×

Para instalar Gaztenpresa en tu iPhone pulsa y luego Añadir a pantalla de inicio.

Navegación limitada - Sin conexión

Zure negozio-ideia gauzatzeko tresnak

Share on facebook
Share on twitter
Share on linkedin
Share on whatsapp
Share on email

Ekintzaile batek aditua izan behar du bere lanbide-arloan eta jakin behar du nola eraman aurrera negozio-ideia errentagarri bat. Baina, horrez gain, beste gai batzuei buruzko ezagutzak ere izan behar ditu, hala nola kontabilitateari, diseinuari, web-garapenari eta enpresa-gestioari buruzkoak. Zure baliabideen bidez arlo horiek kontratatzeko bezain zorionekoa ez bazara, horiek guztiak bideratzen lagunduko dizuten tresna batzuk daude, zure negozio-ideia gauzatzeko aukera izan dezazun.

Webgunea

Bill Gatesek, Microsofteko sortzaileak, honako hau esan zuen behin: «Zure negozioa Interneten ez badago, ez da existitzen». Izan ere, sarean sartzea da egin behar duzun lehen gauza, baita ekintzailetzara iritsi berria bazara ere. Zure bisita-txartela da, besteek zu bilatzeko izango duten erreferentzia. Horregatik, webgune bat agintzeko besteko baliabiderik ez baduzu, zuk zeuk egin dezakezu, WorldPressen bidez. CMS edo Edukiak Gestionatzeko Sistema hori guztietan osoena, eskuragarriena eta errazena da. Dena batean biltzen du eta aukera hauek eskaintzen dizkizu:

  • Webguneak editatzekoa.
  • Blogak mantentzekoa.
  • Onlineko denda bat sortzekoa.
  • Dokumentu-zorroak, arte-galeriak eta halako formatuak diseinatzekoa.

Sistema hori erabiltzeko ez duzu HTML hizkuntzari buruzko ezagutzarik izan behar. Gainera, doakoa da, eta munduko webgune komertzialen laurdenek baino gehiagok erabiltzen dute. Funtsezko tresna da edozein ekintzailerentzat.

Marketin digitala

Zure negozioak askotariko bezeroak baditu xede, marketin digitaleko tresna batzuk aise erabili beharko dituzu. Badira hiru bereziki garrantzitsuak, zure bezeroekiko kontaktua erosotasunez eta efizientziaz gestionatzeko eta zure negozioa erakargarria izateko:

MailChimp. Marketineko posta elektronikoko programa hori ezinbestekoa da zure bezeroei mezu pertsonalizatuak baina, aldi berean, masiboak bidaltzeko. Era berean, aukera ematen dizu newsleterrak sortzeko eta zure kanpainen jarraipena egiteko. MailChimpek doako bertsio bat du. Haren bidez, 2.000 harpiderainoko datu-baseak kudeatu eta hilean gehienez 12.000 mezu elektroniko bidali ahal izango dituzu.

Hootsuite. Sare sozialak zure bezeroekin kontaktua izateko eta zure eskaintzen berri emateko biderik zuzenenetako bat dira, eta Hootsuite funtsezko tresna da hori guztia modu bateratuan egiteko. Haren bidez, argitalpenak hainbat saretan programatu, zure jarraitzaileekin elkarreragina izan eta edukien jarraipena egin ahal izango duzu. Horrela, denbora irabazi eta Social Mediako estrategia egokia garatuko duzu.

Canva. Bizitza osoan Gabonetako zorion-txartel bat bera ere diseinatu ez baduzu, baina sare sozialetan komunikazio erakargarriak, flyerrak, postak eta halakoak egin behar badituzu, Canva ezin hobea da. Doakoa da eta milaka txantiloi eta baliabide eskaintzen ditu, oso diseinu txukunak egiteko.

Kontabilitatea

Edozein ekintzailek denetarik jakin behar du, baita kontabilitate-gestioaz ere. Alegra hodeiko kontabilitate-softwarea da, eta mundu horretan lehen pausoak ematen lagunduko dizu. Haren bidez, honako hauek egin ahalko dituzu:

  • Fakturak sortu, eraman eta administratu.
  • Sarrerak eta gastuak kudeatu.
  • Bankuko kontuak berdinkatu.
  • Inbentarioak antolatu eta kontrolatu.
  • Zure bezero eta hornitzaileei buruzko informazioa antolatu.

Eta, appari esker, edonondik egin ahalko duzu hori guztia, gainera.

Freelance laguntzaileak

Beste enpresa batzuei zerbitzu profesionalak eskaintzen dizkiezun freelancea bazara, edo negozio txikia baduzu eta kanpoko laguntzaileak behar badituzu, Fiverr oso tresna erabilgarria da, milaka freelance laguntzailerekin harremanetan jarriko baitzaitu, besteak beste honako hauek egiteko:

  • Zure sare sozialetako edukiak.
  • Bide- eta animazio-zerbitzuak.
  • Programazio-lanak.
  • Itzulpen-zerbitzuak.

Eta tresna horiek zure negozioa martxan jartzen laguntzeko nahikoak ez badira, jar zaitez harremanetan Gaztenpresarekin: negozioa bultzatzeko behar dituzun gaitasunak eskuratzeko prestakuntza-tailerrak eskaintzen dizkizugu. Ia 5.000 enpresa berrirekin egin dugu azken urteotan; beraz, sartu gure webgunean eta begiratu nola egiten dugun. Zain gaituzu.

Post gehiago irakurri.

Urria 3, 2023
Gizonentzako neurrirako joskintzako eta jantzigintzako marka da Jajoan, hainbat saltoki ditu estatu osoan, eta Bilbokoa dago haien artean. Noelia Fernándezek gidatzen du saltoki hau, eta gaur harekin hitz egingo dugu ekintzailetzari lotuta duen historia ezagutzeko. Nola hasi zen zure abentura ekintzailea? Jajoan markak zenbait urte zeramatzan jada Bilbon zeukan dendarekin eta dendako langileetako bat nintzen...
Iraila 26, 2023
2004an hasi zuen bere harremana Gaztenpresarekin Irene Rodríguez ekintzaileak, bere kontura delineatzaile gisa lan egiten hasteko pausoa eman zuenean. Baina harremana ez zen hor bukatu. 2016an, goi-kualifikazioko langile teknikoen outsourcinga bere jardueraren ardatz gisa hartzea erabaki zuen Iddtekek, bere zerbitzuak zabalduz, eta, berriro ere, Gaztenpresan oinarritu zen aldaketa horri aurre egiteko. Eta, orain, mentore gisa...
Iraila 14, 2023
Maiatzaren amaieran ireki zuten Bilbon House Of Movement Experience (HOME) zentroa, entrenamendu pertsonal eta mugimendu egokiturako gunea. Proiektu horren atzean, Laura Leandro eta Noel Herresánchez ditugu, eta euren esperientzia ekintzailea kontatuko digute elkarrizketa honetan. Entrenamendu-zentro horretara joaten diren guztientzat “etxe” bihurtzeko asmoz sortu duzue HOME. Zer du bereizgarri zuen proposamenak ariketa fisikoa egiteko beste aukerekin...
Iraila 4, 2023
Bi emakume gazte ekintzaile hauek urte batzuk zeramatzaten Concha Calle Decoración dendan lanean, Portugaleten (Bizkaia) erreferentziazkoa den interiorismoko negozioa. Orain, jabeek erretiroa hartu dute, eta proiektuaren buru jartzea erabaki dute Cristinak eta Edurnek. Elkarrizketa honetan kontatuko digute prozesu hori nolakoa izan den.   Zein unetan erabaki zenuten dekorazioko eta interiorismoko denda honen jarduerarekin jarraitzea? Edurne:...
Uztaila 7, 2023
Gaur Leire Uretarekin hitz egingo dugu, Nukka dendaren sortzailearekin. Emakume eta gizonentzako marka anitzeko moda-denda da Nukka, duela hiru urte irekia Amorebieta-Etxanon (Bizkaia). Bere apustua outfit erosoak egitea da, estilo handiko jantziekin eta osagarriekin, Leirek 20 urte baino gehiagoko eskarmentua baitu retail sektorean. Baina utz diezaiogun berari kontatzen. Zergatik erabaki zenuen zeure arropa-denda martxan jartzea?...
Ekaina 7, 2023
Laida San Sebastianena izan zen Gaztenpresatik ekimenean jasotako azken testigantza. Gizarte arloan ia 20 urtez ekintzaile izan ondoren, orain Mondragon Unibertsitateko Eskola Politeknikoko ikasleekin partekatzen ditu bere ezagutzak eta esperientziak, Ekintzailetza Teknologikoko arduraduna baita han. “Ni naiz guztiari ‘bai’ esatearen asmatzailea”, aitortu zuen Laidak keinu bat eginez Andrea Fernandezek egin zuen aurreko mintzaldiari. Hain zuzen...