×

Para instalar Gaztenpresa en tu iPhone pulsa y luego Añadir a pantalla de inicio.

Navegación limitada - Sin conexión

Euskadin saria jaso duten negozio-ideiak

gzt-ideas-premiadas
Share on facebook
Share on twitter
Share on linkedin
Share on whatsapp
Share on email

Ekintzailetzak ez du etenik Euskadin. Gure ekintzailetza-sareak egunez egun hainbat erronkari aurre egin behar izan arren, urtez urte talentu-lagin berriak ikusten ditugu, jarduera ekonomikoa eta enpresa-produktibitatea mantentzen laguntzen dutenak.

Berrikuntza-lan hori bereziki handia izan da azken urtean. Osasun-krisiak eta hark berekin ekarri dituen murrizketek ezin izan dute geldiarazi negozio-ekimen bideragarri eta original berrien agerpena gure inguruan, eta gure erresilientzia-gaitasunarekin batera bizitu dira. Izan ere, azken hilabeteetan kontaezinak izan dira irudimenera eta egokitzeko gaitasunera jo duten negozioak, krisiari aurre egiteko eta #JarraitzekoBerritzeko. Horiekin batera, beste ekimen berritzaile batzuk ere ugaritu dira. Jarduera sortzeaz eta enplegua sortzen laguntzeaz gain, ekimen horiek enpresen, erakundeen eta, oro har, gizartearen aintzatespena izan dute, haien izaera berritzaileagatik. Hona hemen horietako batzuk:

  • Bee Agritech. Erleak babesteko zerbitzu eta produktu bioteknologikoak ekoizten dituen enpresa honek 2020an eskuratu zuen lehen Gaztenpresa-MBAe3 saria. Sari horrek Ekintzailetza eta Enpresa Zuzendaritza Masterreko (UPV/EHU) ikasleen negozio-ekimen bideragarriak eta talentu ekintzailea aitzatesten ditu. Bee Agritech enpresak honako helburu hauek dituen jarduera bati esker jaso zuen saria: erlezaintzarekin lotutako irtenbideak diseinatzea, erleen hilkortasun handia geldiarazteko; landa-eremuko produktu agrokimikoak ezabatzea, lurra eta ingurumena babesteko; nekazaritza-produktu seguruak eta jasangarriak garatzea; eta erlauntzen eta soroen produktibitatea hobetzea, besteak beste.
  • Team & Thought.Bizkaired– Bizkaiko Sareko Enpresen Elkarteak Team & Thought metodologiaren arduradun Jon Zuluetak egindako lan ekintzailea azpimarratu nahi izan zuen Bizkaia Sarean 2020 sarietan. Sari horrekin, Bizkaired sareak berrikuntzaren aldeko apustua nabarmendu nahi izan zuen; izan ere, startup horrek zuzendarientzako aholkularitza sustatzen du horiei bideratutako esperientziazko ikaskuntzaren bere metodoarekin. Formatu aitzindari horren bidez, parte-hartzaileek beste enpresari batzuen esperientziaz ikas dezakete beren enpresen erronkei irtenbideak bilatzeko orduan. Mentoring espezializatuaren antzekoa da, eta esperientziazko ikaskuntza-teknikak erabiltzen ditu edozein enpresak izan ditzakeen arazoei irtenbide sortzaileak eta berritzaileak aurkitzeko.
  • Onena Medicines eta Biotech Foods. Bi enpresa horiek gure enpresa-sarearen izaera berritzailea islatzen dute. Onena Medicines enpresa gipuzkoarrak Ekintzailetza Berritzailearen Toribio Echevarria Sarien lehen saria jaso zuen Enpresa Asmoen kategorian, bularreko minbizi errepikatuaren tratamenduari buruzko ikerketa bati esker. Bestalde, Biotech Foods enpresak saria jaso du Enpresa Berriaren kategorian, haragiaren hazkuntzarako proteina testurizatua ekoizteko ekimen aurreratu bati esker. Toribio Echevarria sariak Eibarko Udalak eta Gipuzkoako Foru Aldundiak sustatzen dituzte, pertsona ekintzaileen lana aitortzeko eta ekintzailetza bultzatzeko.
  • Ekomodo. Ekomodo enpresa gipuzkoarrak Enpresentzako Europako Ingurumen Saria irabazi zuen Euskadin, birziklatutako plastikozko hondakinak oinarritzat hartuta diseinuzko osagarri jasangarriak egiteko bere jarduerari esker. Haren jarduerak egunero erabiltzeko pentsatuta dauden osagarri jasangarriak diseinatzea eta merkaturatzea du helburu, hala nola eramangarri edo tabletentzako zorroak, karpetak, telazko poltsak eta estutxeak. Produktu horiek material jasangarri % 100 birziklatuekin eta birziklagarriekin eginda daude, gizarte-bazterkeria jasateko arriskuan dauden langileak erabiltzen dituzten lantegietan.
  • Kaixo Euskadi. Galdakaoko Andra Mari Lanbide Heziketako Zentroak diseinatutako webapp hau Euskal Herria bisitatzera etortzen diren eta euskal kulturari edo lurraldeak eskaintzen dituen beste jarduera batzuei buruzko informazioa bilatzen duten turistei dago bideratuta. Aplikazioak ibilbide, tailer, ekitaldien agenda, tokiko merkataritza edo artisautzaren berri ematen du.Ekimenak Eusko Jaurlaritzaren eta Bizkaiko Foru Aldundiko Enplegua, Gizarte Inklusioa eta Berdintasuna Sustatzeko Sailaren (DEMA agentziaren bidez) Enpresari Programaren XIX. edizioko lehen saria jaso zuen.
  • STEAM ekimenak. Eusko Jaurlaritzako Hezkuntza Sailak, Innobasque-Berrikuntzaren Euskal Agentziarekin lankidetzan, STEAM bokazioak sustatzeko lau ekimen saritu ditu: Bilboko Artxandape Ikastolarena, Neuronak Martxan izenekoa; Elhuyar Zientzia Azoka, Elhuyar Fundazioarena; Gasteizko San Martin HLHIren ekimena; eta Deustuko Unibertsitatearen Inspira STEAM ekimena. Horien guztien helburua zientzia-bokazioak sustatzea da, hainbat hezkuntza-esparrutan.

Ekimen horiek guztiak negozio-ideiak dira, eta Gaztenpresak duela 25 urtetik baino gehiagotik izan duen izaera ekintzailea erakusten dute; izan ere, haren bidez ia 6.000 enpresa eta 11.000 lanpostu sortu dira guztira. Gogoratu zure negozioaren edozein fasetan lagun diezazukegula eta zure jarduera sustatzen laguntzeko beste ekintzaile batzuekin harremanetan jar diezazukegula. Zain gaituzu!

Post gehiago irakurri.

Martxoa 4, 2024
Digitalizazioa da negozio askoren konpondu gabeko arazoa. Horregatik, gaur Cristina Terán kazetari eta marketin digitaleko aholkularia dugu.   Gaztenpresa: Ekiten duzunean, badirudi dena jakin behar duzula. Eta askotan, tresna teknologikoekin (sare sozialak, internet, etab.) identifikatu naiteke edo ongi eta eroso senti naiteke. Baina izerdi hotzak ematen dizkidate kontabilitatearekin, finantzekin eta abarrekin lotutako beste gai batzuekin....
Otsaila 8, 2024
GAZTENPRESA: Inma, lehen, mikroetatik kanpo, ekitea gauza hutsala ez dela jakitea garrantzitsua dela komentatzen ari ginen. Eta oso interesgarria iruditzen zaidan konparazio bat egiten zenuen. Kontatuko diguzu? INMA RAMOS: Guk 30 urte daramatzagu ekiten duten pertsonekin lanean. Eta askotan, pertsonak ekiten duenean, egiten duen lehen aldia da. Beraz, gelditu gabe korrika egiten ari naizen esprint...
Urtarrila 15, 2024
Simon Zineckek zioen ekintzailetza ez dela lasterketa bat, inoiz amaitzen ez den bidaia baizik. Bidaia honetan, motxila tresna askorekin beteta eraman behar dugu, eta funtsezko tresna bat finantza-osasuna da. Iñaki Ruiz de Balugerarekin hasiko dugu solasaldi sorta. Bere ibilbide profesionala enpresei eta ekintzaileei helburu hori lortzeko aholkuak ematen eman du. GAZTENPRESA: Badirudi ekintzaileek denetik jakin...
Abendua 13, 2023
Patxi Vizcainorekinhitz egin dugu. Imanol Lecuona eta Iñigo Graciarekin batera, Vaprest enpresa gipuzkoarra jarri dute martxan. Enpresa horrek mota guztietako sektoreetarako presiozko aparatuak instalatu, konpondu eta mantentzen ditu: altzairutegiak, galdategiak, elikagai-fabrikak, ospitaleak, garbitegiak, etab. Nola erabaki zenuten Imanolek, Iñigok eta zuk ekitea? Gure ekintzailetza beharretik dator. Argi eta garbi. Hirurok lurrunezko galdarak eta fluido termikoak...
Abendua 4, 2023
Beatriz Ramos eta Tzibi Juaristierekin batera, Eukene Aranak irabazi-asmorik gabeko kooperatiba bat jarri du martxan, erakunde publiko eta pribatuei haurrak eta nerabeak babesten, eta tratu ona prebenitzen eta lortzen laguntzeko. Elkarrizketa honetan azaldu digu.   Hobeto ezagutzeko, azalduko al diguzu labur-labur zer egiten duzuen Zain Protección Infancia y Adolescencia erakundean? Gure lana, batez ere, erakunde...
Azaroa 10, 2023
Sheila Rubiarekin hitz egin dugu gaur. Emakume ekintzaile honek, Emilio Cabrera bikotekidearekin batera, etxeko sukaldaritzako negozio bat jarri du abian Iruñean, eramateko janariarekin. Bere establezimenduak “Pollos Asados La Abuela” du izena eta, elkarrizketa honetan, proiektu honen jatorria eta Gaztenpresak errealitate bihurtzen nola lagundu dion azalduko digu.   Nola sortu zen zuen negozioa abian jartzeko ideia?...