×

Para instalar Gaztenpresa en tu iPhone pulsa y luego Añadir a pantalla de inicio.

Navegación limitada - Sin conexión

Negozio Plan on baten gakoak

Share on facebook
Share on twitter
Share on linkedin
Share on whatsapp
Share on email

Negozio Plana edozein ekintzailetza-abenturaren kanpamentu nagusia da, abiapuntua. Dokumentu horrek gai izan behar du enpresa-proiektu berriaren izaera laburbiltzeko eta proiektu hori negozio arrakastatsu bihurtuko duten helburuak, identitatea eta funtzionamendua jasotzeko. Hainbat arrazoi daude Negozio Plan on bat diseinatzeko:

  • Enpresaren funtzionamendu-gakoak finkatzen ditu.
  • Enpresaren egitura eta antolamendua zehazteko aukera ematen du.
  • Ahuleziak, Mehatxuak, Indarrak eta Aukerak (AMIA) identifikatzen laguntzen du.
  • Enpresaren funtzionamendua eta alternatibak finkatzen laguntzen du.

Dokumentu hau oso garrantzitsua da; izan ere, banku-mailegu baten emakida arinduko duen funtsezko elementua edo inbertitzaile pribatu bat proiektu batean inplikatzera bultzatzeko falta zen xehetasuna izan daiteke. Gainera, baliagarria da sustatzaileei negozio berria abenturarik eta inprobisaziorik gabe garatzen laguntzeko gida gisa.

Negozio Planaren egitura

  1. Produktua edo zerbitzua zehaztea: lehenik eta behin, zure negozio-ideia zertan datzan, zer merkatu-premiei erantzungo dien, zer arazo konponduko dituen eta egungo eskaintzaren aldean zer berritasun ekarriko dituen zehaztu behar duzu. Zehaztu alde onak eta txarrak, eta azaldu nola egingo zeniekeen aurre sortutako arazoei. Horrek guztiak zure merkataritza-identitatea zehazten lagunduko dizu.
  2. Lantaldea: zerbitzu edo produktu bereizi bat lortzeko, negozio-berrian lan egingo duten pertsonen kopurua mugatu eta zer lan-arlotan egongo diren atxikita zehaztu behar duzu.
  3. Merkatu-analisia: aztertu zehatz-mehatz zure enpresa ezarriko den sektorea eta zehaztu nolakoak diren zure bezeroak izan litezkeenak, erosteko dituzten motibazioak, gustuak, erosteko ahalmena eta abar. Deskribatu zure bezeroak izan litezkeenen profila eta bideratu zure produktua haiengana. Gakoa esparru gehiegitara iristen ez saiatzea eta zure targeta era egokian eta errealistan bideratzea da.
  4. Negozio-eredua: zure bezeroak izan litezkeenak zehaztu ondoren, azaldu zure balio-proposamena eta erabiltzailearen ikuspegitik zure negozioan benetan bereizgarria dena, eta zehaztu erabiliko dituzun marketin-estrategiak eta salmenta-estrategiak. Puntu horretan, diru-sarrerak sortzeko erabiliko duzun metodoa eta horretarako beharrezkoak diren baliabideak zehaztu behar dituzu.
  5. Finantza-plana: negozio-ideia batek, ona ez ezik, errentagarria ere izan behar du; horregatik, ideiaren bideragarritasun ekonomikoa egiaztatu behar duzu. Iildo horretan, zure negozioa nola monetizatuko duzun azaldu eta merkatu-aurreikuspen onak zifretara eraman beharko dituzu, salmenta-prezioa, kostuak, marjinak eta gastuak barnean hartuta.
  6. Arriskuen azterketa: negozio-plan bat errealista izan dadin, enpresaren arriskuen aurreikuspen eta ebaluazio erreal bat bildu behar du, baita arrisku horiei aurre egiteko erabiliko dituzun tresnak ere. Espero ez zenituen arazoak konpontzeko B plana, alegia.
  7. Inplementazio-plana: puntu honetan, negozio berria abian jartzeko modua eta negozioaren denborak eta faseak zehaztu behar dituzu, merkatuan behar bezala inplementa dadin.

Negozio Plana zure ekintzailetza-abenturari hasiera emateko tresnarik garrantzitsuenetako bat da. Dokumentuak osatuta eta xehatuta egon behar du. Zenbaitetan, Egikaritze Laburpen batekin osatzen da, eta, bertan, alderdi garrantzitsuak eta nagusiak biltzen dira eta zure enpresa berria zergatik den bideragarria azaltzen da labur-labur.

Eta zure Negozio Plana lantzeko zailtasunak badituzu, ez kezkatu. Zatoz Gaztenpresara eta zure ekintzailetza-abentura gauzatzeko behar duzun laguntza eskainiko dizugu: prestakuntza-ikastaroak, mentoring-programak eta finantzaketa-baldintza bereziak. Ez izan zalantzarik: utz iezaguzu zure negozio-proiektua errealitate bihurtzen.

Post gehiago irakurri.

Uztaila 29, 2021
Azken aste hauetan, #BerrituErronka-n parte hartu duten pertsonen ideia irabazleak erakutsi dizkizuegu gure sare sozialetan. Beren proposamenekin, ekimenak aurkeztu dituzte osasun-krisiak eragindako murrizketek gehien kaltetutako hiru sektoreetako negozioetarako. #BerrituErronka abian izan den aste hauetan, 50 ideia baino gehiago jaso ditugu, eta ideia horiek guztiek aurrera jarraitzeko lezio bat eman digute. Horrez gain, gogorarazi digute posible...
Uztaila 12, 2021
Batez ere WhatsApp denok daukagun zerbait delako. Bueno, agian ez denok, baina bai gehienok. Mundu osoko bederatzigarren postuan dago Espainia WhatsApp aplikazioaren erabilerari dagokionez: 30,5 milioi erabiltzaile, «Informe ditrendia: Mobile en España en el Mundo 2020» txostenaren arabera (Ditrendia txostena: mugikorren erabilera Espainian eta munduan 2020an). Bestalde, bezeroekin zuzeneko harremana izateko aukera eskaintzen duen doako...
Uztaila 5, 2021
Pandemia dela eta, onlineko denda bat martxan jartzea aztertu dute saltzaile txiki askok. Horrela, konfinamendu bat egongo balitz ere, bezeroei arreta ematen eta diru-sarrerak eskuratzen jarraituko lukete. Hala ere, onlineko salmentari ekin aurretik, kontu batzuk aztertu behar dira arreta handiz. Lehena eta garrantzitsuena honako hau da: argi izatea online saltzea beharrezkoa den gure negozioarentzat eta...
Ekaina 28, 2021
Gaur egun, Espainian Facebook da, oraindik ere, sare sozialik ezagunena eta erabiltzaile gehien dituen bigarrena (WhatsApp da lehenengoa), IAB Spain elkarteak urtero egiten duen “Sare Sozialen Azterketaren (2021)” arabera. Txosten horretan adierazten denez, Instagram da azken urtean gehien hazi den sare sozialetako bat, bereziki emakumeen eta gazteenen artean, eta huraxe da erabilera-maiztasunik handiena duen bigarrena...
Ekaina 23, 2021
Ekintzailetza abentura zirraragarria da, erronkaz betea. Zure negozio berria martxan jartzeko orduan, zalantza pila bat izango dituzu, eta horiei ahalik eta segurtasunik handienarekin erantzun beharko diezu arrakasta ziurtatzeko. Horregatik, arduratsua izan behar duzu, zure negozio berriaren xehetasun guztiak zehaztu behar dituzu eta aurrez aurre aurkituko dituzun erronken jakitun izan behar duzu. Erronka horietako bat, beharbada...
Ekaina 22, 2021
Bazenekien, Google My Business fitxari esker, zure enpresa Googlen emaitzen lehen orrian ager daitekeela, web-orririk ez baduzu ere? Eta, gainera, leku garrantzitsua eta nabarmena izango duzu bilatzailean. Jakina, hori ez da gertatuko edozein bilaketa motatan. Erabiltzaileak zuzenean zure negozioaren izen zehatza bilatzailean jartzen duenean baizik, edo pertsona batek zuk eskaintzen duzun zerbitzu, produktu edo marka...