×

Para instalar Gaztenpresa en tu iPhone pulsa y luego Añadir a pantalla de inicio.

Navegación limitada - Sin conexión

Lagunduko zaituen eskarmentudun gidaria: Gaztenpresaren Mentoring programa

Share on facebook
Share on twitter
Share on linkedin
Share on whatsapp
Share on email

Ekiteak erabaki mordoa hartu beharra dakar. Negozio-ideiatik hasita publikoarentzako salmenta-estrategiaraino, bidean egiten dugun urrats bakoitzean erabakiak hartu, helburuak berraztertu, atzera egin eta geure asmoak zehaztu behar ditugu. Eta prozesu horretan zehar zalantzak sortuko dira, nahitaez. Bide onetik al goaz? Hasierako ideiatik gehiegi urruntzen ari ote gara? Beharrezkoa da benetan partida horiek murriztea edo gastu horiek handitzea? Sarritan, ekintzaileak egoera horiei aurre egiteko laguna izan nahiko luke ondoan, baina ez da ohikoa inguruan iritzia emango dizun eskarmentudun profesionala edukitzea.

 

Gaztenpresan badugu.

Pentsa zer izango litzatekeen zure negozioaren gorabeherak ezagutzen dituen norbait aldamenean izatea, haren laguntza jasotzea. Lan-munduan eskarmentua duen gidari pertsonalizatua izatea, zure enpresa-abenturan funtsezkoak diren erabakiak hartzeko orduan zalantzak argituko dizkizuna. Zure egitasmoari Gaztenpresaren laguntzarekin ekiten badiozu eta gure Mentoring-programako kide bazara, laguntza hori eskura izango duzu. Bere esperientzia eta denbora eskainiko dizkizun boluntarioa izango duzu ondoan, zure proiektuan aurrera egin eta egitasmo ekintzailea finkatu dezazun.

 

Zure mentoreak honako eginkizun hauekin lagundu ahal dizu:

  • Urtebetez gutxienez (beste urtebetez luza daiteke epea), hilean edo hamabostean behin elkartuko da zurekin, 2-4 orduz.
  • Zure negozioaren helburuak identifikatzen, horiek lortzeko beharrezko estrategiei buruz hausnartzen, jarduketak planifikatzen eta emaitzak neurtzen lagunduko dizu. Gainera, zure harreman profesionalen sarea zabaltzeko aukera eskainiko dizu.
  • Gaztenpresan zuen arteko harremanaren jarraipena egingo dugu, programa monitorizatzeko eta ebaluatzeko galde-sorten bidez.

 

Eta honako hauek dira mentoreak izango dituen onuretako batzuk:

  • Programan boluntarioki eta doan parte hartzen duen mentoreak enpresa-ehun gaztea finkatzen lagunduko du.
  • Beraz, gizarte osoari egingo dio ekarpena, bere ezagutza eta esperientzia eskainita.
  • Bere bizitzan ikaskuntza-tarte berri bat izango du, eta bere negozioan barneratutako ezagutzarekin esperientzia gutxiago dutenen arrakasta sustatuko du.

 

Gaztenpresak Mentoring-programa batean parte hartzen du Youth Business Internationalen eta YBSren eskutik. YBI irabazi-asmorik gabeko erakundeen nazioarteko sarea da, eta euren enpresa sortzen laguntzen die gazteei, prestakuntza, finantzaketa eta mentoringa uztartzen dituen metodologiaren bidez.

 

Mentore izan nahi al duzu?

Hemen aurkituko duzu beharrezko informazio guztia eta baita izena emateko inprimakia ere.

 

Programan ekintzaile gisa parte hartu nahi al duzu? Gaztenpresari buruz eta zure negozio-ideiaren alde egin dezakegun guztiaz informazioa nahi al duzu?

Bidal iezaguzu mezu elektroniko bat info@gaztenpresa.org helbidera edo deitu 900 101 143 telefonora. Hemen gaituzu!

 

Post gehiago irakurri.

Uztaila 9, 2024
Gaztenpresaren podcastean, kubaldun honekin (jaiotzez kubatarra eta bihotzez euskalduna) hitz egin dugu. Ekintzaile peto-petoa da, eta ez da konformatu bere proiektuak abiaraztearekin, baizik eta, gainera, ekintzailetzarako grina partekatzen du Euskadira migratutako emakumeekin, kolektibo horrek negozio bat abian jartzeko orduan dituen oztopo gehigarrien jakitun.   Laguntza eta ulermenerako gune bat Lan hori egiteko, Maylin Vergarak Emakume...
Uztaila 8, 2024
Ekin eta zure enpresa sortu aurretik, zure negozio-eredua landu behar duzu. Erakunde batek balioa nola sortzen, entregatzen eta bereganatzen duen deskribatzen duen eskema bat da. Bestela esanda, enpresa batek nola funtzionatzen duen eta irabaziak sortzen dituen definitzen duen plana da. Enpresa-tresna hau oso erabilgarria da, batez ere zure ibilbide berriaren hasieran, gida eta orientazio gisa...
Uztaila 2, 2024
Gaztenpresaren jarduera jarraitu ohi duzuen pertsonei ziur Elsa Pamparacuatro eta Keko Salvador izenak ezagunak egiten zaizkizuela. Ekintzaile bikote hau Gernikako Txitatoki zirku eskolaren sustatzailea da, iaz Donostian antolatu genuen Gaztenpresatik topaketan esan ziguten bezala. Han jakin genuen zentro honek, landa-eremuan zirkuko arteen praktika hurbiltzea eta sustatzea ez ezik, pertsonen garapen pertsonalerako eta gizarteratzeko tresna gisa...
Ekaina 25, 2024
Prest dago Joanes Roso, Tazebaezeko CEOarekin izan dugun solasaldiaren azken zatia!! Lehenengo zatian proiektuaren hasierei buruz hitz egin genuen, eta zergatik egituratzen den kooperatiba gisa. Bigarren atal honetan, talde kooperatibo honen jardueran sakondu dugu. Lau negozio-unitate biltzen ditu, independenteak, baina elkarren artean lotuta daudenak eta erantzunkideak direnak: Bira: aholkularitza-zerbitzuak Tazebaezen jarduera nagusia aholkularitza eta aholkularitza...
Ekaina 18, 2024
Gaur Joanes Roso, Tazebaez kooperatibako CEO eta presidentearekin hitz egin dugu. Kooperatiba horrek 15 urte baino gehiago daramatza negozio eta proiektu jasangarriak bultzatzen, pertsonak prozesuaren erdigunean kokatuz beti. Jakin nahi duzu nola egiten duten eta zerk motibatzen duen enpresa honetako taldea? Aholku bat: entzun gure podcastaren atal hau, eta baita hurrengoa ere, elkarrizketa hain interesgarria...
Ekaina 12, 2024
Imajina dezakezunez, Eko-Ekintzailetzak goraka doazen bi joera biltzen ditu: ekologia eta ekintzailetza. Ekintzailetza berdea edo ingurumenekoa da, proiektu profesional bat sortzean jasangarritasunari ere garrantzia eman behar diozulako. Gaur egun, klima aldaketarekin kezkatuta dagoen jende gehiengoarekin eta 2030 agenda ezartzearekin, ez da nahikoa ekonomikoki funtzionatuko duen negozio bat sortzea, ekologikoki ere funtzionatu behar baitu. Jasangarritasunaren eta...