NEGOZIOAK ESKUALDATZEA

Gaztenpresa
NEGOZIOAK ESKUALDATZEA

Enpresa-munduan bidaia bati ekitea ari bazara pentsatzen, baina hutsetik hasi nahi ez baduzu, hauxe da zure geltokia! Beste batzuek martxan jarri duten eta gainera errentagarria den negozio bat erostea izan daiteke zure aukera.

Halaber, zure bidaia amaitu dela uste baduzu eta zure negozioa beste batek har dezan nahi baduzu, beste bati eskualdatzea ere kudea dezakegu. Norabidea aldatu eta lekukoa lagatzea modu polita da zure negozio-ideiari beste bizitza bat emateko.

TRASPASO-Cabecera

Zer da negozioak eskualdatzea?

Negozio baten jarduera ekonomikoa beste bati lagatzea da eskualdatzea.

Funtsean, jabeak lokal bat du alokatuta, eta alokairu-kontratua lagatzea erabakitzen du. Interesdunek lagapen-kontratu bat sinatzen dute, eta kontratu horrek lokalean dagoen eta jarduera ekonomikorako beharrezkoa den guztia hartzen du barne.

Horren ondorioz, eskualdaketetan, aldeetako batek negozioa lagatzen du eta besteak eskuratu egiten du, berriro irekitzeko asmoarekin. Lehen atalean, eskualdatutako negozio bat eskuratu nahi duten ekintzaileei erreparatuko diegu.

Eskualdatutako negozio bat berriz irekitzea

Hau izan daiteke zure ekintzailetzarako aukera. Aukera honi esker, bizitza berria ematen diozu dagoeneko martxan dagoen negozio bati. Aukera ona izan daiteke errentagarria den eta bilatzen duzunarekin bat datorren negozio bat hartzea eskualdaketa bidez. Zergatik hasi hutsetik? Hartu beste pertsona baten lekukoa, eta lortu egiaztatuta dagoen negozio bat.

Negozio bat berriz irekitzearen abantailak

  • Denbora eta inbertsioa aurreztea.
  • Aurretiko ezagutzak.
  • Jardueraren eta markaren publizitatea eginda.
  • Bezeroak finkatuta.
  • Merkataritza-hornitzaileak lotuta.

Zertan datza eskualdatze-prozesua?

Eskualdaketa bat onartu aurretik, zalantza asko izan ditzakezu. Zeure buruari egiten dizkiozun galdera horien guztien aurrean, badago lasaitasuna emango dizun formula bat: Hauek dira aztertu behar ditugun alderdirik garrantzitsuenak:

  • Lokalaren kokapena.
  • Lokalaren egoera eta erreformak.
  • Ohiko bezeroak.
  • Marka eta ospea.
  • Antzeko edo hurbileko negozioen eskualdatze-balioa.

Zer zerga ordaindu behar dituzu?

Negozio osoa eskualdatzen bada, negozioaren eskualdatze-akzioek ez dute balio erantsiaren gaineko zerga (BEZa) ordaintzen, ez eta ondare-eskualdaketen gaineko zerga (OEZ) ere.

Aitzitik, negozioaren zati bat soilik lagatzen bada, BEZa ordaindu beharko da akzioengatik, eta OEZ, ibilgailu eta higiezinengatik.

Zer jakin behar duzu lagapen-kontratuari buruz?

Negozioak lokalaren jabearen baimenik gabe eskualda daitezke.

Hala ere, gogoan izan kontratua sinatu eta hilabeteko epean jakinaren gainean jarri behar duzula jabea. Eta komeni zaizu, zeren eta jabeak edozein unetan eska baitezake errenta % 20 igotzea.

Eskualdatutako negozio bat berriz ireki nahi dut

Zure negozioa ekintzaile bati lagatzea

Enpresa bat duzu eta eskualdatu egin nahi duzu? Negozioa eskualdatzea aukera bat izan daiteke, zure establezimendua saldu edo itxi nahi ez baduzu. Denbora-falta edo erretiroa izaten dira eskualdatu nahi izateko arrazoirik ohikoenetako batzuk.

Zertan datza eskualdatze-prozesua?

  • Negozioa baloratzea. Garrantzitsua da jakitea negozioak merkatuan zer balio izan dezakeen, eta antzeko beste negozio batzuk zer preziotan eskualdatu diren.
  • Gutxieneko eta gehieneko salmenta-zifrak finkatzea. Prezioan, azpiegitura, stocka eta bezeroak ere sartu behar dira.
  • Negoziatzea.
  • Intentzioen gutuna sinatzea.
  • Due diligencea. Negozioari buruzko kanpoko ikerketa-prozesua da.
  • Lagapen-kontratua sinatzea.

Nire negozioa eskualdatu nahi dut

Eskualdatu zure negozioa edo berriz ireki negozio bat

Bete inprimaki hau. Aukeratu zure kasua, eta interesatuta dagoen negozio edo ekintzaile batekin harremanetan jartzen lagunduko dizugu.

ZURE DATU PERTSONALEN TRATAMENDUARI BURUZKO INFORMAZIOA Arduraduna: GAZTENPRESA FUNDAZIOA Helburua: Negozio bat eskualdatzeko edo erosteko interesa duten pertsonei aholkuak ematea. Eskubideak eta informazio gehigarria: Zure eskubideak nola erabili eta zure datuen tratamenduari buruzko informazio gehigarria kontsulta dezakezu gure pribatutasun-politikan.