×

Para instalar Gaztenpresa en tu iPhone pulsa y luego Añadir a pantalla de inicio.

Navegación limitada - Sin conexión

Félix Pikatza, Kalaka Jokuak enpresakoa (Laudio, Araba): “Gaztenpresak gogoeta egiten eta nire ideiei errentagarritasuna ateratzen lagundu dit”

FÉLIX PIKATZA
Share on facebook
Share on twitter
Share on linkedin
Share on whatsapp
Share on email

Eskolan txalupa bat egiten ari zela konturatu zen arabar hau bere bizitza betiere zurarekin lotuta egongo zela. Eta horrela izan da, baina ez beti modu berean. Elkarrizketa honetan, merkatuko premiak aldatzen ziren neurrian bere artisau-jarduera ere nola aldatu den kontatutako digu Félix Pikatzak. Baita berrasmatze-prozesu horretan Gaztenpresak nola lagundu dion ere.

Oso txikitatik argi izan zenuen zura lantzeko lanbidean aritu nahi zenuela. Kontatuko zeniguke nolakoak izan ziren zure hasierako garaiak?

Material horrekin dudan harremana hamaika urte nituela hasi zen, eskolan txalupa bat egin nuenean. Hor ezagutu nuen zura material laguna zela, baina zur hori lantzen ikasi behar nuela. Horregatik ikasi nituen arotzeria eta ebanisteria, baita zuraren marrazketa, tailaketa eta torneaketa ere. Gero Florentziara joan nintzen eta hiru urte egon nintzen bertan zaharberritzaile gisa lanean eta eskulturak eginez. Gero Laudiora itzuli nintzen eta nire tailer propioa ireki nuen, eta altzariak eta artisau-piezak egiten nituen bertan batez ere.

 

Eta zertan aritzen zara orain?

Gaur egun, bi negozio-lerro ditut: bata haur-hezkuntzako ikastetxeetarako zurezko prestakuntza-materiala eta ikasmateriala egiteko, eta bestea formatu handiko zurezko jokoetara bideratua, puzzleak, asmamen-jokoak eta estrategia-jokoak barne, aisialdiko eta astialdiko jarduerak egiteko.

 

A zer-nolako aldaketa! Zeri zor zaio negozioaren eraldaketa hori?

2008ko krisialdiarekin hasi zen guztia. Familia askok pairatutako erosahalmenaren galerak nire negozioari eragin zion. Bestalde, Ikea Euskal Herrira iritsi izanak jendearen mentalitatea aldatu zuen. Jende askok ez zituen jada nahi denboran iraungo zuten altzari esklusibo eta pieza bereziak, baizik eta aukera merkeagoak, erabili eta botatzekoak.
Ez zen oso panorama itxaropentsua nire tailerrarentzat. Baina justu orduan zenbait haur-eskola nirekin harremanetan jartzen hasi ziren zurezko hezkuntza-materiala eskatzeko. Apurka-apurka, eta ikastetxeen eta irakasleen arteko ahoz ahokoari esker, horrelako eskari gero eta gehiago jasotzen hasi nintzen. Horrela, puntu horretan merkatu-nitxo handi bat zegoela ikusi nuen, eta merezi zuela nire jarduera negozio-linea berri horretara bideratzea.

 

Eta nondik sortu zen joko kooperatiborako formatu handiko zurezko jokoen ideia?

Eskolentzat lan egiten hastearekin batera, gure plazetan jolasean aritzen diren neska-mutilak pantaila bati itsatsita daudela konturatzen hasi nintzen. Orain ez dira jolasten lehen egiten zen bezala eta orduan bururatu zitzaidan formatu handiko zurezko jokoek gure txikiak mugikorretatik urrunarazi zitzaketela… denbora-tartetxo batez behintzat.
Horregatik, mota horretako sei jokoren lehenengo bilduma bat egin nuen, eta zerbitzu hori eskaini nien udalei, elkarteei, ikastetxeei, eta abar. Hain harrera ona izan zuen ezen udalerri asko joko-barietate gero eta handiagoa eskatzen hasi ziren, eta gaur egun badut jada zurezko 20 jokoren bilduma bat joko horien bidez hainbat abilezia garatzeko, hala nola trebetasuna, asmamena, zehaztasuna, kontzentrazioa, oreka edo koordinazioa.

 

Berrasmatze-prozesu horretan, nola lagundu dizu Gaztenpresak?

Esan ohi den moduan, batzuetan bururik gabeko oilaskoa bezala aritzen naizela onartzen dut. Gauza asko egiten ditut eta beti nago sortzen, eta inoiz ez dut geldialdi bat egiten ideia berri horiek nola probestu ditzakedan pentsatzeko, eta horregatik jo nuen zuengana. Laguntza behar nuen egiten dudan guztiaren errentagarritasuna nola lortu dezakedan ikusteko. Baita zeri erreparatu beharko diodan eta negozioari begira zein gauza ez diren hain garrantzitsuak jakiteko ere.
Egia esan, benetako luxua izan da Patxik –nire plan komertziala Gaztenpresan eraman duen aholkulariak– zein Bernardek –niri laguntzen jarraitzen duen mentoreak– eskaini didaten laguntza probestu ahal izatea. Sormen-etorri oso indartsua dut eta oso langilea naiz, baina badakit kudeaketa-ezagutzak falta zitzaizkidala eta hori da zuekin gehien landu dudana.

Milesker zure historia gurekin partekatzeagatik, Félix!

Berarekin harremanetan jartzeko, hemen:

Kalaka Jokuak / Félix Pikatzaren lantegia:
Industrialdea. Zeramika Eraikina, 01400 Laudio (Araba)
Tel. 635702976.
Joko kooperatiboaren webgunea: https://kalakajokuak.eus/.
Hezkuntza-materialaren webgunea: http://www.felixpikatza.eu/.

 

 

Post gehiago irakurri.

Uztaila 9, 2024
Gaztenpresaren podcastean, kubaldun honekin (jaiotzez kubatarra eta bihotzez euskalduna) hitz egin dugu. Ekintzaile peto-petoa da, eta ez da konformatu bere proiektuak abiaraztearekin, baizik eta, gainera, ekintzailetzarako grina partekatzen du Euskadira migratutako emakumeekin, kolektibo horrek negozio bat abian jartzeko orduan dituen oztopo gehigarrien jakitun.   Laguntza eta ulermenerako gune bat Lan hori egiteko, Maylin Vergarak Emakume...
Uztaila 8, 2024
Ekin eta zure enpresa sortu aurretik, zure negozio-eredua landu behar duzu. Erakunde batek balioa nola sortzen, entregatzen eta bereganatzen duen deskribatzen duen eskema bat da. Bestela esanda, enpresa batek nola funtzionatzen duen eta irabaziak sortzen dituen definitzen duen plana da. Enpresa-tresna hau oso erabilgarria da, batez ere zure ibilbide berriaren hasieran, gida eta orientazio gisa...
Uztaila 2, 2024
Gaztenpresaren jarduera jarraitu ohi duzuen pertsonei ziur Elsa Pamparacuatro eta Keko Salvador izenak ezagunak egiten zaizkizuela. Ekintzaile bikote hau Gernikako Txitatoki zirku eskolaren sustatzailea da, iaz Donostian antolatu genuen Gaztenpresatik topaketan esan ziguten bezala. Han jakin genuen zentro honek, landa-eremuan zirkuko arteen praktika hurbiltzea eta sustatzea ez ezik, pertsonen garapen pertsonalerako eta gizarteratzeko tresna gisa...
Ekaina 25, 2024
Prest dago Joanes Roso, Tazebaezeko CEOarekin izan dugun solasaldiaren azken zatia!! Lehenengo zatian proiektuaren hasierei buruz hitz egin genuen, eta zergatik egituratzen den kooperatiba gisa. Bigarren atal honetan, talde kooperatibo honen jardueran sakondu dugu. Lau negozio-unitate biltzen ditu, independenteak, baina elkarren artean lotuta daudenak eta erantzunkideak direnak: Bira: aholkularitza-zerbitzuak Tazebaezen jarduera nagusia aholkularitza eta aholkularitza...
Ekaina 18, 2024
Gaur Joanes Roso, Tazebaez kooperatibako CEO eta presidentearekin hitz egin dugu. Kooperatiba horrek 15 urte baino gehiago daramatza negozio eta proiektu jasangarriak bultzatzen, pertsonak prozesuaren erdigunean kokatuz beti. Jakin nahi duzu nola egiten duten eta zerk motibatzen duen enpresa honetako taldea? Aholku bat: entzun gure podcastaren atal hau, eta baita hurrengoa ere, elkarrizketa hain interesgarria...
Ekaina 12, 2024
Imajina dezakezunez, Eko-Ekintzailetzak goraka doazen bi joera biltzen ditu: ekologia eta ekintzailetza. Ekintzailetza berdea edo ingurumenekoa da, proiektu profesional bat sortzean jasangarritasunari ere garrantzia eman behar diozulako. Gaur egun, klima aldaketarekin kezkatuta dagoen jende gehiengoarekin eta 2030 agenda ezartzearekin, ez da nahikoa ekonomikoki funtzionatuko duen negozio bat sortzea, ekologikoki ere funtzionatu behar baitu. Jasangarritasunaren eta...