×

Para instalar Gaztenpresa en tu iPhone pulsa y luego Añadir a pantalla de inicio.

Navegación limitada - Sin conexión

Nola egin faktura bat

gzt-art-como-hacer-factura
Share on facebook
Share on twitter
Share on linkedin
Share on whatsapp
Share on email

Norberaren kontura lan egiten dutenek kontulari-lanak ere egin behar izaten dituzte aldian behin fakturak prestatzeko. Funtsezko egitekoa da autonomo edo enpresa txiki eta ertain guztientzat, baina baita aspergarria ere, zenbaki-kontuak atsegin ez badituzu behintzat.

Ekintzaileen eremuan sartu berri bazara, eta oraindik ere ez baduzu oso argi fakturetan zer sartu behar duzun eta nola presta ditzakezun errazago, hartu kontuan jarraian azalduko dizuguna.

Zer sartu behar da fakturan?

Faktura guztiek oinarrizko osagai batzuk izan behar dituzte.

Goiburua: faktura jaulkitzen duen pertsonaren datuak eta hartzaile den pertsonarenak edo enpresarenak jarri behar dira lehenbizi: batetik, zure izen-abizenak, helbidea eta IFZa edo IFKa, eta, bestetik, zure bezeroaren datuak.

Fakturaren zenbakia eta jaulkitze-data: ordenaturik egon behar dira eta jaulkitze-dataren araberakoak izan.

Kontzeptua: atal horretan, fakturatzen ari zaren produktuari edo zerbitzuari buruzko azalpena jarri behar duzu.

Guztizko partziala: zure zerbitzuen zerga aurreko prezioa da.

PFEZ atxikipena: autonomoa bazara % 15eko atxikipena gehitu behar duzu, araubide horretan alta eman berria ez bazara; izan ere, autonomo berriei % 7ko tasa murriztua dagokie lehenengo 18 hilabeteetan.

BEZa: kasu guztietan zure jarduerari dagokion BEZa sartu behar duzu, normalean % 21ekoa. Dagokizun BEZa egiaztatu nahi baduzu, begiratu taula honetan.

Zenbateko osoa: gehitu BEZa eta kendu PFEZ atxikipena Guztizko partzialari, eta bezeroak ordaindu behar dizun zenbatekoa lortuko duzu.

Ordainketa-metodoa: atal horretan banku-kontuaren zenbakia jarri behar duzu, ordainketa bertan egin diezazuten.

Nola egin fakturak errazago

Trikimailu batzuei esker denbora gutxiago beharko duzu fakturak prestatzeko:

Erabili txantiloiak. Zure fakturak erraz prestatzeko modurik onena da, ez baitituzu eremu guztiak aldiro bete beharko. Doako eredu mordoa dago Interneten.

Pertsonalizatu bezero bakoitzarentzako txantiloia. Betiere, akatsak saiheste aldera, ziurtatu faktura bakoitzari zenbaki zuzena jarri diozula.

Erabili beti kontzeptu generikoa, bezeroak aurkakorik eskatzen ez badizu.

Erabili fakturazio-programak. Kontabilitateko eta fakturazioko programa ugari dago hodeian, ekintzailetzaren alderik astunena eramangarri egiten laguntzen dutenak. Horien artean daude, besteak beste, Sage One, Factura directa eta Contasimple.

Noiz jaulki faktura bat

Faktura jaulkitzeko epea hartzaile-motaren araberakoa da. Hartzailea partikular bat bada, eragiketa burutzeko unean jaulki eta bidali behar da faktura. Baina faktura enpresa edo autonomo bati egiten bazaio, hurrengo hilabeteko 16. eguna baino lehen jaulki behar da.

Zer egin fakturaren kopia eskatzen badizute

Faktura originala galtzen bada edo hartzaileak bat baino gehiago baldin badira, kopiak egin behar dira. Originala galduz gero, kopiak datu berberak jaso beharko ditu, eta kopia dela adierazten duen ur-marka edo antzekoa izan beharko du. Fakturaren hartzaileak bat baino gehiago badira, zerga-oinarriaren eta bakoitzari dagokion kuotaren atala idatziz jaso beharko da bai originalean eta bai kopia guztietan.

Nola zuzendu jada jaulkita dagoen faktura bat

Faktura bat jaulki eta gero konturatzen bazara identifikazio-akatsak dituela, zenbatekoa edo BEZa gaizki kalkulatuta daudela, edo eskaera bat osorik edo partzialki itzuli bada, faktura zuzendua jaulki beharko duzu. Dokumentu horri beste zenbaki bat eta beste sail bat dagozkio, eta zuzendutako fakturaren identifikazio-datuak jaso beharko ditu.

Zer da proformako faktura

Faktura esaten bazaio ere, proformakoak ez du zerikusirik ezagutzen dituzun fakturekin, ez du zerga-baliorik ez kontabilitate-baliorik: merkataritza- edo salerosketa-eragiketaren aurretik egiten da eta azken fakturan jarriko diren xehetasunak jasotzen ditu. Baina proformako faktura informazio-dokumentua besterik ez da, eta, horregatik, argi eta garbi adierazi beharko du hala dela, eragiketa burutzean jaulkiko duzun benetako faktura arruntarekin ez nahasteko.

Gogoratu, laguntza behar baduzu fakturak egiteko edo zure enpresaren administrazio-lanetan, Gaztenpresan prestakuntza-tailerrak eskaintzen dizkizugu, zure negozioari bultzada emateko falta zaizkizun ezagutzak zeureganatu ditzazun.

Post gehiago irakurri.

Otsaila 23, 2023
Iazko abenduaren 23an argitaratu zen BOEn enpresa emergenteen ekosistema sustatzeari buruzko legea, startupei buruzko lege bezala ezagunagoa dena. Estatua pertsona ekintzaileentzat eta horrelako negozioetan interesa duten inbertitzaileentzat helmuga erakargarri bihurtu dadila lortzea da arau berri honen helburua, hau da, enpresa berritzaile sortu berrietan, oinarri teknologikoa dutenetan, hazkunde bizkorrekoak direnetan eta negozio-eredu eskalagarri bat dutenetan interesatuta...
Otsaila 17, 2023
Aurten ere, Gaztenpresaren Astelehen Digitalak itzuliko dira, marketin digitaleko “No te pierdas en las redes” agentziak online ematen dituen prestakuntza-saioak. Saio hauetan, zure negozioaren eremu digitalarekin lotutako gaiak eguneratu ahal izango dituzu. Ordu edo ordu eta erdi inguruko iraupena duten tailer horietan, zure negozioan erantsi ditzakezun baliabide digitalen ikuspegi orokorra lortuko duzu. Izan ere, kontua...
Azaroa 30, 2022
Estatuko enpresen erdia baino gehiagok azken urtean zibereraso bat jasan dutela onartzen dute. Ezagutzen zenuen datu hau? Ezagutzen dituzu Phising, Vishing edo Smishing kontzeptuak? Artikulu honetan, Lautik IT Solutions hori eta askoz gehiago kontatu digu. Konponbide teknologikoetara eta eraldaketa digitalera bideratutako enpresa honek iaz Gaztenpresaren mentoretza-programan parte hartu zuen. Zibersegurtasunaren Eguna dela eta, negozio bat...
Iraila 16, 2022
Ekintzailetzaren igerilekuan murgildu aurretik, urik badagoen egiaztatu beharra dago; gure kasuan, horrek esan nahi du arrisku-analisia gauzatzea eta negozio-plana egitea. Gogoan izan ezazu negozio-plana edo enpresa-plana oso tresna baliagarria dela eta laburbildu behar duela enpresa-proiektu berria nolakoa den eta jaso egin behar dituela negozio arrakastatsu bihurtuko duten helburuak, identitatea eta funtzionamendua. Gainera, une oro gidatuko...
Uztaila 29, 2022
HALO Donostia hiru erizain elkartzetik sortutako proiektua da; hirurek ekiteko gogoa zuten, eta bereziki, erizaintzako zein dermoestetikako sektoreko egungo eskaintzari buelta emateko asmoa. Kooperatiben hilabetean, Halo Donostia-tik eman digute haien historiaren eta lehen urratsen berri.   HALO Donostia “estetika aurreratuko tratamenduetan espezializatutako erizaintza-zentro” moduan definitzen da. Azalduko zenigukete zertan datzan, eta zein den zuen balio...
Uztaila 15, 2022
Modu juridiko askotan gauzatu daitekeen proiektu ekintzaile bat: autonomoa, sozietate mugatua, kooperatiba… Ingravity Dreams elkarrizketatuko dugu Kooperatiben Nazioarteko Eguna dela-eta, Gaztenpresaren eskutik bere enpresa-ibilbideari ekin zion abereen ongizatera zuzendutako zentroa, hain zuzen ere.   Zer da Ingravity Dreams eta nola sortu zen? Abereen ongizatea da Ingravity Dreams. Gure abereak fisikoki indarberritzeko teknika naturaletan espezializatutako lekua,...