×

Para instalar Gaztenpresa en tu iPhone pulsa y luego Añadir a pantalla de inicio.

Navegación limitada - Sin conexión

Fitxategiak hodeian gordetzeko ETEentzako zerbitzurik onenak

Share on facebook
Share on twitter
Share on linkedin
Share on whatsapp
Share on email

Segurtasuna, eskuragarritasuna, aurrezkia…. Enpresa gehienek, handiek zein txikiek, erabiltzen dituzte jada hodeiko biltegiratze-zerbitzuak beren fitxategiak, dokumentuak, bideoak, irudiak, aurkezpenak eta gainerakoak gordetzeko. Ezinbesteko tresna dira zerbitzu horiek segurtasun-kopiak babesteko eta laneko edozein material antolatu, partekatu eta kudeatzeko, Interneterako sarbidea duen munduko edozein bazterretatik.

Hodeian biltegiratzearen abantailak ezagutzen ez badituzu eta oraindik ere memoria-gailu eramangarriez baliatzen bazara, sistema berriaren onurak proba ditzazun gomendatzen dizugu.

Era guztietako dokumentuak eta fitxategiak antola ditzakezu, nonahi zaudela ere.

Hobetu egiten dira produktibitatea eta talde bereko kideen arteko komunikazioa, hodeiak aukera ematen baitu dokumentuak edonondik partekatzeko.

Ez da batere garestia. Hodeiko zerbitzu publiko gehienek eskaintzen dute doako biltegiratze-eremu bat, ordainpeko beste zerbitzu batzuk erabiliz handitu daitekeena.

Enpresako fitxategi eta dokumentu guztien segurtasun-kopiak egiten ditu, eta hirugarren batzuetatik babestu.

Etengabe egoten da sinkronizatuta, eta zenbait gailutatik sartzeko aukera eskaintzen du.

Softwarea zerbitzu gisara jasotzeko aukera eskaintzen du (SaaS). Zerbitzu hori baliatuz, hodeiko programa jakin batzuk bakarrik erabiltzeagatik ordaintzen dute ETEek.

Sistemaren biltegiratze-ahalmena dela eta, leku libre gehiago izango duzu zure hardwarean.

Hiru multzotan sailkatzen dira hodeiko biltegiratze-zerbitzuak, haien jabeen arabera.

Hodei publikoak. Enpresaz kanpoko konpainia da zerbitzarien jabea, eta hirugarren batzuei alokatzen dizkie hodeiko zerbitzu guztiak. Horiek dira ezagunenak, autonomoek eta ETEek gehien erabiltzen dituztenak.

Hodei pribatuak. Normalean oso garestiak izaten dira, eta korporazio handiek erabiltzen dituzte, nahiago izaten baitute beren gisara kudeatu beren biltegiratze-baliabide guztiak.

Hodei hibridoak. Hodei publikoen eta pribatuen abantailak dituzte: biltegiratze-zerbitzuak bereiz kudeatzeko aukera eskaintzen dute, eta erabiltzen dena bakarrik ordaintzen da.

Hauek dira hodeiko zerbitzu-hornitzaile publiko nagusiak:

pCloud

Adituen esanean, hodeiko zerbitzurik onenetako bat da. 10 GBko biltegiratze-ahalmena eskaintzen du doan, eta Windows, Mac, Linux, iOS eta Androiderako aukerak ditu; gainera, sarbidea duzu bere webgunetik. Oso azkar igotzen dira fitxategiak, eta bizkorra eta eraginkorra da sinkronizazioa. Bestalde, hodeiko beste zerbitzu batzuetatik fitxategiak transferitzen uzten du, Dropbox eta Google Drive barne direla, segurtasun-kopia gehigarriren bat behar izanez gero, edo zerbitzuz aldatu. Nahi duzunarekin parteka ditzakezu zure edukiak, karpeta eta dokumentuetarako esteken bitartez. Azkenik, badu Crypto izeneko karpeta bat, ondo babestua piratetatik eta administrazioetatik.

Google Drive

Googleren hodeiko biltegiratze-zerbitzuak 15 GBko doako biltegiratze-ahalmena eskaintzen dizu; nahi izanez gero, handitu daiteke ahalmena hori, zenbait kuota ordainduta. Besteak beste, abantailak hauek ditu: enpresako kide guztiek erabil dezakete, eta edozein gailutatik sar daiteke zerbitzura. Internet behar da zerbitzuaz baliatzeko.

OneDrive

Microsoften zerbitzuak ere badu doako biltegiratze-zerbitzua, 5 GBkoa. Beste zenbait abantailaren artean, hauek eskaintzen ditu: erabateko sinkronizazioa enpresa eta herritar partikularrentzako Office paketearekiko. Fitxategiak partekatzeko prozedura, berriz, izugarri sinplifikatu du, sare sozialekiko loturaren bidez.

DropBox

Aitzindaria izan zen hodeiko zerbitzuak ematen; 2 GB eskaintzen ditu doan, eta karpeta zein dokumentu partekatuak sortzeko aukera. Hamar bat euroren truke, berriz, 1 TBko biltegiratze-ahalmena eskaintzen du, eta zenbait zerbitzu gehigarri: konexiorik gabeko sarbidea, gailuen arteko sinkronizazioa, fitxategiak urrutitik ezabatzea eta abar.  Tokiko karpeta bat sortzen du Dropboxek zuk nahi duzun gailuan, eta onlineko bertsio batekin sinkronizatzen du. Horri esker, eskuragarri izango dituzu fitxategi guztiak, baita linearik gabe egonda ere. Telefono mugikorretan ez da aplikatzen aukera hori, baina zenbait fitxategi offline eskuragarri eduki daitezke. Karpetak eta fitxategiak beste batzuekin parteka daitezke; dena dela, oinarrizko bertsioak ez du ematen baimenak konfiguratzeko aukerarik. Erne, beraz, beste erabiltzaile batzuek editatu eta ezabatu egin ditzakete eta fitxategi horiek.

Mega

Segurtasuna du bereizgarri nagusia; doako biltegiratze-ahalmena, berriz, 50 GBkoa. Bateragarria da Windows, Mac OS eta Linuxerako, eta osagarriak ditu Chrome eta Firefoxen bidez seguru nabigatzeko. iOS, Android eta Windows Phonerako daude eskuragarri aplikazioak, baita Blackberryrako ere. Fitxategiak partekatzeko aukera eskaintzen du Megak, Google Drive eta OnDriveren antzera: lagun bati gonbidapen bat bidali eta, ondoren, editatu egin behar da lagunari egiten uzten diozunaren irismena (ikusi, editatu…).  Baimen hori Megako erabiltzaileei eta beste batzuei eman dakieke (Megakoak ez direnei, kode enkriptatu bat bidali behar zaie). Komunikazio-funtzio seguruak eskaintzen ditu zerbitzuak; besteak beste, bideotxata, posta elektronikoa eta bat-bateko mezularitza.

Zure premietara ondoen egokitzen dena aukeratzea eta hodeiko konputazioaren abantailak ezagutzea, besterik ez duzu egin behar. Eta guretzat iradokizunen bat baldin badaukazu, jakinaraz iezaguzu gure sare sozialen bidez (Facebook, Twitter eta Li

Post gehiago irakurri.

Ekaina 27, 2022
Espiritu ekintzailea testuinguru eta sektore guztietan zabaltzen ari da, industrialean barne, baita gaur egungoa bezalako egoera berezietan ere. Enpresa Txiki eta Ertainaren eguna dela eta, elkarrizketa egin diogu IGASI Vacuum Solutionko lantaldeari. Proiektu ekintzailea da, eta laster urtebeteko ibilbidea beteko du enpresa gisa.   Nola sortu zen Igasi eta nola definituko zenukete zuen enpresa? Enpresa...
Ekaina 23, 2022
Gaztenpresan, krisiari aurre egiteko zailtasunak dituen enpresa-ehunera egokitzen jarraitu dugu. Hori dela medio, atzo Ibon Urgoiti, Gaztenpresako lehendakariak, 2021. Urteko Txostenaren aurkezpenean nabarmendu zuenez, Fundazioko taldeak bere proiektuekin jarraitzeko beharberritu diren pertsonak laguntzeko ahalegina kontuan hartzea ezinbestekoa da. Hala ere, egindako lan horri guztiari esker, 2021eko balantzeak esleitutako helburuak bete direla adierazten du. Beste behin...
Maitza 17, 2022
Bazenekien Europar Batasuneko herrialdeek urtean 5.000 milioi tona hondakin baino gehiago sortzen dituztela, etxekoak kontuan hartuta? Eta bazenekien, Euskadin sortzen ditugun 5,5 tona hondakinetatik, % 80k eraikuntzan eta industrian dutela jatorria? Pentsatu duzu noizbait, 2050. urtean, munduko biztanleek gaur egun kontsumitzen ditugun baliabideak baino hiru aldiz baliabide gehiago beharko dituztela? Izugarrizko datuak dira, ezta? Baina,...
Maitza 17, 2022
Pandemiak goitik behera aldatu zituen pertsonen kontsumo-ohiturak eta ingurune digitalago batera egokitu behar izan zuten. Datuak lehendik ere pozgarriak ziren eta Interneteko erabiltzaile den Euskadiko biztanleriak hazten jarraitu zuen 2021. urtean, % 84,9raino. Gai horri buruz hitz egingo dugu gaur, Interneteko Mundu Egunean, Pello Múgicarekin eta SavileCode enpresaren talde guztiarekin. Gainera, lehen eskutik kontatuko digute nola...
Maitza 16, 2022
Irudi batek mila hitzek baino gehiago balio duela esan ohi da eta horixe erraztuko digu Canvak, hain zuzen ere: gure negoziorako eduki grafikoa modu sinple eta intuitiboan sortzea, diseinu-ezagutzarik zertan izan gabe. Izan ere, on-line erreminta honek plantillen eta baliabide grafikoen kopuru handia (irudiak, argazkiak, tipografiak, eta abar) jartzen du gure esku, haiekin gure negozioaren/markaren...
Maitza 9, 2022
Negozio bat martxan jartzen dugunean (edo jartzeko asmoa dugunean), pertsona ekintzaile batek egin beharreko lehenengo gauzetako bat besteei aurkeztea da: balizko bezeroei, banatzaileei, laguntza emango diguten toki-garapeneko erakundeei, eta baita gure jarduera abiarazteko kreditu bat ematen diguten finantza-erakundeei ere. Kasu guztietan ere, gure solaskideen arreta erakartzeko eta gure helburuak lortzeko posibilitate gehiago izango ditugu, gure...