×

Para instalar Gaztenpresa en tu iPhone pulsa y luego Añadir a pantalla de inicio.

Navegación limitada - Sin conexión

Zure ideia erregistratu eta babesteko gomendioak

Share on facebook
Share on twitter
Share on linkedin
Share on whatsapp
Share on email
  1. urtean, Sara Blakely izeneko gazteak bere baliabide guztiak inbertitu zituen Spanx sortzeko, emakumeen figura moldeatzen duen paxa berritzailea. Sara, lehenik eta behin, Estatu Batuetako Patenteen Bulegora joan zen, patentea idatzi eta erregistratzeko. Bere bizitzan hartutako erabakirik onenetako bat izan zen:
  • Hamabi urteren buruan, bere enpresak 1.000 milioi dolar baino gehiago balio zuen.
  • Forbes zerrendan inoiz sartu zen emakumerik gazteena izan zen Sara Blakely.
  • Oprah Winfrey telebista-aurkezleak Spanx oso gogoko zuela esan zuen bere saioan, eta bultzada eman zion kontsumo masiboko produktu izatera iristeko.

Floridako Clearwater hiri txikian jaiotako gazteak ez balu bere produktua patentatu, sektoreko edozein enpresa handik kopiatuko zukeen ideia eta Sara munduko mapa komertzialetik ezabatu. Sara Blakelyren kasua adibide bat besterik ez da. Negozio-ideia bat lehen unetik erregistratzearen garrantzia erakusten du, horrela lehiakideengandik babestuko baitugu. Horretarako, bi bide jarrai ditzakegu, babestu nahi dugun horren arabera:

 

Jabetza industriala

Erregistroa formalizatzeko unean eskuratzen da. Honako hauek babesten ditu:

Babes horri esker, modu esklusiboan ustiatu ahal izango duzu produktua, eta inork ezingo du erabili, eskaini, fabrikatu edo merkaturatu zure baimenik gabe.<

Babesa jatorrizko herrialdera mugatzen da, baina nazioarteko eremura ere zabal daiteke. Jabetza industriala babesteko erregistroa egin behar da Patenteen eta Marken Espainiako Bulegoan (OEPMn). Dena den, Eusko Jaurlaritzako Ekonomia Garapen eta Azpiegitura Sailak honako egiteko hauei buruzko laguntza eta informazioa eskaintzen du:

  • Babes-modalitaterik
  • Eman beharreko pausoak, inprimakiak eskuratzea, izapideak, kostuak, tresna informatikoen erabilera eta OEPMk eskaintzen dituen beste zerbitzu batzuk.
  • Atzerrian babesteko moduak.
  • Dokumentazioa bidaltzea eta izapidetze-epeak.
  • Patenteen ustiapen-egiaztagiriak

 

Jabetza intelektuala edo egile-eskubideak

Literaturako, arteetako edota zientziako sorkuntza-lanak babesten ditu, edozein euskarritan adierazita daudela. Horien artean honako hauek:

  • Literatura-lanak
  • Musika-konposizioak
  • Filmak, argazkiak eta informatika-programak, planoak…

Egile batek bere lanaren gaineko jabetza intelektualeko eskubideak eduki arren, erregistroa egin dezake, aitorpen gisara, Eusko Jaurlaritzako Kultura Saileko Kultura Ondarearen Zuzendaritzaren aurrean, eta jarraibide hauek bete.

Gainera, gogoratu Gaztenpresan ia 5.000 negozio-proiektu martxan jartzen lagundu dugula azken urteotan, eta lagundu zaitzakegula bai zure ideia abian jartzen eta bai garatzen edo finantzaketa bilatzen. Zain izango gaituzu.

Post gehiago irakurri.

Iraila 8, 2021
Seguruenik gertatuko zitzaizun noizbait, negozio baten jabeari bere negozioaren onurei buruz hitz egiten entzun eta, lokalera iritsitakoan, hau pentsatzea: «Amatxo maitea… Hemen ez dut zoratuta ere erosiko!». Salmenten arrakastaren zati handi bat pertsonak erosteko unean duen pertzepzioaren araberakoa izaten da. Horregatik, funtsezkoa da bezeroaren azalean jartzea eta haren gustuak eta beharrak ezagutzea. Baina badago albiste...
Iraila 7, 2021
Enpresa- edo lanbide-jarduera bati hasiera emateko modu asko daude. Aintzat hartu behar diren aukeretako bat sozietate kooperatibo txiki bat sortzea da. Aukera juridiko horren alde egiten dutenek azaltzen dutenaren arabera, sozietate kooperatiboen bidez sortzen den etekin ekonomikoa modu konprometitu eta sozialagoan lortzen da. Gainera, enpresa horiek onura fiskal interesgarriak dituzte. Nazioarteko Aliantza Kooperatiboak dioenez, kooperatibek...
Uztaila 29, 2021
Azken aste hauetan, #BerrituErronka-n parte hartu duten pertsonen ideia irabazleak erakutsi dizkizuegu gure sare sozialetan. Beren proposamenekin, ekimenak aurkeztu dituzte osasun-krisiak eragindako murrizketek gehien kaltetutako hiru sektoreetako negozioetarako. #BerrituErronka abian izan den aste hauetan, 50 ideia baino gehiago jaso ditugu, eta ideia horiek guztiek aurrera jarraitzeko lezio bat eman digute. Horrez gain, gogorarazi digute posible...
Uztaila 12, 2021
Batez ere WhatsApp denok daukagun zerbait delako. Bueno, agian ez denok, baina bai gehienok. Mundu osoko bederatzigarren postuan dago Espainia WhatsApp aplikazioaren erabilerari dagokionez: 30,5 milioi erabiltzaile, «Informe ditrendia: Mobile en España en el Mundo 2020» txostenaren arabera (Ditrendia txostena: mugikorren erabilera Espainian eta munduan 2020an). Bestalde, bezeroekin zuzeneko harremana izateko aukera eskaintzen duen doako...
Uztaila 5, 2021
Pandemia dela eta, onlineko denda bat martxan jartzea aztertu dute saltzaile txiki askok. Horrela, konfinamendu bat egongo balitz ere, bezeroei arreta ematen eta diru-sarrerak eskuratzen jarraituko lukete. Hala ere, onlineko salmentari ekin aurretik, kontu batzuk aztertu behar dira arreta handiz. Lehena eta garrantzitsuena honako hau da: argi izatea online saltzea beharrezkoa den gure negozioarentzat eta...
Ekaina 28, 2021
Gaur egun, Espainian Facebook da, oraindik ere, sare sozialik ezagunena eta erabiltzaile gehien dituen bigarrena (WhatsApp da lehenengoa), IAB Spain elkarteak urtero egiten duen “Sare Sozialen Azterketaren (2021)” arabera. Txosten horretan adierazten denez, Instagram da azken urtean gehien hazi den sare sozialetako bat, bereziki emakumeen eta gazteenen artean, eta huraxe da erabilera-maiztasunik handiena duen bigarrena...