×

Para instalar Gaztenpresa en tu iPhone pulsa y luego Añadir a pantalla de inicio.

Navegación limitada - Sin conexión

Interneten saltzen hasi nahi dut. Nola egingo dut?

gzt-art-webinar-venta-online
Share on facebook
Share on twitter
Share on linkedin
Share on whatsapp
Share on email

Pandemia dela eta, onlineko denda bat martxan jartzea aztertu dute saltzaile txiki askok. Horrela, konfinamendu bat egongo balitz ere, bezeroei arreta ematen eta diru-sarrerak eskuratzen jarraituko lukete.

Hala ere, onlineko salmentari ekin aurretik, kontu batzuk aztertu behar dira arreta handiz. Lehena eta garrantzitsuena honako hau da: argi izatea online saltzea beharrezkoa den gure negozioarentzat eta eremu birtualean lehiatzeko aukerarik dugun. Hori erabakita dugunean, hainbat gune izango ditugu aukeran gure produktuak Interneten bidez merkaturatzeko.

Hain zuzen ere, bi aukera nagusi ditugu: gure onlineko denda propioa zabaltzea edo gure produktuak hirugarrenen saltoki elektronikoen bidez saltzea. Azken aukera hori eskaintzen digute marketplace deritzenek: Amazonek, Ebayk, La Casa del Librok (bere stocka ez ezik, beste liburu-saltzaile batzuena ere saltzen du), Fnac-ek, Etsyk eta abarrek. Era berean, administrazio publikoek babestutako ekimen batzuk sortu dira azken urtean, hala nola Eup!, Donostia Market Plaza (garatzeko bidean), Barakaldo Store edo Balmaseda Online. Norberaren onlineko orrialdearen eta saltoki-elkarte baten arteko beste aukera batzuk ere badaude; adibidez, LABORAL Kutxak sustatutako Denda.eus.

Zer abantaila dauzka norberaren onlineko denda izateak?

Gure gustuko erakusleiho birtuala sortzeko aukera izatea da abantaila nagusia (gure aurrekontuak ahalbidetzen duen neurrian, behintzat), inolako mugarik edo hirugarrenen inposaketarik gabe. Geure esku dago ecommerce edo saltoki elektronikoa sortzeko prozesuaren kontrola.

Eta zer eragozpen dauzka?

Bistakoa da onlineko denda bat martxan jartzeak dakartzan kostu eta erabaki guztiak geure gain hartu behar ditugula: domeinua, hostinga, SSL ziurtagiria, webgunea diseinatu eta garatzeko orduak, ordainketa-pasabideak eta abar.

Era berean, webgunearen mantentze teknikoaz arduratu edo hura kontratatu egin beharko dugu, sor daitezkeen arazo guztiak konpontzeko: onlineko denda erortzea, bertsioak eguneratzea eta abar.

Halaber, erabiltzaileak (trafikoa) gure webgunera erakartzeko marketina eta sustapena egin edo kontratatu beharko dugu.

Zer onura dakartzate marketplace-ek?

Merkataritza-zentro birtual horiek online saltzeko gune bat eskaintzen digute, guztiz bukatuta eta funtzionatzen hasteko prest. Hortaz, ez dugu aukeratu behar ez plataforma teknologikoa ez dendaren diseinua: dena eginda emango digute. Kasu askotan, gainera, ez dugu negoziatu behar ez hornitzaile logistikoekin ez ordainketa-pasabideekin: marketplace-ak eskainitako aukerak konfiguratu besterik ez dugu egin behar.

Horrez gain, errazagoa izango da guretzat bezeroek gure erakusleiho birtuala ikustea; izan ere, erabiltzaileak ohituta daude horrelako marketplace-ak bisitatzen; alegia, gune horiek trafikoa dute, zerotik hasten den webgune batek ez bezala. Gainera, online erosteko konfiantzako guneak izaten dira.

Eragozpenik al dute marketplace-ek?

Bai, noski. Horrelakoetan, gure negozioaren markak disolbatzeko joera du horrenbesteko eskaintzaren barruan; gainera, salgai ditugun produktuek balio bereizgarri argirik ez badute, zaila izango da guretzat lehiakideen artean nabarmentzea.

Horrez gain, ezin izango ditugu plataforma teknologikoaren funtzionalitateak aldatu edo hobetu, marketplace-ak zehaztutakoak baitira.

Azkenik, hau balioetsi behar dugu: marketplace-ari ordaindu behar diogun hileko kuota edo salmenten ehunekoa egokia ote den berak eskaintzen dizkigun zerbitzuetarako. Arretaz aztertu behar dugu, era berean kuota edo ehuneko hori finkoa ala aldakorra den, eta, aldakorra bada, zer baldintzaren arabera aldatzen den, baita zer motatako zigor ekonomikoak ezar diezazkigukeen plataforma horrek, baldin eta berarekin hartutako konpromisoetako bat betetzen ez badugu; adibidez, produktu bat aurreikusitako epearen barruan entregatzen ez badugu.

 

Web-mintegia: “Nola antolatu salmentetara bideratutako webgune bat”

Orduan, zer bide aukeratuko dut nire produktuak Interneten saltzeko?

Galdera horrek ez du erantzun bakarra. Gai askoren mende dago, eta, horiek argitzen laguntzeko, web-mintegi honetan parte hartzera gonbidatzen zaituztegu: “Nola antolatu salmentetara bideratutako webgune bat. Fokua: Denda.eus”. Martxoaren 28an izango da, 15:30etik 17:00etara, No te pierdas en las redes marketin digitaleko plataformarekin elkarlanean antolatua.

Zoom plataformaren bidez egingo da saioa, eta, bertan, hauxe ikusiko dugu, besteak beste: gure negozioko zer elementuri erreparatu behar diogun Interneteko erakusleihoaren formatua aukeratzeko. Era berean, ecommerce bat martxan jartzeko merkatuan dauden irtenbide teknologiko nagusien errepasoa egingo dugu, aukera bat edo bestea noiz interesatzen zaigun aztertuz.

Gomendio batzuk emango dizkizuegu Interneteko negozioaren aurkezpena zaintzeko eta erabiltzaileak onlineko erosketa-esperientzia ona izan dezan lortzeko.

Azkenik, Denda.eus plataformaren ezaugarriak azalduko dizkizuegu, euskal saltoki txikientzako onlineko salmentarako irtenbidea baita, LABORAL Kutxak babestua.

Post gehiago irakurri.

Iraila 16, 2022
Ekintzailetzaren igerilekuan murgildu aurretik, urik badagoen egiaztatu beharra dago; gure kasuan, horrek esan nahi du arrisku-analisia gauzatzea eta negozio-plana egitea. Gogoan izan ezazu negozio-plana edo enpresa-plana oso tresna baliagarria dela eta laburbildu behar duela enpresa-proiektu berria nolakoa den eta jaso egin behar dituela negozio arrakastatsu bihurtuko duten helburuak, identitatea eta funtzionamendua. Gainera, une oro gidatuko...
Uztaila 29, 2022
HALO Donostia hiru erizain elkartzetik sortutako proiektua da; hirurek ekiteko gogoa zuten, eta bereziki, erizaintzako zein dermoestetikako sektoreko egungo eskaintzari buelta emateko asmoa. Kooperatiben hilabetean, Halo Donostia-tik eman digute haien historiaren eta lehen urratsen berri.   HALO Donostia “estetika aurreratuko tratamenduetan espezializatutako erizaintza-zentro” moduan definitzen da. Azalduko zenigukete zertan datzan, eta zein den zuen balio...
Uztaila 15, 2022
Modu juridiko askotan gauzatu daitekeen proiektu ekintzaile bat: autonomoa, sozietate mugatua, kooperatiba… Ingravity Dreams elkarrizketatuko dugu Kooperatiben Nazioarteko Eguna dela-eta, Gaztenpresaren eskutik bere enpresa-ibilbideari ekin zion abereen ongizatera zuzendutako zentroa, hain zuzen ere.   Zer da Ingravity Dreams eta nola sortu zen? Abereen ongizatea da Ingravity Dreams. Gure abereak fisikoki indarberritzeko teknika naturaletan espezializatutako lekua,...
Ekaina 27, 2022
Espiritu ekintzailea testuinguru eta sektore guztietan zabaltzen ari da, industrialean barne, baita gaur egungoa bezalako egoera berezietan ere. Enpresa Txiki eta Ertainaren eguna dela eta, elkarrizketa egin diogu IGASI Vacuum Solutionko lantaldeari. Proiektu ekintzailea da, eta laster urtebeteko ibilbidea beteko du enpresa gisa.   Nola sortu zen Igasi eta nola definituko zenukete zuen enpresa? Enpresa...
Ekaina 23, 2022
Gaztenpresan, krisiari aurre egiteko zailtasunak dituen enpresa-ehunera egokitzen jarraitu dugu. Hori dela medio, atzo Ibon Urgoiti, Gaztenpresako lehendakariak, 2021. Urteko Txostenaren aurkezpenean nabarmendu zuenez, Fundazioko taldeak bere proiektuekin jarraitzeko beharberritu diren pertsonak laguntzeko ahalegina kontuan hartzea ezinbestekoa da. Hala ere, egindako lan horri guztiari esker, 2021eko balantzeak esleitutako helburuak bete direla adierazten du. Beste behin...
Maitza 17, 2022
Bazenekien Europar Batasuneko herrialdeek urtean 5.000 milioi tona hondakin baino gehiago sortzen dituztela, etxekoak kontuan hartuta? Eta bazenekien, Euskadin sortzen ditugun 5,5 tona hondakinetatik, % 80k eraikuntzan eta industrian dutela jatorria? Pentsatu duzu noizbait, 2050. urtean, munduko biztanleek gaur egun kontsumitzen ditugun baliabideak baino hiru aldiz baliabide gehiago beharko dituztela? Izugarrizko datuak dira, ezta? Baina,...