×

Para instalar Gaztenpresa en tu iPhone pulsa y luego Añadir a pantalla de inicio.

Navegación limitada - Sin conexión

Negozioari baja eman nahi diot, zer egin behar dut?

gzt-art-baja-negocio
Share on facebook
Share on twitter
Share on linkedin
Share on whatsapp
Share on email

Lan-norabidea aldatu nahi duzu? Negozio bat itxi behar duzu? Baja eman nahi diozu eta ez dakizu nola? Lehenik eta behin, gogoratu: horrelakoak gertatu egiten dira. Arrakastarik izan ez duen abentura pertsonala bada, ondorio egokiak ateratzea gomendatzen dizugu, erantzukizunez eta errudun sentitu gabe, eta ez etsi.

Gaztenpresan, enpresa-proiektuaren fase guztietan laguntzen dizugu, eta, badakigunez agian ekintzailetzaren abentura ez dela uste bezain ondo aterako, negozioari baja emateko prozesuan ere lagundu egin nahi dizugu. Zure negozioari baja eman behar badiozu, zer egin behar duzun erakutsiko dizugu jarraian.

Eman beharreko pausoak

Negozioa abian jartzean eman zenituen urratsetan atzera egin behar duzu:

  1. Zure zerga-egoitzari dagokion foru-ogasunera jo behar duzu lehenbizi. Han, baja egin behar duzu, eta negozioaren jarduera bertan behera utzi duzula jakinarazi, 036 edo antzeko dokumentu baten bidez, ogasun bakoitzak erabiltzen duenaren arabera.
  2. Ondoren, Gizarte Segurantzara joan beharko duzu. Han, Norbere Konturako Langileen eta Autonomoen Araubide Berezian (LAABean) baja egitea izango da zure azken eginbeharra; hau da, jarduera utzi duzula jakinaraztea Gizarte Segurantzari. Eta, aurreko izapideak eginda, baja-eskaera egiteko ATA.0521 dokumentua bete beharko duzu.

Kontuan izan izapide horiek online egin daitezkeela.

Epeak

Dagokizuna baino gehiago ordaindu nahi ez baduzu, kontuan hartu beharko dituzu ibilbide hori egiteko dituzun epeak. Demagun uztailean gaudela. Abuztuan zerga edo tasarik ordaindu nahi ez baduzu, jarduera uztailaren 30ean utzi duzula jarri beharko duzu. Data horretatik aurrera, 6 egun natural bakarrik izango dituzu Gizarte Segurantzan zure baja aurkezteko. Behar bezala egindako bajak —hau da, garaiz eta forman egindakoak— jarduera utzi eta hurrengo hilaren 1etik aurrera izango dira eraginkorrak. Baina baja-eskaera LAABean aurkezten ez baduzu, ez du axola jarduera utzi duzun ala ez: Gizarte Segurantzaren arabera lanean jarraitzen duzu eta, beraz, dagokizun hileko kuotak kotizatzen jarraitu beharko duzu.

Kontuz: bankuari kuota horiek ordaintzeari uzteko agindua eman badiozu eta besterik egin ez baduzu, Estatuarekiko zorra metatzen joango zara, eta horrek ez du etenik izango, harik eta Gizarte Segurantzako Diruzaintza Nagusiari jarduera utzi duzula jakinarazi arte.

Hori, zeure kontura lan egiten baduzu. Baina mikroenpresa bat baduzu, 6 langile baino gutxiagokoa, edo ETE bat, kontratu-kontu jakin batzuk konpondu beharko dituzu. Horri buruzko azalpena luzeagoa da.

Hemendik aurrera egin ezin duzuna eta egin behar ez duzuna

Jarduera uzten duzula jakinaraztean, zure enpresa- edo lanbide-jarduna behin betiko utzi duzula adierazten duzu; hau da, zure enpresa edo negozioa iraungi egin dela. Une horretatik aurrera:

  • Ezingo duzu fakturarik jaulki edo jaso.
  • Ez duzu kontabilitate-ohar gehiago egin behar erregistro-liburuetan.
  • Era berean, ez duzu urteko kontuak legeztatu eta gordailutu beharrik izango.
  • Azkenik, ez duzu aurkeztu beharko zure jarduerarekin lotutako aldizkako zerga-aitorpenik, jarduera abian zeneukan ekitaldiko zatiari dagozkionak bakarrik.

Gainera, zenbait betebehar dituzu, hala nola negozioaren liburuak, korrespondentzia, dokumentazioa eta frogagiriak 6 urtez gordetzea, azken idazpena egin zenetik. Ondo antolatuta, betiere. Jarduera utzitakoan ere jarraitu egingo duzu betebehar hori izaten. Are gehiago: heriotza-kasuan, zure jaraunspena jasotzen duten oinordekoek egin beharko diote aurre erantzukizun horri.

Zorrak

Azken kontu bat. Kontuan izan, beti, zure negozioaren ondoriozko legezko erantzukizunen arabera, zure oraingo eta etorkizuneko ondare osoarekin erantzun beharko diezula jardueran zehar egin dituzun zorrei.

Zorionez, 2013ko irailean indarrean sartu zen Ekintzaileak eta haien nazioartekotzea laguntzeko Legeak hein batean arindu egin du hori. Legeak figura berri bat finkatu du, Erantzukizun Mugatuko Ekintzailearena, eta, horren bidez, baldintza jakin batzuen arabera, zorren ondorioz zure ohiko etxebizitza enbargatzeko aukera saihets dezakezu. Hortaz, zure enpresa-abenturaren arriskuak ez dio zeure familiari zuzenean eragingo.

Gaztenpresan enpresa-proiektuei ibilbide osoan laguntzen diegu: ideia sortzean finantzaketan eta negozioaren finkapenean. Beraz, badakigu gauza horiek gertatu egiten direla. Horregatik, negozio hori modu egokian ixten lagundu nahi dizugu, hurrengo batean beste bati ekiten diozunean, ikasi duzuna indarrean jar dezazun. Gure laguntzarekin; hori nahiko genuke!

Post gehiago irakurri.

Otsaila 23, 2023
Iazko abenduaren 23an argitaratu zen BOEn enpresa emergenteen ekosistema sustatzeari buruzko legea, startupei buruzko lege bezala ezagunagoa dena. Estatua pertsona ekintzaileentzat eta horrelako negozioetan interesa duten inbertitzaileentzat helmuga erakargarri bihurtu dadila lortzea da arau berri honen helburua, hau da, enpresa berritzaile sortu berrietan, oinarri teknologikoa dutenetan, hazkunde bizkorrekoak direnetan eta negozio-eredu eskalagarri bat dutenetan interesatuta...
Otsaila 17, 2023
Aurten ere, Gaztenpresaren Astelehen Digitalak itzuliko dira, marketin digitaleko “No te pierdas en las redes” agentziak online ematen dituen prestakuntza-saioak. Saio hauetan, zure negozioaren eremu digitalarekin lotutako gaiak eguneratu ahal izango dituzu. Ordu edo ordu eta erdi inguruko iraupena duten tailer horietan, zure negozioan erantsi ditzakezun baliabide digitalen ikuspegi orokorra lortuko duzu. Izan ere, kontua...
Azaroa 30, 2022
Estatuko enpresen erdia baino gehiagok azken urtean zibereraso bat jasan dutela onartzen dute. Ezagutzen zenuen datu hau? Ezagutzen dituzu Phising, Vishing edo Smishing kontzeptuak? Artikulu honetan, Lautik IT Solutions hori eta askoz gehiago kontatu digu. Konponbide teknologikoetara eta eraldaketa digitalera bideratutako enpresa honek iaz Gaztenpresaren mentoretza-programan parte hartu zuen. Zibersegurtasunaren Eguna dela eta, negozio bat...
Iraila 16, 2022
Ekintzailetzaren igerilekuan murgildu aurretik, urik badagoen egiaztatu beharra dago; gure kasuan, horrek esan nahi du arrisku-analisia gauzatzea eta negozio-plana egitea. Gogoan izan ezazu negozio-plana edo enpresa-plana oso tresna baliagarria dela eta laburbildu behar duela enpresa-proiektu berria nolakoa den eta jaso egin behar dituela negozio arrakastatsu bihurtuko duten helburuak, identitatea eta funtzionamendua. Gainera, une oro gidatuko...
Uztaila 29, 2022
HALO Donostia hiru erizain elkartzetik sortutako proiektua da; hirurek ekiteko gogoa zuten, eta bereziki, erizaintzako zein dermoestetikako sektoreko egungo eskaintzari buelta emateko asmoa. Kooperatiben hilabetean, Halo Donostia-tik eman digute haien historiaren eta lehen urratsen berri.   HALO Donostia “estetika aurreratuko tratamenduetan espezializatutako erizaintza-zentro” moduan definitzen da. Azalduko zenigukete zertan datzan, eta zein den zuen balio...
Uztaila 15, 2022
Modu juridiko askotan gauzatu daitekeen proiektu ekintzaile bat: autonomoa, sozietate mugatua, kooperatiba… Ingravity Dreams elkarrizketatuko dugu Kooperatiben Nazioarteko Eguna dela-eta, Gaztenpresaren eskutik bere enpresa-ibilbideari ekin zion abereen ongizatera zuzendutako zentroa, hain zuzen ere.   Zer da Ingravity Dreams eta nola sortu zen? Abereen ongizatea da Ingravity Dreams. Gure abereak fisikoki indarberritzeko teknika naturaletan espezializatutako lekua,...