian. Izan ere, aurten Donostia Gizarte Ekonomiaren Hiriburu izendatu dute. Prentsaurrekoaren ondoren, Gaztenpresatik ekitaldia egiteko aprobetxatu genuen, hain zuzen ere, gure erkidego ekintzailea inspiratu, motibatu eta babesteko ekitaldia. Topaketa hau oso mamitsua izan zenez, eta ezer ez ahazteko, bertan gertatu zen guztia kontatzea erabaki dugu. Has...
Apirila 28, 2023
Gure inguruko errealitate soziala hobetzeko helburuari jarraikiz, Gaztenpresan 314 negozio berri abiarazten lagundu dugu 2022an, eta horiei esker 637 lanpostu sortu dira. Hori horrela izanik, ia 30 urteko ibilbide honetan, 6.578 enpresa eta 12.041 enplegu sortzen lagunduko dugu, eta LABORAL Kutxaren bitartez 192 milioi euro lortzeko aukera eman dugu, mailegutan. Datu horiek guztiak gure 2022ko...
Apirila 17, 2023
Guztion ahotan dago Adimen Artifiziala (AA), eta ChatGPT tresnari zor zaio bere ospearen zati handi bat. Tresna hori OpenAI enpresak merkaturatu zuen joan den urtearen amaieran, eta guztiok harrituta utzi gaitu galderei erantzuteko, elkarrizketak izateko eta testuak modu natural eta koherentean sortzeko duen eraginkortasunagatik eta zehaztasunagatik. Tresna horrek zer egin dezakeen ikus dezazuen, pentsatu dugu...