×

Para instalar Gaztenpresa en tu iPhone pulsa y luego Añadir a pantalla de inicio.

Navegación limitada - Sin conexión

Gaztenpresak langundutako negozioei egindako azterketaren emaitzak

Share on facebook
Share on twitter
Share on linkedin
Share on whatsapp
Share on email

Eskerrik asko parte hartu duten negozio guztiei

Eskerrak eman nahi dizkizuegu, zuri eta Euskadiko eta Nafarroako hainbat sektoretako ia ehun negoziori, pandemiak zure negozioari nola eragin dion jakiteko prestatu dugun azterketanparte hartzeagatik. Zure esperientzia oso baliagarria izan zaigu abiapuntuko benetako egoera eta etorkizunerako ikuspegiak ezagutzeko.

Eskerrik asko galdeketa honetan parte hartzeagatik eta, zailtasunak zailtasun, hor jarraitzeagatik, #JarraitzekoBerritzeagatik, beste ekintzaile batzuentzako eredua eta estimulua izateagatik, eta, batez ere, eskerrik asko laguntzeagatik.

Nola eragin dio pandemiak zure negozioari? Azterketaren emaitzen laburpena

Osasun-krisiak gogor kolpatu ditu gure ekintzaileak: galdeketari erantzun dioten negozioen erdiek baino gehiagok (% 54) % 51 eta % 100 arteko beherakada izan dute beren fakturazioan aurreko urteko aldi berarekin alderatuta, eta % 19k diru-sarreren laurdenaren eta erdiaren artean galdu dute.

Krisiaren intentsitateagatik, beharbada, inkestari erantzun dioten pertsona gehienek informazioa jaso eta Gaztenpresaren #JarraitzekoBerritzen programan parte hartu nahi dute. Izan ere, % 78k interesa agertu dute enpresei krisiari aurre egiten laguntzeko diseinatu dugun ekimen honetan.

Planaren helburua jarduera berreskuratzea da, kontsultatutako pertsonen erdiek baino gehiagok adierazi duten iritziarekin bat etorriz: % 52ren helburu nagusia da negozioa krisi aurreko baldintzetan mantentzea, baina laurdenak aitortu du baldintza berrien ondorioz bere negozio-eredua berriz diseinatu beharko duela; bestalde, % 17k zalantzak dituzte negozioari eusteko gai izango ote diren ala ez.

Kontsultatutako enpresen ia erdiak Aldi Baterako Enplegu Erregulazioko Espediente-egoeran (ABEEE) daude edo egon dira, eta % 65 inguruk beren negozioa itxi behar izan dute zenbait astetan: gehienek, % 42k, bi hilabetez itxi behar izan dute, % 15ek 14 astez eta % 12k hiru hilabetez. Batez beste, negozioek zortzi aste eta erdi egon behar izan dute itxita.

Eta % 40k jarduera eteteagatiko prestazio-motaren bat izan badute ere, % 20k ezin izan dute laguntzarik jaso; hain zuzen, Elkargi, Sonagar eta ICO gisako erakundeek bermatutako finantzaketa lortu duten enpresen ia ehuneko bera da.

Gaztenpresaren #JarraitzekoBerritzen Plana

Azterketa honen emaitzek egoera zertan den azaltzen digute, zure negozioa normaltasun berrira egokitzen lagundu ahal izateko.

Ekarpen horrek sekulako balioa du Gaztenpresarentzat, zure premietara gehien egokitzen den erantzuna diseinatzeko eta #JarraitzekoBerritzen programa hobetzeko aukera emango digulako. Programan parte hartu nahi izanez gero, eskaera-inprimaki hau bete dezakezu lehenengo fasearekin hasteko: diagnostiko-fasea. 

Ekimen honen bidez, azken urteotan martxan jarri diren negozioei suspertzen lagundu nahi diegu, eta, beraz, gure harri-koskorra jarri nahi dugu gure ehun ekintzailea berreskuratzeko.

Berriz ere, eskerrik asko guztiagatik, zure bultzadagatik, zure egokitzeko gaitasunagatik eta zure kemenagatik: orain Gaztenpresaren txanda da, zuri #JarraitzekoBerritzen laguntzeko

Post gehiago irakurri.

Otsaila 8, 2024
GAZTENPRESA: Inma, lehen, mikroetatik kanpo, ekitea gauza hutsala ez dela jakitea garrantzitsua dela komentatzen ari ginen. Eta oso interesgarria iruditzen zaidan konparazio bat egiten zenuen. Kontatuko diguzu? INMA RAMOS: Guk 30 urte daramatzagu ekiten duten pertsonekin lanean. Eta askotan, pertsonak ekiten duenean, egiten duen lehen aldia da. Beraz, gelditu gabe korrika egiten ari naizen esprint...
Urtarrila 15, 2024
Simon Zineckek zioen ekintzailetza ez dela lasterketa bat, inoiz amaitzen ez den bidaia baizik. Bidaia honetan, motxila tresna askorekin beteta eraman behar dugu, eta funtsezko tresna bat finantza-osasuna da. Iñaki Ruiz de Balugerarekin hasiko dugu solasaldi sorta. Bere ibilbide profesionala enpresei eta ekintzaileei helburu hori lortzeko aholkuak ematen eman du. GAZTENPRESA: Badirudi ekintzaileek denetik jakin...
Abendua 13, 2023
Patxi Vizcainorekinhitz egin dugu. Imanol Lecuona eta Iñigo Graciarekin batera, Vaprest enpresa gipuzkoarra jarri dute martxan. Enpresa horrek mota guztietako sektoreetarako presiozko aparatuak instalatu, konpondu eta mantentzen ditu: altzairutegiak, galdategiak, elikagai-fabrikak, ospitaleak, garbitegiak, etab. Nola erabaki zenuten Imanolek, Iñigok eta zuk ekitea? Gure ekintzailetza beharretik dator. Argi eta garbi. Hirurok lurrunezko galdarak eta fluido termikoak...
Abendua 4, 2023
Beatriz Ramos eta Tzibi Juaristierekin batera, Eukene Aranak irabazi-asmorik gabeko kooperatiba bat jarri du martxan, erakunde publiko eta pribatuei haurrak eta nerabeak babesten, eta tratu ona prebenitzen eta lortzen laguntzeko. Elkarrizketa honetan azaldu digu.   Hobeto ezagutzeko, azalduko al diguzu labur-labur zer egiten duzuen Zain Protección Infancia y Adolescencia erakundean? Gure lana, batez ere, erakunde...
Azaroa 10, 2023
Sheila Rubiarekin hitz egin dugu gaur. Emakume ekintzaile honek, Emilio Cabrera bikotekidearekin batera, etxeko sukaldaritzako negozio bat jarri du abian Iruñean, eramateko janariarekin. Bere establezimenduak “Pollos Asados La Abuela” du izena eta, elkarrizketa honetan, proiektu honen jatorria eta Gaztenpresak errealitate bihurtzen nola lagundu dion azalduko digu.   Nola sortu zen zuen negozioa abian jartzeko ideia?...
Urria 23, 2023
Eskolan txalupa bat egiten ari zela konturatu zen arabar hau bere bizitza betiere zurarekin lotuta egongo zela. Eta horrela izan da, baina ez beti modu berean. Elkarrizketa honetan, merkatuko premiak aldatzen ziren neurrian bere artisau-jarduera ere nola aldatu den kontatutako digu Félix Pikatzak. Baita berrasmatze-prozesu horretan Gaztenpresak nola lagundu dion ere. Oso txikitatik argi izan...