×

Para instalar Gaztenpresa en tu iPhone pulsa y luego Añadir a pantalla de inicio.

Navegación limitada - Sin conexión

Nora iritsi nahi dut? Berrikuntza eta lidergoa

Share on facebook
Share on twitter
Share on linkedin
Share on whatsapp
Share on email

Liderra izan nahi duen enpresa orok espiritu ekintzailea izan behar du bere DNAn, hari esker, geldialdia saihestuko baitugu. Gaur egun ezinezkoa da berrikuntzarik gabe lidergoa lortzea.

  • Ideiarik ezaren kontrako antidoto bat da eta indartsuago egiten laguntzen digu.

Pertsona kontsumitzaile gehienek saritu egiten dituzte aldian behin berritasunak txertatzen dituzten eta berritzen joaten diren enpresak. Baina berritzea ez da teknologiarik aurreratuena erabiltzea bakarrik, ezta Machine Learning, Adimen Artifiziala edo Smart Data teknikak erabiltzea ere:

  • Produkzio-prozesuan edo zerbitzuak eskaintzeko orduan ere berritu daiteke.

Eta zer esan nahi du, bada, berritzeak? Honela zioen Peter Drucker-ek, gure garaiko enpresa-arloko guru handienetako batek:

«Lehendik ditugun baliabideei erabilgarritasun berriak edo hobeak aurkitzea da berritzea».

Gure prozesu guztietan berrikuntza-irizpideak aplika baditzakegu —lanaren antolakuntzan nahiz produktuaren packaging deiturikoan—, horiei balioa emateko eta lehiarako abantailak geureganatzeko gai izango gara, merkatuan liderrak izateko.

Baina, berrikuntzaz gain, merkatuan lehena izan nahi duen erakunde batek zenbait ezaugarri gehigarri izan behar ditu haren eguneroko jarduerarekin lotuta:

Arriskuak kudeatzen jakitea.

Enpresa-arloko apustu edo erabaki orok arrisku jakin batzuk eragiten dizkio kudeatzaileari, eta hark arrisku horiek kudeatzen jakin behar du. Horretarako, ezinbestekoa da horiek identifikatzen eta haztatzen jakitea, gure arrakasta nola oztopa dezaketen jakiteko.

  • Liderra izateak erabakiak hartzea esan nahi du, eta erabaki horiek arrisku-karga garrantzitsuak izaten dituzte, kudeatzen jakin behar direnak.

Bezeroari entzutea.

Dena aldatzen da: moda, gustuak, lehentasunak… baita bezeroaren beharrak ere. Liderra izan nahi duen edozein enpresak erreminta batzuk izan behar ditu bere bezeroei uneoro entzun ahal izateko.

  • Zenbat eta informazio gehiago izan horien inguruan, orduan eta azkarrago eta naturaltasun handiagoz egokitu ahal izango gara, horien merkatuko erreferentzia izaten jarraitzeko.

Aukerak aprobetxatzea.

Ez dago zorterik. Edo Isaac Asimov-ek esan zuen moduan, «prest dagoen adimenari bakarrik laguntzen dio». Baina, askotan, aukerak sortzen dira gure eguneroko jardueran, eta ekintzaile azkarrenek bakarrik jakiten dute horiek nola aprobetxatu. Aukera horiek askotarikoak izan daitezke:

  • Aliantzak
  • Aztertu gabeko merkatu-hobiak
  • Negozio bat handitzeko aukerak
  • Hedatzeko aukerak

Liderrek aukerak aztertzen dituzte, horiek dakartzaten arriskuei aurre egin diezaioketela ziurtatzen dira… eta aprobetxatu egiten dituzte.

Hobekien prestatuta dauden pertsonez inguratzea.

Talentua asko estimatzen den ondasun bat da enpresen munduan: aktibo garrantzitsuenetako bat da negozio batentzat. Enpresa handiek badakite nola hautatu hobekien prestatuta dauden pertsonak, eta ETEak, berriz, sustatzaileen talentuari esker gailentzen dira.

  • Horregatik, bere sektorean liderra izan nahi duen edozein negoziok gai izan behar du, batetik, bere enpresaren barnean talentuari eusteko eta, bestetik, etorkizun handiko pertsonak erakartzeko eta horiek erakundean txertatzeko.

 

Zure enpresarekin nora iritsi nahi duzun planteatzeko unea da, eta zure helburua lidergoa bilatzea den ala ez erabaki behar duzu, berrikuntzaren bitartez. Gogoratu, bide horri ekin nahi badiozu, Gaztenpresan laguntza eskainiko dizugula, 900 101 143 telefono-zenbakiaren bitartez, gure sare sozialetan —Facebook, Twitter eta Linkedin— edo gure webgunean. Eta dagoeneko LABORAL Kutxako bezeroa bazara, zure zerbitzura izango dituzu Consulting Pro zerbitzuko langileak ere.

Post gehiago irakurri.

Iraila 16, 2022
Ekintzailetzaren igerilekuan murgildu aurretik, urik badagoen egiaztatu beharra dago; gure kasuan, horrek esan nahi du arrisku-analisia gauzatzea eta negozio-plana egitea. Gogoan izan ezazu negozio-plana edo enpresa-plana oso tresna baliagarria dela eta laburbildu behar duela enpresa-proiektu berria nolakoa den eta jaso egin behar dituela negozio arrakastatsu bihurtuko duten helburuak, identitatea eta funtzionamendua. Gainera, une oro gidatuko...
Uztaila 29, 2022
HALO Donostia hiru erizain elkartzetik sortutako proiektua da; hirurek ekiteko gogoa zuten, eta bereziki, erizaintzako zein dermoestetikako sektoreko egungo eskaintzari buelta emateko asmoa. Kooperatiben hilabetean, Halo Donostia-tik eman digute haien historiaren eta lehen urratsen berri.   HALO Donostia “estetika aurreratuko tratamenduetan espezializatutako erizaintza-zentro” moduan definitzen da. Azalduko zenigukete zertan datzan, eta zein den zuen balio...
Uztaila 15, 2022
Modu juridiko askotan gauzatu daitekeen proiektu ekintzaile bat: autonomoa, sozietate mugatua, kooperatiba… Ingravity Dreams elkarrizketatuko dugu Kooperatiben Nazioarteko Eguna dela-eta, Gaztenpresaren eskutik bere enpresa-ibilbideari ekin zion abereen ongizatera zuzendutako zentroa, hain zuzen ere.   Zer da Ingravity Dreams eta nola sortu zen? Abereen ongizatea da Ingravity Dreams. Gure abereak fisikoki indarberritzeko teknika naturaletan espezializatutako lekua,...
Ekaina 27, 2022
Espiritu ekintzailea testuinguru eta sektore guztietan zabaltzen ari da, industrialean barne, baita gaur egungoa bezalako egoera berezietan ere. Enpresa Txiki eta Ertainaren eguna dela eta, elkarrizketa egin diogu IGASI Vacuum Solutionko lantaldeari. Proiektu ekintzailea da, eta laster urtebeteko ibilbidea beteko du enpresa gisa.   Nola sortu zen Igasi eta nola definituko zenukete zuen enpresa? Enpresa...
Ekaina 23, 2022
Gaztenpresan, krisiari aurre egiteko zailtasunak dituen enpresa-ehunera egokitzen jarraitu dugu. Hori dela medio, atzo Ibon Urgoiti, Gaztenpresako lehendakariak, 2021. Urteko Txostenaren aurkezpenean nabarmendu zuenez, Fundazioko taldeak bere proiektuekin jarraitzeko beharberritu diren pertsonak laguntzeko ahalegina kontuan hartzea ezinbestekoa da. Hala ere, egindako lan horri guztiari esker, 2021eko balantzeak esleitutako helburuak bete direla adierazten du. Beste behin...
Maitza 17, 2022
Bazenekien Europar Batasuneko herrialdeek urtean 5.000 milioi tona hondakin baino gehiago sortzen dituztela, etxekoak kontuan hartuta? Eta bazenekien, Euskadin sortzen ditugun 5,5 tona hondakinetatik, % 80k eraikuntzan eta industrian dutela jatorria? Pentsatu duzu noizbait, 2050. urtean, munduko biztanleek gaur egun kontsumitzen ditugun baliabideak baino hiru aldiz baliabide gehiago beharko dituztela? Izugarrizko datuak dira, ezta? Baina,...